月底登陸Disney+－－為何《緣路山旮旯》是值得一看的佳作
曾經因為主角岑珈其唔係傳統意義上嘅靚仔，而引嚟部份網民痛批戲內男主角身邊有咁多女毫不合理，甚至揚言要搭時光機番去欺凌到岑珈其唔敢再做演員嘅《緣路山旮旯》，將於12月24號登錄Disney+。藉此機會，同大家分享下點解小弟咁喜歡《緣》呢套戲，希望當初冇入戲院睇嘅朋友可以趁聖誕假抽少少時間補睇番。深知劇透死全家嘅道理，所以會盡可能地spoiler-free，或者要講都係講啲知道咗都無傷大雅嘅部份。盡量啦。
套戲我睇得最舒服嘅位，在於佢對劇中人物描寫嘅「貼地」（係唔中意用「到位」）。主流媒體關於「香港」呢個文化符號嘅描寫好多都難免落入俗套，霓虹燈同帆船佔據咗太多嘅篇幅，而常人嘅生活早就離呢啲文化符號甚遠。而撇除文化符號式地hardsell情懷，對香港人日常生活嘅著墨一係就好似《愛回家》咁係set到爆嘅廠景，一係就記事得太過似流水帳。
《緣》最令我會心微笑嘅地方，好多時就係喺描繪日常場景嘅時候，有好多觀眾都會感同身受嘅對白。但篇幅又唔會過度到成為cliché，喺trope嘅程度就恰到好處咁停低咗。HR嘅難搞，俾老細搵笨，兄弟情嘅互豎中指，以至係對移民呢啲話題輕描淡寫嘅同時又心照不宣，都活靈活現地成為90後一代嘅生活寫照。
角色嘅塑造其實都有異曲同工之妙。考慮到screen time有限，除余香凝外嘅女主角可以用嚟character build-up嘅醞釀空間都唔太多（其實余香凝都唔見得多好多），難免喺角色定形上會稍為偏罐頭多少少，同埋要將啲有代表性嘅性格特質一開頭就塞哂入個角色嘅第一印象。
但係，雖然係有啲罐頭，大家嘅身邊卻總係會有呢類型嘅朋友存在。呀厚就唔使講啦，對住異性硬哂胎嘅moment我唔信你人生冇出現過。睇重3字頭心理關口嘅女士，錢銀價值觀明確嘅人，看淡人間煙火嘅藝術家，性格爽直嘅大姐大——就算唔係exactly照辦煮碗，都不乏有呢啲元素嘅人喺自己身邊。例如我老婆就係Lisa同咩姐之間。角色夠貼地，就容易令觀眾產生共鳴。
除咗character design做得好之外，佢哋各自嘅introduction亦都靠演員嘅演技同適時嘅stage effect，去沖淡嗰種說書嘅突兀感。花花嘅角色刻劃咗喺衣著嘅細節，Lisa嘅「仙氣」用visual effect同其他角色嘅浮誇變成笑點位，Mena嘅強勢同單刀直入成為咗佢同呀厚關係變化嘅伏筆。
最犀利嘅係咩姐。由於小弟對時下藝人所知甚少，面盲到咩姐第一次出場時，我連佢就係余香凝都唔知。但正正係因為我冇預先就知道佢會係女主角之一嘅awareness，誤打誤撞地令我切身感受到佢個角色有幾自然地導入咗故事之中，其後嘅劇情發展亦嚟得好順理成章。咩姐嘅角色設定討喜自然功不可沒，但余香凝嘅演技做到嘅自然不造作先係重中之重。
再講落去當然仲有好多嘢可以討論，亦唔存在完美無瑕嘅電影。但細節嘅貼地，角色嘅刻劃，同整體捉得好好嘅節奏，已經足夠概括套戲點解睇得我咁舒服。撇除一切場外因素（本來我就跟得呢單花生唔貼），《緣》都係一套值得支持嘅電影。
最後，雖然唔係同套戲直接有關，但都係講少少自己對周邊討論嘅觀感。作為一個由二次元走番入三次元戲院嘅人，喺元老級嘅《純情房東俏房客》同名垂千古嘅「名作之壁」《IS》面前，《緣》根本甚麼都不是，連「後宮」門口張地毯都掂唔到。至於岑珈其嘅長相，學導演黃浩然話齋，與其搵個靚仔番嚟化毒啲然後話佢係毒撚，點都係搵番毒撚去做毒撚先最貼題（意思大概咁上下）。《尚氣》男主角一開頭係做valet，都係搵番唔係至靚仔嘅Simu Liu先係嗰回事，亦是同理。
（註：本文最先寫於《緣路山旮旯》於電影院上映後，並發佈於個人Facebook專頁。內容因應《緣》將於Disney+串流上架而做出了調整，並發佈至此FanPiece專欄。）
套戲我睇得最舒服嘅位，在於佢對劇中人物描寫嘅「貼地」（係唔中意用「到位」）。主流媒體關於「香港」呢個文化符號嘅描寫好多都難免落入俗套，霓虹燈同帆船佔據咗太多嘅篇幅，而常人嘅生活早就離呢啲文化符號甚遠。而撇除文化符號式地hardsell情懷，對香港人日常生活嘅著墨一係就好似《愛回家》咁係set到爆嘅廠景，一係就記事得太過似流水帳。
《緣》最令我會心微笑嘅地方，好多時就係喺描繪日常場景嘅時候，有好多觀眾都會感同身受嘅對白。但篇幅又唔會過度到成為cliché，喺trope嘅程度就恰到好處咁停低咗。HR嘅難搞，俾老細搵笨，兄弟情嘅互豎中指，以至係對移民呢啲話題輕描淡寫嘅同時又心照不宣，都活靈活現地成為90後一代嘅生活寫照。
角色嘅塑造其實都有異曲同工之妙。考慮到screen time有限，除余香凝外嘅女主角可以用嚟character build-up嘅醞釀空間都唔太多（其實余香凝都唔見得多好多），難免喺角色定形上會稍為偏罐頭多少少，同埋要將啲有代表性嘅性格特質一開頭就塞哂入個角色嘅第一印象。
但係，雖然係有啲罐頭，大家嘅身邊卻總係會有呢類型嘅朋友存在。呀厚就唔使講啦，對住異性硬哂胎嘅moment我唔信你人生冇出現過。睇重3字頭心理關口嘅女士，錢銀價值觀明確嘅人，看淡人間煙火嘅藝術家，性格爽直嘅大姐大——就算唔係exactly照辦煮碗，都不乏有呢啲元素嘅人喺自己身邊。例如我老婆就係Lisa同咩姐之間。角色夠貼地，就容易令觀眾產生共鳴。
除咗character design做得好之外，佢哋各自嘅introduction亦都靠演員嘅演技同適時嘅stage effect，去沖淡嗰種說書嘅突兀感。花花嘅角色刻劃咗喺衣著嘅細節，Lisa嘅「仙氣」用visual effect同其他角色嘅浮誇變成笑點位，Mena嘅強勢同單刀直入成為咗佢同呀厚關係變化嘅伏筆。
最犀利嘅係咩姐。由於小弟對時下藝人所知甚少，面盲到咩姐第一次出場時，我連佢就係余香凝都唔知。但正正係因為我冇預先就知道佢會係女主角之一嘅awareness，誤打誤撞地令我切身感受到佢個角色有幾自然地導入咗故事之中，其後嘅劇情發展亦嚟得好順理成章。咩姐嘅角色設定討喜自然功不可沒，但余香凝嘅演技做到嘅自然不造作先係重中之重。
再講落去當然仲有好多嘢可以討論，亦唔存在完美無瑕嘅電影。但細節嘅貼地，角色嘅刻劃，同整體捉得好好嘅節奏，已經足夠概括套戲點解睇得我咁舒服。撇除一切場外因素（本來我就跟得呢單花生唔貼），《緣》都係一套值得支持嘅電影。
最後，雖然唔係同套戲直接有關，但都係講少少自己對周邊討論嘅觀感。作為一個由二次元走番入三次元戲院嘅人，喺元老級嘅《純情房東俏房客》同名垂千古嘅「名作之壁」《IS》面前，《緣》根本甚麼都不是，連「後宮」門口張地毯都掂唔到。至於岑珈其嘅長相，學導演黃浩然話齋，與其搵個靚仔番嚟化毒啲然後話佢係毒撚，點都係搵番毒撚去做毒撚先最貼題（意思大概咁上下）。《尚氣》男主角一開頭係做valet，都係搵番唔係至靚仔嘅Simu Liu先係嗰回事，亦是同理。
（註：本文最先寫於《緣路山旮旯》於電影院上映後，並發佈於個人Facebook專頁。內容因應《緣》將於Disney+串流上架而做出了調整，並發佈至此FanPiece專欄。）