返工放工呢回事 · Day001 馬拉松
Day001 馬拉松
「現在嘅時間係6點39分……」 仲有40分鐘……好睡……「現在嘅時間係7點19分……」十五分鐘後就要起來了……「現在嘅時間係7點34分……」最後了，真的差不多了……「現在嘅時間係7點49分……」不得了，不得了……到鐘了……「現在嘅時間係8點04分……」死嘞死嘞……要起身嘞……「現在嘅時間係8點19分……」大鑊，遲到！砰砰聲彈起擦牙洗面換衫著鞋，鎖題銀包電話，走！就係咁，每日嘅戰鬥就開始咗嘞。
每日都係同一個時間行同一條路去同一個巴士站排同一條隊搭同一號嘅巴士喺同一個站落車再行同一條路返工入同一座大厦上同一層樓就然後衝線打咭，咇！睇時間今次慢咗1分06秒。有時喺度諗自己好似跑緊半馬拉松到達终點咁睇時間對成績。唔同嘅係打完咭仲有個全馬喺前面呀，陰公。以前自己都鍾意玩下田徑，中學Sport Day攞過全場總亞軍，每次盡力衝線嗰一刻無論赢輸都有一種好光榮好威水嘅感覺，今日衝線就剩係得返，唉，又遲到嘞。其實成個過程有好多地方可以catch up 呢1分06秒，但唔知點解呢個時間好似同田徑記錄一樣，可能你成世都無辦法推前1秒半秒。又或者你根本揾唔到一個令你自己推前呢1秒半秒嘅理由。
「喂！老细吹雞呀！」全馬正式開始。
「現在嘅時間係6點39分……」 仲有40分鐘……好睡……「現在嘅時間係7點19分……」十五分鐘後就要起來了……「現在嘅時間係7點34分……」最後了，真的差不多了……「現在嘅時間係7點49分……」不得了，不得了……到鐘了……「現在嘅時間係8點04分……」死嘞死嘞……要起身嘞……「現在嘅時間係8點19分……」大鑊，遲到！砰砰聲彈起擦牙洗面換衫著鞋，鎖題銀包電話，走！就係咁，每日嘅戰鬥就開始咗嘞。
每日都係同一個時間行同一條路去同一個巴士站排同一條隊搭同一號嘅巴士喺同一個站落車再行同一條路返工入同一座大厦上同一層樓就然後衝線打咭，咇！睇時間今次慢咗1分06秒。有時喺度諗自己好似跑緊半馬拉松到達终點咁睇時間對成績。唔同嘅係打完咭仲有個全馬喺前面呀，陰公。以前自己都鍾意玩下田徑，中學Sport Day攞過全場總亞軍，每次盡力衝線嗰一刻無論赢輸都有一種好光榮好威水嘅感覺，今日衝線就剩係得返，唉，又遲到嘞。其實成個過程有好多地方可以catch up 呢1分06秒，但唔知點解呢個時間好似同田徑記錄一樣，可能你成世都無辦法推前1秒半秒。又或者你根本揾唔到一個令你自己推前呢1秒半秒嘅理由。
「喂！老细吹雞呀！」全馬正式開始。