費蘭尼：呢個先係莫耶斯失敗既原因

費蘭尼係加盟初期一路都比曼聯球迷話佢係水貨，二千七百萬鎊係完全唔值得既，佢亦都被示為莫耶斯一個失敗既收購。

但係呢位27歲既中場最近脫胎換骨，係雲高爾既領導底下佢甚至打出左生涯最好既賽季添。


今季曼聯好有可能可以係頭四位完成今季英超，費蘭尼就話雲高爾既「硬」，係莫耶斯冇既。(咦?

爆炸頭就講到：呢個教頭好嚴，不過咁樣幾好，我地需要一個咁樣既領隊。

「上季我地表現得唔好，搞到我地今季甚至連歐聯都冇得踢。」

「我地需要一個領隊可以令我地做得更好。如果個領隊講D乜野，你就應該去做D乜野，如果唔係你就冇上場既機會。」

「如果佢要係比賽初段或者半場就換走你，佢真係會咁做。好彩既係到依加我都未試過。」

「雲高爾同我講『出去證明你自己，我地會睇得到既』依加佢地開始依賴我喇。」
「其實我從來都冇懷疑過自己，我係季初傷過然後依加番番黎。領隊比到我自信同埋我係短時間內證明到自己。」

「雖然之後我傷左，我又病左。有三個星期既時間我要食抗生素。果段時間有D辛苦，但依加我終於可以享受足球喇！」


記得透過呢個網址係facebook讚下我地個PAGE喇！
你既支持就係我地既動力

原文