主場作戰，險勝修咸頓。 賽後分析
後防球員繼續係隊長楊格、史摩寧、連迪路夫以及梳爾。
中場則有麥湯文尼、佩雷拉、普巴
前線有盧卡古、山齊士及拉舒福德
今場賽事蘇帥在前鋒線上作出些少變動。上一場入兩球嘅盧卡古居中，而山齊士則嘗試更多切入中路。拉舒福德靠右踢右翼而唔係中鋒。
開賽初段，曼聯嘅攻勢頗多，前五分鐘，曼聯至少有兩個必入球，盧卡庫甚至有機會在開賽初段便取得入球。只可惜，修咸頓門將表現太出色，通通過唔到佢嘅十指關。之後，修咸頓推前壓逼曼聯後防及中場。 讓曼聯陷入苦況。第二十五分鐘，修咸頓華利尼在右路冇人逼搶下，起腳抽射，嗰波又急又勁，迪基亞雖然撲倒，但嗰波力度十足，即時掛網。修咸頓意外1：0領先。落後緊嘅曼聯嘗試將節奏調整得更快，但係修咸頓防守嚴密，不斷壓逼曼聯中場，令到中場球員麥湯文尼得唔到支援。很多時候，後防囉到波就大腳將嗰波送上去前線，中場好似斷咗纜咁。 普巴及佩雷拉很多時候專注前線進攻，讓麥湯文尼變得孤立無援。依幾場波落來，冇咗馬迪及靴里拉協助，普巴得唔到太多嘅支援，甚至要佢分身防守及回到後場做串連，因此上半場普巴踢得比較沉，冇咩特出嘅表現。1：0後，曼聯亦都錯失幾個入球機會，梳爾傳中，盧卡庫冇人逼搶下，掙少少頭槌破門。之後，楊格開出角球，史摩寧頭槌，嗰波彈地後，緊緊柱邊出界，被拉舒福德包位，將嗰波踢翻中路，可惜冇人接應。
下半場後，蘇帥作出調動，讓普巴退得更後，甚至出現係兩名中堅前，目的係負責串連後防與中場。以當時嘅情況，曼聯實在冇人做得比普巴更好。因為普巴護球嘅能力比麥湯文尼好好多，而普巴如果可以擺脫對方防守球員，就可以分邊或進行快速反擊。修咸頓顧慮到依點，都唔敢壓得太前。咁嘅安排，犧牲咗普巴，但係有效地舒緩咗中場及後防嘅壓力，阻止咗修咸頓球員大幅壓前。
冇幾耐，山齊士傷出，達洛入替踢右翼，拉舒福德移去左路。連串嘅變化之下，解放咗佩雷拉，曼聯取得第一個入球，來自佩雷拉嘅禁區外世界波。六分鐘後，佩雷拉又再助攻盧卡古起腳，嗰波貼著地入網，曼聯反超前。
賽後，蘇帥都盛讚佩雷拉，話佢可能更適合出現在八號或十號嘅位置。週中對陣巴黎，蘇帥或者會用佢取替領紅冇得出場嘅普巴。
2：1後，曼聯嘗試控制中場節奏，可惜好景不常。修咸頓在禁區外獲得自由球嘅機會，而佢地亦都好好把握機會，華特普羅斯射門，嗰波貼住門柱掛網。依球迪基亞完全冇掂到嗰波。迪基亞，一連救失兩球世界波令佢由天堂跌落凡間。但係兩球波有角度有力度，真係神仙都難救。
修咸頓追平後，蘇帥再次作出調動。換入上一場正選嘅費特入替佩雷拉。普巴再次回到攻中位置。蘇帥係希望能夠借助普巴嘅能力，為前線輸送砲彈。第八十九分鐘，費特傳球，盧卡古轉身，冇做出太多調整就右腳抽射破門。曼聯再次反超前。盧卡古破門後更加激動到除衫慶祝而讓球證出示黃卡。
臨完場前，拉舒福德在禁區內獲得十二碼，普巴操刀，本應有機會將比分變成4：2，可惜，門將救出。令比數以3：2完場。
盧卡古兩場入四球，當中有三球入波係好相似嘅，都係用右腳抽射。而印象中，右腳並非係佢嘅慣用腳。由此證明，佢係依一方面有努力鍛鍊過，相信當中亦有蘇帥嘅教路。當球隊需要佢時，佢又再次企出來。真係唔好再雞蛋挑骨頭喇。
普巴依幾場踢得比較沉，很大原因係身後冇咗馬迪及靴里拉，而球隊暫時亦冇人可以代替佢哋兩個支援普巴。今場可以見到普巴因蘇帥嘅戰術部署而出現在多嗰唔同嘅中場位置。為咗球隊佢願意犧牲，而佢都好好咁執行咗蘇帥嘅戰術安排。只係冇讓出十二碼俾盧卡古帶帽兼又射失，令好多球迷覺得佢自私咗。
至於後防方面，楊格場場踢足九十分鐘，出現咗疲態，令佢嘅判斷能力下降。上一場冇及時解圍，間接被水晶宮入嗰球再加上今場修咸頓嘅第二個入球，正正係因為佢嘅犯規而造成嘅。今場佢嘅速度明顯下降，很多時候見到佢係對方球員身後追波。睇來係時候俾佢休息下。
總結整場比賽，曼聯贏得非常驚險。球員本身出現疲態，行軍速度下降，都係曼聯連勝及傷兵潮嘅代價。好嘅方面係，我哋可以見到，曼聯由落後，追平到反超，再到被扳平，再反超嘅過程中表現出來嘅態度及爭勝心。面對逆境波，可以勝出，士氣係高漲，但係隱憂亦都不能忽視。畢竟靠士氣贏波，唔係場場都可以咁好彩。
中場則有麥湯文尼、佩雷拉、普巴
前線有盧卡古、山齊士及拉舒福德
今場賽事蘇帥在前鋒線上作出些少變動。上一場入兩球嘅盧卡古居中，而山齊士則嘗試更多切入中路。拉舒福德靠右踢右翼而唔係中鋒。
開賽初段，曼聯嘅攻勢頗多，前五分鐘，曼聯至少有兩個必入球，盧卡庫甚至有機會在開賽初段便取得入球。只可惜，修咸頓門將表現太出色，通通過唔到佢嘅十指關。之後，修咸頓推前壓逼曼聯後防及中場。 讓曼聯陷入苦況。第二十五分鐘，修咸頓華利尼在右路冇人逼搶下，起腳抽射，嗰波又急又勁，迪基亞雖然撲倒，但嗰波力度十足，即時掛網。修咸頓意外1：0領先。落後緊嘅曼聯嘗試將節奏調整得更快，但係修咸頓防守嚴密，不斷壓逼曼聯中場，令到中場球員麥湯文尼得唔到支援。很多時候，後防囉到波就大腳將嗰波送上去前線，中場好似斷咗纜咁。 普巴及佩雷拉很多時候專注前線進攻，讓麥湯文尼變得孤立無援。依幾場波落來，冇咗馬迪及靴里拉協助，普巴得唔到太多嘅支援，甚至要佢分身防守及回到後場做串連，因此上半場普巴踢得比較沉，冇咩特出嘅表現。1：0後，曼聯亦都錯失幾個入球機會，梳爾傳中，盧卡庫冇人逼搶下，掙少少頭槌破門。之後，楊格開出角球，史摩寧頭槌，嗰波彈地後，緊緊柱邊出界，被拉舒福德包位，將嗰波踢翻中路，可惜冇人接應。
下半場後，蘇帥作出調動，讓普巴退得更後，甚至出現係兩名中堅前，目的係負責串連後防與中場。以當時嘅情況，曼聯實在冇人做得比普巴更好。因為普巴護球嘅能力比麥湯文尼好好多，而普巴如果可以擺脫對方防守球員，就可以分邊或進行快速反擊。修咸頓顧慮到依點，都唔敢壓得太前。咁嘅安排，犧牲咗普巴，但係有效地舒緩咗中場及後防嘅壓力，阻止咗修咸頓球員大幅壓前。
冇幾耐，山齊士傷出，達洛入替踢右翼，拉舒福德移去左路。連串嘅變化之下，解放咗佩雷拉，曼聯取得第一個入球，來自佩雷拉嘅禁區外世界波。六分鐘後，佩雷拉又再助攻盧卡古起腳，嗰波貼著地入網，曼聯反超前。
賽後，蘇帥都盛讚佩雷拉，話佢可能更適合出現在八號或十號嘅位置。週中對陣巴黎，蘇帥或者會用佢取替領紅冇得出場嘅普巴。
2：1後，曼聯嘗試控制中場節奏，可惜好景不常。修咸頓在禁區外獲得自由球嘅機會，而佢地亦都好好把握機會，華特普羅斯射門，嗰波貼住門柱掛網。依球迪基亞完全冇掂到嗰波。迪基亞，一連救失兩球世界波令佢由天堂跌落凡間。但係兩球波有角度有力度，真係神仙都難救。
修咸頓追平後，蘇帥再次作出調動。換入上一場正選嘅費特入替佩雷拉。普巴再次回到攻中位置。蘇帥係希望能夠借助普巴嘅能力，為前線輸送砲彈。第八十九分鐘，費特傳球，盧卡古轉身，冇做出太多調整就右腳抽射破門。曼聯再次反超前。盧卡古破門後更加激動到除衫慶祝而讓球證出示黃卡。
臨完場前，拉舒福德在禁區內獲得十二碼，普巴操刀，本應有機會將比分變成4：2，可惜，門將救出。令比數以3：2完場。
盧卡古兩場入四球，當中有三球入波係好相似嘅，都係用右腳抽射。而印象中，右腳並非係佢嘅慣用腳。由此證明，佢係依一方面有努力鍛鍊過，相信當中亦有蘇帥嘅教路。當球隊需要佢時，佢又再次企出來。真係唔好再雞蛋挑骨頭喇。
普巴依幾場踢得比較沉，很大原因係身後冇咗馬迪及靴里拉，而球隊暫時亦冇人可以代替佢哋兩個支援普巴。今場可以見到普巴因蘇帥嘅戰術部署而出現在多嗰唔同嘅中場位置。為咗球隊佢願意犧牲，而佢都好好咁執行咗蘇帥嘅戰術安排。只係冇讓出十二碼俾盧卡古帶帽兼又射失，令好多球迷覺得佢自私咗。
至於後防方面，楊格場場踢足九十分鐘，出現咗疲態，令佢嘅判斷能力下降。上一場冇及時解圍，間接被水晶宮入嗰球再加上今場修咸頓嘅第二個入球，正正係因為佢嘅犯規而造成嘅。今場佢嘅速度明顯下降，很多時候見到佢係對方球員身後追波。睇來係時候俾佢休息下。
總結整場比賽，曼聯贏得非常驚險。球員本身出現疲態，行軍速度下降，都係曼聯連勝及傷兵潮嘅代價。好嘅方面係，我哋可以見到，曼聯由落後，追平到反超，再到被扳平，再反超嘅過程中表現出來嘅態度及爭勝心。面對逆境波，可以勝出，士氣係高漲，但係隱憂亦都不能忽視。畢竟靠士氣贏波，唔係場場都可以咁好彩。