聯賽盃決賽賽前分析及曼聯陣容預測！
黎到聯賽盃決賽，到底今屆冠軍花落誰家呢？會係各項賽事近五戰全勝既紅魔鬼？定係係聯賽盃五戰全勝且不失一球既聖人呢？
修咸頓能夠一直殺入決賽並非偶然，佢地係呢項比賽入面即使面對阿仙奴同利物浦呢啲級數既對手都能夠力保不失。曼聯要摧毀呢條固若金湯既防線就要睇摩帥既排陣如何喇。
但係今次摩帥頭痛既地方在於係上場對陣聖伊天既比賽入面，卡域克同米希達恩都相繼傷出，連同隊長朗尼同鍾斯都唔能夠係呢場比賽上陣。
要排陣強陣，摩帥可以選擇以下既人腳排出4-2-3-1陣容應戰。
伊巴謙莫域
馬迪爾 普巴 馬達
靴里拉 費蘭尼
白蘭特 洛荷 史摩寧 華倫西亞
羅美路
簡單分析 :
雖然係決賽，但係成個二月基本上都係杯賽月既情況下迪基亞都冇乜出場機會，門將既野需要比賽去保持狀態，以最近羅美路既表現，絕對勝任決賽正選門將既位置！
而係中堅方面，雖然拜利作為一個中堅比起洛荷要更加穩定，但踢完非洲國家盃番黎既佢體力上要比洛荷輸蝕，加上洛荷同史摩寧既配合越見成熟，係鍾斯傷出既情況下呢個組合足以應付是次比賽。
左右閘方面有通天老棺白蘭特同埋帶刀侍衛華倫西亞。華西作為右閘正選應該都冇乜異議，以佢能攻擅守既能力，達米安並唔能夠挑戰佢既地位。而左路既選擇入面由於梳爾因為傷病既關係狀態一直未能恢復，所以白蘭特如無意外都會係今場既左閘喇。
正所謂得中場就得天下，面對修咸頓如果可以用兩名掃蕩形中場做好防守，修咸頓既攻勢將會大打折扣。
雖然費蘭尼一直飽受批評，但佢既爭頂同體格係英超賽場份屬頂級，加上係摩帥底下防守得到提升既靴里拉，雙星做好掃蕩既Dirty Work，今場比賽理應有效爭奪中場。
而攻中方面，由於防中位置已經有兩將負責掃蕩，摩帥就可以係攻中既位置釋放普巴，比佢參與更多既進攻。而目前同普巴最有默契既固然非伊巴莫屬，所以鋒線位置又點小得呢位視年齡如數字既瑞典神鋒呢？右翼方面相信馬達仍然係紅魔既首選，係今季唔小比賽入面佢同華西既配合足以摧毀敵人成條左路，相信摩帥今仗仍然會選擇利用華西x馬達xHeHe既三角既推進，從而撕毀對方防線。
最後黎到左翼既位置，相信法藉既馬迪爾會係唔錯既選擇。雖然今季佢既各項數據都下跌左，但佢既盤扭對於英超非豪門級別既球會黎講仍然係夢魘一樣既存在，相信佢既上陣會為紅魔帶動左路既進攻。
後備方面，相信兩位曼聯青訓連加特同拉舒福特都會榜上有名。作為決賽球員，連加特係上屆足總盃決賽同社區盾都有唔錯既表現，相信今場即使未能成為正選，都有力爭奪後備一席位。至於福仔，雖然係摩帥麾下既上陣機會冇係雲高爾手上咁多，但佢既潛力相信大家都已經睇得到，如果佢可以係多啲大賽上陣，相信會有助於佢既成長。
修咸頓能夠一直殺入決賽並非偶然，佢地係呢項比賽入面即使面對阿仙奴同利物浦呢啲級數既對手都能夠力保不失。曼聯要摧毀呢條固若金湯既防線就要睇摩帥既排陣如何喇。
但係今次摩帥頭痛既地方在於係上場對陣聖伊天既比賽入面，卡域克同米希達恩都相繼傷出，連同隊長朗尼同鍾斯都唔能夠係呢場比賽上陣。
要排陣強陣，摩帥可以選擇以下既人腳排出4-2-3-1陣容應戰。
伊巴謙莫域
馬迪爾 普巴 馬達
靴里拉 費蘭尼
白蘭特 洛荷 史摩寧 華倫西亞
羅美路
簡單分析 :
雖然係決賽，但係成個二月基本上都係杯賽月既情況下迪基亞都冇乜出場機會，門將既野需要比賽去保持狀態，以最近羅美路既表現，絕對勝任決賽正選門將既位置！
而係中堅方面，雖然拜利作為一個中堅比起洛荷要更加穩定，但踢完非洲國家盃番黎既佢體力上要比洛荷輸蝕，加上洛荷同史摩寧既配合越見成熟，係鍾斯傷出既情況下呢個組合足以應付是次比賽。
左右閘方面有通天老棺白蘭特同埋帶刀侍衛華倫西亞。華西作為右閘正選應該都冇乜異議，以佢能攻擅守既能力，達米安並唔能夠挑戰佢既地位。而左路既選擇入面由於梳爾因為傷病既關係狀態一直未能恢復，所以白蘭特如無意外都會係今場既左閘喇。
正所謂得中場就得天下，面對修咸頓如果可以用兩名掃蕩形中場做好防守，修咸頓既攻勢將會大打折扣。
雖然費蘭尼一直飽受批評，但佢既爭頂同體格係英超賽場份屬頂級，加上係摩帥底下防守得到提升既靴里拉，雙星做好掃蕩既Dirty Work，今場比賽理應有效爭奪中場。
而攻中方面，由於防中位置已經有兩將負責掃蕩，摩帥就可以係攻中既位置釋放普巴，比佢參與更多既進攻。而目前同普巴最有默契既固然非伊巴莫屬，所以鋒線位置又點小得呢位視年齡如數字既瑞典神鋒呢？右翼方面相信馬達仍然係紅魔既首選，係今季唔小比賽入面佢同華西既配合足以摧毀敵人成條左路，相信摩帥今仗仍然會選擇利用華西x馬達xHeHe既三角既推進，從而撕毀對方防線。
最後黎到左翼既位置，相信法藉既馬迪爾會係唔錯既選擇。雖然今季佢既各項數據都下跌左，但佢既盤扭對於英超非豪門級別既球會黎講仍然係夢魘一樣既存在，相信佢既上陣會為紅魔帶動左路既進攻。
後備方面，相信兩位曼聯青訓連加特同拉舒福特都會榜上有名。作為決賽球員，連加特係上屆足總盃決賽同社區盾都有唔錯既表現，相信今場即使未能成為正選，都有力爭奪後備一席位。至於福仔，雖然係摩帥麾下既上陣機會冇係雲高爾手上咁多，但佢既潛力相信大家都已經睇得到，如果佢可以係多啲大賽上陣，相信會有助於佢既成長。