一個又一個「離開容易留低難」
一個又一個「離開容易留低難」
呢句金句好容易令人聯想起一個又老又懵又腳痛嘅歷史人物。佢標誌著無能但又累死人。唔好諗啲衰嘢嘞。
同一句說話用喺現今NBA，就有好多出色嘅球員，已經過咗佢哋嘅Prime time，但係為咗自己未完成嘅目標，仍然想盡辦法繼續挣扎。其中，香蕉船四兄弟，就有一個收夠籌先退休，仲搞咗retirement tournament year show 開心地光榮引退。
另一個就……2022-23年賽季無班落，又啱啱宣報正式結束球員生涯，連喺球場比賽同大家講拜拜嘅機會都做唔到。你問我，以一個咁出色嘅球員嚟講，以呢種形式結束球員生涯確實唔係一個最理想結局。
仲有一個，控球之神。最近苦苦争扎多年，轉咗幾間球會，終於前兩年入到Finals，仲開局場數2比0領先，以為係今次啦。點知比隻騎住鹿嘅希臘怪物連追四場搞掂咗，又再一次未能完夢。
今年，得到當今最強殺手KD嘅加盟，仲唔有今生無來世搏到盡？點知個季後賽傷患綜合症又喺呢啲timing復發，等唔到自己落場就球隊先自己出局，又一無奈遺憾收場。咁下季呢？可能自身都難保，畢竟30過5，已經入咗夕陽，只能靠食老本，角色就要再讓多啲出嚟嘞，啲老闆都有好多選擇。要留低都唔容易。
最後一位，直情30到尾。幸得波神提點極力保持身體狀況，盡量避免傷患。能夠保持現在嘅狀態已經近乎神蹟。喺進攻端，遠投近爆妙傳完全處於超頂級水平，幾近無可挑剔，除在罸球。去到防守端，可能受傷患影響，佢嘅表現就可以話只係剩低全盛時期嘅25% ? or 30% ? 防守硬度仲喺度，靈活度就去到另一個防守專家James嘅水平，就只係剩低眼神防守。透過不斷重組身邊嘅隊友，希望可以延續佢停留喺頂峯嘅競爭力，但似乎佢嘅個人魅力已經去到尾聲。剩低嘅可能只係「個人霉力」。
今年喺西決以4比0被横掃，佢嘅防守弱點已經完全表露無遺。希望可以喺釣魚期間好好處理傷患，提昇返應有嘅防守威脅力，否則，好快就要仿效佢老友咁要搞個farewell tournament 同大家講再見。呢個肯定唔會係佢想喺嚟緊呢屆會發生嘅事，因為佢仲想再創多一個紀錄，就係想同個仔一齊打NBA。又或者，最起碼攞多次總冠軍，更理想就攞埋個FMVP啦。見到佢被橫掃嘅背影，離開真係比留低容易得多。
呢句金句好容易令人聯想起一個又老又懵又腳痛嘅歷史人物。佢標誌著無能但又累死人。唔好諗啲衰嘢嘞。
同一句說話用喺現今NBA，就有好多出色嘅球員，已經過咗佢哋嘅Prime time，但係為咗自己未完成嘅目標，仍然想盡辦法繼續挣扎。其中，香蕉船四兄弟，就有一個收夠籌先退休，仲搞咗retirement tournament year show 開心地光榮引退。
另一個就……2022-23年賽季無班落，又啱啱宣報正式結束球員生涯，連喺球場比賽同大家講拜拜嘅機會都做唔到。你問我，以一個咁出色嘅球員嚟講，以呢種形式結束球員生涯確實唔係一個最理想結局。
仲有一個，控球之神。最近苦苦争扎多年，轉咗幾間球會，終於前兩年入到Finals，仲開局場數2比0領先，以為係今次啦。點知比隻騎住鹿嘅希臘怪物連追四場搞掂咗，又再一次未能完夢。
今年，得到當今最強殺手KD嘅加盟，仲唔有今生無來世搏到盡？點知個季後賽傷患綜合症又喺呢啲timing復發，等唔到自己落場就球隊先自己出局，又一無奈遺憾收場。咁下季呢？可能自身都難保，畢竟30過5，已經入咗夕陽，只能靠食老本，角色就要再讓多啲出嚟嘞，啲老闆都有好多選擇。要留低都唔容易。
最後一位，直情30到尾。幸得波神提點極力保持身體狀況，盡量避免傷患。能夠保持現在嘅狀態已經近乎神蹟。喺進攻端，遠投近爆妙傳完全處於超頂級水平，幾近無可挑剔，除在罸球。去到防守端，可能受傷患影響，佢嘅表現就可以話只係剩低全盛時期嘅25% ? or 30% ? 防守硬度仲喺度，靈活度就去到另一個防守專家James嘅水平，就只係剩低眼神防守。透過不斷重組身邊嘅隊友，希望可以延續佢停留喺頂峯嘅競爭力，但似乎佢嘅個人魅力已經去到尾聲。剩低嘅可能只係「個人霉力」。
今年喺西決以4比0被横掃，佢嘅防守弱點已經完全表露無遺。希望可以喺釣魚期間好好處理傷患，提昇返應有嘅防守威脅力，否則，好快就要仿效佢老友咁要搞個farewell tournament 同大家講再見。呢個肯定唔會係佢想喺嚟緊呢屆會發生嘅事，因為佢仲想再創多一個紀錄，就係想同個仔一齊打NBA。又或者，最起碼攞多次總冠軍，更理想就攞埋個FMVP啦。見到佢被橫掃嘅背影，離開真係比留低容易得多。
