原諒我是我。Redemption 1 揾乜
原諒我是我 · Redemption 1
成世人流流長總或多或少有做過一啲對人唔住，又或者虧欠過人嘅嘢……一個無履行到嘅承諾; 一次嘅背叛; 一趟不辭而別; 一次又一次嘅人間蒸發; 一次又一次嘅傷害……呢啲嘢係就係過咗去，亦可能好多時都唔多記得，甚至有時直程係完全無意識，好似根本就無發生過咁。但呢啲嘢從來無離開過你，你唔知幾時，佢就會閃出嚟同你say個hi又fit一聲唔見咗; 又或者佢會慢慢……慢慢咁粒聲唔出咁跟住你，無論你點唔理佢，點趕佢，佢都係粒聲唔出咁係要跟住你……萬般帶不走，唯有業隨身。
唔想咁樣可以點樣？如果可以俾你返到原點，去返你對唔住人嗰一刻，你又會點樣贖罪呢？又係咪可以將積怨化解呢？
呢樣嘢我幫你唔到，可能只有你自己先至可以幫到你自己……要做到人生無悔，said easier than done，講就易，做就………
其實亦未必真係要做到人生無悔嘅，因為有人曾經講過: 「人生若無悔，那該多沒趣啊……」可能就係要有呢啲不完美先至可以令到人生近乎完美唎。
「喂！你上咗嚟？有乜指教？」
佢一路坐低一路講「大哥，聽講你哋喺觀塘個盤想重建喎？」明知故問。
「你又知？想點？」都係明知故問。
「無，睇下有乜嘢可以幫下手啫？」
「梗係要你幫手啦，不過無咁快喎。」
「多謝先，個盤講下講下就起好㗎嘞。」
「我都想……」入正題未？
「做重建好……」
「乜嘢意思？」
「嗱，講真，我哋做agent嘅梗係想做新盤啦，量大額大，新盤多gimmick又易推啲……唔係話改建盤唔好，始終新盤形象可sale空間大啲啦……好似上次個精品房改建盤咁，係好成功，不過有啲客始終都係想買一手全新樓，sale起上嚟會爭少少……」仲未入正題，講呢啲用電話講就得啦，使乜自己親自上嚟呀。
「哦？咁你哋呢排又忙緊咩嘢？」我用個好平淡嘅語氣幫下佢。
「無乜嘢，都係搞下啲二手盤咁啦……」
「咁咪幾好。個市O唔OK吖？租盤多定買賣盤多？」
「都唔錯啦，租賣比例都係差唔多一半半……不過……」佢停得喺呢個位，就預咗我出招啦。我瞄一瞄佢，示意佢繼續。
「最近幫緊個客，女人嚟嘅，揾緊個租盤……睇咗好多個盤都成唔到……見多咗咁自然溝通機會多咗喇……開頭都好好地嘅，點知傾下傾下先開始覺得有啲奇怪……」佢講嘅時候，專登將把聲壓低。
「我覺得佢唔多似揾樓……」我再瞄一瞄佢，佢咪细對眼繼續講。
「佢似揾緊一個人……因為佢每次都問返間樓以前啲業主啲嘢……仲要係好鬼仔細……我開頭都當應酬下，以為佢担心間樓係凶宅，又或者係追債盤咁，咪求祈帶佢遊下花園，點知佢係都咬住唔放，咁咪開始做下功課囉，開頭都唔覺得有啲咩嘢，check 下check下突然就發現到啲嘢……」又故作神秘嘞。
「唔係咁啱咁橋，每間樓都總有個舊業主係姓陸嘅。你話係咪有啲奇怪呢？」聽到呢到我就有啲唔耐煩。
「就算係揾人，咁又關你乜事呢？你覺得運吉奇怪咪唔好招呼佢囉。」佢繼續眼定定咁望住我。
「其中有個舊業主叫陸仁亮……你同我都識個同學叫陸仁亮，你仲記唔記得佢？」
我記得，佢係我哋小學時嘅死黨，人好温文，細细粒嘅。嗰陣時我哋仲一齊夾錢買龍虎門(唔係龍虎豹)輪流攞返屋企睇tim，真係好friend。後來上到中學因為一啲事就再無來往。
我無答佢，佢都靜咗。我諗我知佢點解繼續幫個女人揾樓。
成世人流流長總或多或少有做過一啲對人唔住，又或者虧欠過人嘅嘢……一個無履行到嘅承諾; 一次嘅背叛; 一趟不辭而別; 一次又一次嘅人間蒸發; 一次又一次嘅傷害……呢啲嘢係就係過咗去，亦可能好多時都唔多記得，甚至有時直程係完全無意識，好似根本就無發生過咁。但呢啲嘢從來無離開過你，你唔知幾時，佢就會閃出嚟同你say個hi又fit一聲唔見咗; 又或者佢會慢慢……慢慢咁粒聲唔出咁跟住你，無論你點唔理佢，點趕佢，佢都係粒聲唔出咁係要跟住你……萬般帶不走，唯有業隨身。
唔想咁樣可以點樣？如果可以俾你返到原點，去返你對唔住人嗰一刻，你又會點樣贖罪呢？又係咪可以將積怨化解呢？
呢樣嘢我幫你唔到，可能只有你自己先至可以幫到你自己……要做到人生無悔，said easier than done，講就易，做就………
其實亦未必真係要做到人生無悔嘅，因為有人曾經講過: 「人生若無悔，那該多沒趣啊……」可能就係要有呢啲不完美先至可以令到人生近乎完美唎。
「喂！你上咗嚟？有乜指教？」
佢一路坐低一路講「大哥，聽講你哋喺觀塘個盤想重建喎？」明知故問。
「你又知？想點？」都係明知故問。
「無，睇下有乜嘢可以幫下手啫？」
「梗係要你幫手啦，不過無咁快喎。」
「多謝先，個盤講下講下就起好㗎嘞。」
「我都想……」入正題未？
「做重建好……」
「乜嘢意思？」
「嗱，講真，我哋做agent嘅梗係想做新盤啦，量大額大，新盤多gimmick又易推啲……唔係話改建盤唔好，始終新盤形象可sale空間大啲啦……好似上次個精品房改建盤咁，係好成功，不過有啲客始終都係想買一手全新樓，sale起上嚟會爭少少……」仲未入正題，講呢啲用電話講就得啦，使乜自己親自上嚟呀。
「哦？咁你哋呢排又忙緊咩嘢？」我用個好平淡嘅語氣幫下佢。
「無乜嘢，都係搞下啲二手盤咁啦……」
「咁咪幾好。個市O唔OK吖？租盤多定買賣盤多？」
「都唔錯啦，租賣比例都係差唔多一半半……不過……」佢停得喺呢個位，就預咗我出招啦。我瞄一瞄佢，示意佢繼續。
「最近幫緊個客，女人嚟嘅，揾緊個租盤……睇咗好多個盤都成唔到……見多咗咁自然溝通機會多咗喇……開頭都好好地嘅，點知傾下傾下先開始覺得有啲奇怪……」佢講嘅時候，專登將把聲壓低。
「我覺得佢唔多似揾樓……」我再瞄一瞄佢，佢咪细對眼繼續講。
「佢似揾緊一個人……因為佢每次都問返間樓以前啲業主啲嘢……仲要係好鬼仔細……我開頭都當應酬下，以為佢担心間樓係凶宅，又或者係追債盤咁，咪求祈帶佢遊下花園，點知佢係都咬住唔放，咁咪開始做下功課囉，開頭都唔覺得有啲咩嘢，check 下check下突然就發現到啲嘢……」又故作神秘嘞。
「唔係咁啱咁橋，每間樓都總有個舊業主係姓陸嘅。你話係咪有啲奇怪呢？」聽到呢到我就有啲唔耐煩。
「就算係揾人，咁又關你乜事呢？你覺得運吉奇怪咪唔好招呼佢囉。」佢繼續眼定定咁望住我。
「其中有個舊業主叫陸仁亮……你同我都識個同學叫陸仁亮，你仲記唔記得佢？」
我記得，佢係我哋小學時嘅死黨，人好温文，細细粒嘅。嗰陣時我哋仲一齊夾錢買龍虎門(唔係龍虎豹)輪流攞返屋企睇tim，真係好friend。後來上到中學因為一啲事就再無來往。
我無答佢，佢都靜咗。我諗我知佢點解繼續幫個女人揾樓。