返工放工呢回事 • Day004 每個人每場比賽都有個搣唔甩嘅對手
Day004 每個人每場比賽都有個搣唔甩嘅對手
「好嘞，嗱，俾心機搞好個盤嘞。」就係呢句說話，正式起跑。接咗柯打就要plan下點搞，次次都差唔多，又次次都唔同。大家聚埋吹幾句，分工合作，夾下時間做review，就係咁。同跑馬拉松差唔多，次次都咁上下，但其實次次又真係唔一樣。係咪一定完成到，有好多枝節會搞喎你。而呢啲節枝當中，有一個人物會起到關鍵嘅作用，佢可以影響成個大局，對你嚟講呢個人物多數都係有破壞無建設。呢個人有個common name 叫程咬金，不分男女。嗱，又殺出嚟嘞。
「喂，程小姐埋緊你度，拜拜。」Richard講完就劉華咁行返埋自己個位。一陣令人好舒服嘅淡淡幽香滲緊過嚟，對一個長期鼻塞塞嘅我嚟講，呢個程度嘅淡淡其實係有同冇嘅分別。你問我嘅話，我會話有好過無。
「今朝係咪講觀塘個盤？」佢一邊挨埋我張枱度一邊用佢好温柔嘅聲線問我。係温柔，唔係嗲，唔會令人起雞皮但會令人軟一軟嗰種。
我望實個電腦芒無望到佢，delay咗三點五秒後好隨意咁回應佢:「吓？」
「你哋想攞嚟做？」又delay三點五秒「唔。」
「大老板都未定喎。」又delay四秒「係喎。」
「咁……好啦……唔該」唔乜嘢該啫，都無幫過你，唔該唔係咁用㗎，唔該; 你有無讀過書㗎？
無錯，程小姐就係B Team嘅人。唔知點解佢成日都鍾意揾我。Richard話因為我seven囉。我呢啲叫老實唔係笨實。我覺得Richard咁講其實係呷緊我醋，喺佢嘅思維裏面，無理由有女仔揾我唔揾佢。佢呢個思維好黑人憎，不過我內心否定唔到。
程小姐嘅出現肯定咗我哋單project會有變數，兩组人會一齊跑，睇下邊组會跑出。睇嚟我哋今次都無可能搣甩呢個對手。唯有寄望Richard嘔到啲超正嘅proposal出嚟啦。你唔好睇佢成個playboy咁，講設計佢唔會輕易認輸。
「Ric，聽日好出嘢嘞！」
「No problem, this is my job.」
「好嘞，嗱，俾心機搞好個盤嘞。」就係呢句說話，正式起跑。接咗柯打就要plan下點搞，次次都差唔多，又次次都唔同。大家聚埋吹幾句，分工合作，夾下時間做review，就係咁。同跑馬拉松差唔多，次次都咁上下，但其實次次又真係唔一樣。係咪一定完成到，有好多枝節會搞喎你。而呢啲節枝當中，有一個人物會起到關鍵嘅作用，佢可以影響成個大局，對你嚟講呢個人物多數都係有破壞無建設。呢個人有個common name 叫程咬金，不分男女。嗱，又殺出嚟嘞。
「喂，程小姐埋緊你度，拜拜。」Richard講完就劉華咁行返埋自己個位。一陣令人好舒服嘅淡淡幽香滲緊過嚟，對一個長期鼻塞塞嘅我嚟講，呢個程度嘅淡淡其實係有同冇嘅分別。你問我嘅話，我會話有好過無。
「今朝係咪講觀塘個盤？」佢一邊挨埋我張枱度一邊用佢好温柔嘅聲線問我。係温柔，唔係嗲，唔會令人起雞皮但會令人軟一軟嗰種。
我望實個電腦芒無望到佢，delay咗三點五秒後好隨意咁回應佢:「吓？」
「你哋想攞嚟做？」又delay三點五秒「唔。」
「大老板都未定喎。」又delay四秒「係喎。」
「咁……好啦……唔該」唔乜嘢該啫，都無幫過你，唔該唔係咁用㗎，唔該; 你有無讀過書㗎？
無錯，程小姐就係B Team嘅人。唔知點解佢成日都鍾意揾我。Richard話因為我seven囉。我呢啲叫老實唔係笨實。我覺得Richard咁講其實係呷緊我醋，喺佢嘅思維裏面，無理由有女仔揾我唔揾佢。佢呢個思維好黑人憎，不過我內心否定唔到。
程小姐嘅出現肯定咗我哋單project會有變數，兩组人會一齊跑，睇下邊组會跑出。睇嚟我哋今次都無可能搣甩呢個對手。唯有寄望Richard嘔到啲超正嘅proposal出嚟啦。你唔好睇佢成個playboy咁，講設計佢唔會輕易認輸。
「Ric，聽日好出嘢嘞！」
「No problem, this is my job.」