清洗舊將！達米安或被拋售

呢位26歲既後衛上年從意甲既拖連奴加盟曼聯，因為穩健既防守深得一眾曼迷歡心。係雲高爾年代緊守右路既佢，上場對般尼茅夫既比賽被排除係陣容之外。
摩連奴一向中意兩閘多上前助攻，上仗正選既華倫西亞就深得摩帥既喜愛。除左上仗擔任後備既洛荷，曼聯仲有續長約既青訓科素文沙可以擔任右閘一職。
意媒指羅馬有意將呢位意大利藉既後衛收歸旗下，而紅魔鬼方面就希望係達米安身上收番一千二百萬鎊。

達米安自己就表示願意用表現去爭取自己既位置喇:「我覺得呢個係一個良性競爭黎，只有係大球會入面先會係咁多位置上高有咁多好既球員。」
「當領隊比機會你既時候，你一定要做好萬二分既準備。摩帥？我認為佢係一個好渴望勝利既領隊，而佢既戰績同得到既獎盃都證明左呢一點。」



原文