長留曼聯！科素文沙將續長約

摩連奴入主曼聯之前，曼迷們都好擔心佢會為左短期既光輝破壞球會既青訓系統。然而，為左能夠將球會既未來希望留係身邊，摩連奴同意比一份長約呢位年輕既荷蘭後衛，而科素文沙亦原則上同意同會方續約，呢單續約官方亦會係數日內公佈。
18歲既文沙上季係雲高爾既帶領底下為曼聯一隊上陣10次，處子上陣入替洛荷既比賽更加為球隊守住勝局，以3比2擊退阿仙奴。
摩帥就希望係文沙續約之後留佢係一隊，並無將佢外借既意願。但其他青年軍就冇咁好彩喇，除左麥尼亞同路夫轉會新特蘭，包維、艾殊利費查、路夫維爾、拉夫保尼同鄧尼已經離開左曼聯，而贊奴沙、波夫域積臣、占士威爾遜、佩雷拉、堅尼同Blackett都已經被告知佢地今季唔會為一隊上陣，而會方亦準備或已經將佢地外借到其他球會吸收上陣經驗。


原文