找到家的感覺！觀塘私房菜Dreamix廚

不經不覺又一年了，表哥一家從美國過來，
作為主人家當然要帶他們吃中式飯菜。
經朋友介紹下得知觀塘有一間評價幾高的私房菜，
所以今次決定Book左張枱由Dreamix廚去安排菜式。

表哥見我帶佢去工業大厦好似有啲失望咁，
但一入門口見到入面既裝修、擺設好有家既感覺，
真係令佢180度改觀！

呢度環境舒服，有一個開放式廚房，感覺好溫馨！


第一道菜 冰鎮花膠


眾所週知，花膠養顏又補鈣，
平時吃花膠都離不開煲湯、燉同炆，
呢個冰鎮花膠既煮法好新穎。
青瓜清甜爽口，撈住黑松露芝麻醬食酸酸甜甜好開胃。


入口啖啖彈牙，好有口感，咬得好過癮，好滿足！

第二道菜 淮山杞子響螺雞湯


自從畢業後出來社會工作，回家吃飯的次數越來越少，
可以喝到老火湯的機會也變得珍惜了。


淮山杞子響螺雞湯可以感受到私房菜的心血，湯跟煲湯材料分開上枱，可以見到湯底好足料(響螺肉超多)，難怪個湯咁甜！


由細到大都好中意飲湯，淮山杞子響螺雞湯好清甜，完全沒有落味精喔！

第三道菜 Dreamix 雙喜


Dreamix 雙喜有炸蟹肉多士同炸蠔，
炸蟹肉多士用上新鮮的蟹肉，好鮮甜。
而炸蠔真係值得一試，平時食蠔都係生食，
好少會食炸，估唔到炸蠔係好食過生蠔！

炸到外皮好脆，而入面好多汁，唔會炸到又乾又硬。

第三道菜 家。昌媽媽炆豬肉



這道菜一上枱，看似五花腩原來並不是！
店員說這道炆豬肉用的不是五花腩，而是玻璃腩，
即五花腩與煙肉位之間部分，每隻豬只有約一斤，非常矜貴。

店員說要將半肥瘦的玻璃腩夾在饅頭中，能減低油膩感及罪惡感。
果然，這個吃法令我一試愛上。



豬肉的口感十分鬆軟，本來以為半肥瘦嘅豬肉會好油膩，
食一兩塊就會停口。
誰知道試過一啖就停唔到口，
係呢個時候我哋都喺度感嘆點解冇一碗白飯喺旁邊呢？

第四道菜 蟲草花上湯浸時蔬


食完咁多油膩嘅菜式，係時候要食下啲清淡嘅蔬菜。

第五道菜 糯米鴨飯



起初見到呢隻糯米鴨飯以為係八寶鴨，原來係唔同。
隻鴨其實已經蒸左一日，將入邊嘅油份完全的晒出嚟再滲入糯米飯入邊，
所以個糯米飯充滿着鴨油，令糯米飯香得嚟又唔會乾巴巴。



其實整一隻糯米鴨嘅工序十分繁複，所以很多餐廳都不會再有得食，
難怪上嚟Dreamix廚食飯要預早book枱。

第六道菜 百花蜜脆鱔



還記得小時候媽媽經常蒸白鱔比我食，
超喜歡白鱔脆卜卜的口感，炸漿的外皮，
甜甜香香，加上嫩滑的鱔肉，
塗上花蜜令脆鱔更加鮮甜。





第七道菜 葉婆婆冬瓜



原來這道菜是其中一位老闆外婆常煮的菜式，這道菜是將冬瓜厚切成件後夾着雲腿蒸香，並淋上玻璃芡，雖然製作看似簡單但是卻充滿着濃濃的情感。

每一道菜都係廚師嘅心血，所以直到最後，
點樣都好有禮貌地提議幫我們打包食物。
係出邊食飯真係第一次會有店員問我地要唔要打包，
真係令人感到好窩心。

食左一共八道菜，又有花膠同老火湯，

每位都係 $350 ，真係物超所值！

————————————————————————————————-


歡迎邀稿/合作試用/出席活動:


To Connect On:

♥ Email: [email protected]

More Reviews on:
♥Beauty Exchange/ ♥ Beauty blog/ ♥ Blogspot

♥She.com/ ♥itrial/ ♥shewin

♥Qooza Beauty/ ♥elle.blog/ ♥theztyle

♥weibo/ ♥Fanpiece/ ♥Weshare

♥ / ♥ ESD Life/ ♥ pixnet

♥ Facebook/ ♥ Instagram