拉舒福特：我享受成為摩帥麾下的日子

自從係雲高爾手下成名，拉舒福特就成為左曼聯既新寵兒。雖然係今季開季既時候曾經表現掙扎，但佢仍然深得摩帥既信任。摩帥甚至係最近既訪談表示福仔係佢其中一個最信任既球員添！
福仔最近就咁同Premier League Production講喇：「得到摩帥既信任對我黎講係一件好重要既事黎。而最正既果樣野係呢一切都要靠自己爭取番黎既，佢唔係一黎到就同我講『黎啦，幫我踢哂咁多場比賽啦』，而係要我地每一個人去努力從而換取佢既信任同尊重。」
「表現呢家野真係會時好時壞，但我地每一個人都好努力咁進步緊。呢樣野係好重要架，你都見到我地今年大家既進步係點樣既。」
今季拉舒福特為曼聯一共上陣左52場比賽，攻入左11個入球。



原文