原諒我是我 · Redemption 2 死黨就係咁㗎啦
原諒我是我 · Redemption 2 死黨就係咁㗎啦
「馬仔，咁，你打算點？」我問返佢。「隨緣啦……」
「咁，如果揾到真係佢，你會點？」呢個問題跟咗我哋幾十年，隨著唔同年紀，都會有唔同處理嘅諗法。相同嘅就只係得個「諗」字，從來無真真正正take過action。
「咪睇下點囉，反正都幾廿年啦……」
望著佢，我記得返佢小學時個樣。當時，我哋三個都無帶眼鏡，阿陸最矮最文静，從來都唔會發脾氣。我就最高，日日攬住個足球，書就……唔多妥啦。馬仔讀書就我哋三個中最醒㗎嘞，可能醒得滯，口多多，最鍾意耍喱弄銃。嗰陣時，同學仔走得埋一齊，傾得到兩句就係死黨㗎嘞。而當時維繫住我哋嘅仲有一樣嘢，就係每星期都要每人夾5毫子買本「龍虎門」輪流攞返屋企睇。
馬仔最心急，成日都要睇先，由於佢屋企嚴重反對佢睇呢啲當其時所謂嘅不良漫畫，佢只能收埋喺屋企睇，偷偷摸摸咁喱埋喺厠所睇。你要知道，馬仔係住公共屋邨嘅，當年嘅公屋得百零呎，公共長走廊一入屋企門口就一間大房就成家人食飯，瞓覺，讀書，做嘢穿膠花乜都喺晒度，厠廚露台喺晒窗邊嗰一邊，基本上係無乜私隱可言嘅。厠所係唯一可以獨處嘅私人空間俾馬仔偷偷張本書摺埋拎入去睇。當年公屋嘅厠所size得大約3呎x 6呎，擺完個踎厠，無錯仲係踎厠，就只係得返個企位。大小二便連冲涼都喺晒呢個1.8平方米嘅空間入面。為咗爭取長啲嘅私人時間睇漫畫，馬仔會扮爆石兼冲涼兼鬼鬼鼠鼠咁將本書摺細啲，再用啲衫包住佢拎入去嘆。由於空間極之有限，冲涼時都好難避免本書唔會比啲水整濕，所以每次佢交返本書返嚟都係摺巢晒同埋有水漬。而我因為有地方可以收藏本書，阿陸會接手馬仔本書睇第二，咁我自然就守尾門啦。阿陸佢好鍾意美術，上親勞作堂或者美術堂佢都會寧舍醒神，手作畫畫都好有心機。佢連睇漫畫都好緊張啲公仔畫得靚唔靚。每次佢見到馬仔睇完本書，交到佢手時又巢又摺，佢心疼本書(我都係)，就連佢咁無脾氣嘅人都會有少少詐型。不竟，喜愛美術嘅人都鍾意本書新新淨淨嘅。喺呢方面，作為漫畫愛好者，我係完全明白阿陸嘅感受。而馬仔又改變唔到佢嘅生活情況。為咗呢件事，我哋三個多咗磨擦，多咗啲說話，多咗啲面色。我哋三個都唔想咁樣，咁可以點吖？唯有一個睇開啲，一個睇遲啲，一佣個睇化啲，最後決定由阿陸睇新書先，跟住馬仔第二，我照舊守尾門keep住本書，有時候，如果本書太殘，咁咪買過本做收藏囉。死黨就係咁㗎啦。諗返轉頭，本書係要尊重，係要珍惜。不過我哋都係覺得死黨係緊要啲。 到小學畢業，我同馬仔就派入咗同一間中學。阿陸就入咗另一間當時叫職業先修類嘅中學。佢就再無夾錢買龍虎門嘞。呢類型嘅中學會提供學生讀到中三嘅學位，而學科亦會提供好多工科的科目，好似木工，電工，金工等等。等佢哋中三畢業時已俱備做相關工業技工或者學徒嘅基本技能。喺當時仍然係工業蓬勃及工廠林立嘅香港社會嚟講，呢個係一個好搶手嘅選擇。可以令嗰啲家庭條件無咁好嘅小朋友可以學到啲揾食技能又可以相對提早啲咁出社會工作，幫補家計。當年想申請入讀呢間中學嘅人，排長龍要排到上大環山第4座。阿陸佢鍾意做手作，咁嘅安排其實都幾適合佢。當然，喺嗰個年頭，大家生活都唔容易，小朋友又有乜嘢say吖，屋企人話點就點㗎啦。
上咗中學之後。馬仔同我派咗唔同嘅班，不過小息或者放學就成日都會走埋一齊。馬仔住得近少少，佢返屋企食Lunch，而我就同其他同學食lunch。有時喺學校門口買兩個半銀錢一個嘅飯盒返學校食，有時儲夠錢就去旺角金鳳食六個半嘅午餐，有杯橙汁飲下。金鳳，餐廳嚟㗎，唔係小食店啊，high好多，當其時，呢個已經係高消費嘅項目。你要知道，一個星期嘅零用錢有20蚊全包，包車，包飲，包lunch。比起好多同學，20蚊其實都算好好，有啲同學讀到中五都無零用錢㗎。但用六個半食個lunch，其實都好巴閉。當其時，上的士起錶都係兩個半。帶我去金鳳嘅同學就係阿亮。
阿亮同我同班，佢都係住喺我嗰頭，所以返學放學好多時都可以一齊，久而久之就friend咗。佢個人唔係好搶fo，好聽啲叫低調，唔好聽就叫做隱形。成日講嘢都係細細聲，但佢勝就勝在無乜堅持，你話乜就算佢依依淫淫都會跟。呢種性格反而同馬仔夾到，馬仔屬於大大聲行醒目型，阿亮就係細細聲走精面型。佢哋嘅轉數接到軌，亦唔會點撞車，咁咪friend 到囉。後來，阿亮仲補咗阿陸嗰份，一齊夾錢買龍虎門，馬仔要第一個睇先，咁阿亮無意見就讓佢睇先，自己睇第二，而我仲係守尾門。阿亮佢唔單只補咗阿陸嗰份買書錢，仲週不時有錢請我哋食嘢，但係當時點估都估唔到，原來咁樣會令你失去一啲好重要嘅嘢，犯上一啲好唔應該犯嘅錯，留低一啲你一世都擺唔低嘅遺憾……
「馬仔，咁，你打算點？」我問返佢。「隨緣啦……」
「咁，如果揾到真係佢，你會點？」呢個問題跟咗我哋幾十年，隨著唔同年紀，都會有唔同處理嘅諗法。相同嘅就只係得個「諗」字，從來無真真正正take過action。
「咪睇下點囉，反正都幾廿年啦……」
望著佢，我記得返佢小學時個樣。當時，我哋三個都無帶眼鏡，阿陸最矮最文静，從來都唔會發脾氣。我就最高，日日攬住個足球，書就……唔多妥啦。馬仔讀書就我哋三個中最醒㗎嘞，可能醒得滯，口多多，最鍾意耍喱弄銃。嗰陣時，同學仔走得埋一齊，傾得到兩句就係死黨㗎嘞。而當時維繫住我哋嘅仲有一樣嘢，就係每星期都要每人夾5毫子買本「龍虎門」輪流攞返屋企睇。
馬仔最心急，成日都要睇先，由於佢屋企嚴重反對佢睇呢啲當其時所謂嘅不良漫畫，佢只能收埋喺屋企睇，偷偷摸摸咁喱埋喺厠所睇。你要知道，馬仔係住公共屋邨嘅，當年嘅公屋得百零呎，公共長走廊一入屋企門口就一間大房就成家人食飯，瞓覺，讀書，做嘢穿膠花乜都喺晒度，厠廚露台喺晒窗邊嗰一邊，基本上係無乜私隱可言嘅。厠所係唯一可以獨處嘅私人空間俾馬仔偷偷張本書摺埋拎入去睇。當年公屋嘅厠所size得大約3呎x 6呎，擺完個踎厠，無錯仲係踎厠，就只係得返個企位。大小二便連冲涼都喺晒呢個1.8平方米嘅空間入面。為咗爭取長啲嘅私人時間睇漫畫，馬仔會扮爆石兼冲涼兼鬼鬼鼠鼠咁將本書摺細啲，再用啲衫包住佢拎入去嘆。由於空間極之有限，冲涼時都好難避免本書唔會比啲水整濕，所以每次佢交返本書返嚟都係摺巢晒同埋有水漬。而我因為有地方可以收藏本書，阿陸會接手馬仔本書睇第二，咁我自然就守尾門啦。阿陸佢好鍾意美術，上親勞作堂或者美術堂佢都會寧舍醒神，手作畫畫都好有心機。佢連睇漫畫都好緊張啲公仔畫得靚唔靚。每次佢見到馬仔睇完本書，交到佢手時又巢又摺，佢心疼本書(我都係)，就連佢咁無脾氣嘅人都會有少少詐型。不竟，喜愛美術嘅人都鍾意本書新新淨淨嘅。喺呢方面，作為漫畫愛好者，我係完全明白阿陸嘅感受。而馬仔又改變唔到佢嘅生活情況。為咗呢件事，我哋三個多咗磨擦，多咗啲說話，多咗啲面色。我哋三個都唔想咁樣，咁可以點吖？唯有一個睇開啲，一個睇遲啲，一佣個睇化啲，最後決定由阿陸睇新書先，跟住馬仔第二，我照舊守尾門keep住本書，有時候，如果本書太殘，咁咪買過本做收藏囉。死黨就係咁㗎啦。諗返轉頭，本書係要尊重，係要珍惜。不過我哋都係覺得死黨係緊要啲。 到小學畢業，我同馬仔就派入咗同一間中學。阿陸就入咗另一間當時叫職業先修類嘅中學。佢就再無夾錢買龍虎門嘞。呢類型嘅中學會提供學生讀到中三嘅學位，而學科亦會提供好多工科的科目，好似木工，電工，金工等等。等佢哋中三畢業時已俱備做相關工業技工或者學徒嘅基本技能。喺當時仍然係工業蓬勃及工廠林立嘅香港社會嚟講，呢個係一個好搶手嘅選擇。可以令嗰啲家庭條件無咁好嘅小朋友可以學到啲揾食技能又可以相對提早啲咁出社會工作，幫補家計。當年想申請入讀呢間中學嘅人，排長龍要排到上大環山第4座。阿陸佢鍾意做手作，咁嘅安排其實都幾適合佢。當然，喺嗰個年頭，大家生活都唔容易，小朋友又有乜嘢say吖，屋企人話點就點㗎啦。
上咗中學之後。馬仔同我派咗唔同嘅班，不過小息或者放學就成日都會走埋一齊。馬仔住得近少少，佢返屋企食Lunch，而我就同其他同學食lunch。有時喺學校門口買兩個半銀錢一個嘅飯盒返學校食，有時儲夠錢就去旺角金鳳食六個半嘅午餐，有杯橙汁飲下。金鳳，餐廳嚟㗎，唔係小食店啊，high好多，當其時，呢個已經係高消費嘅項目。你要知道，一個星期嘅零用錢有20蚊全包，包車，包飲，包lunch。比起好多同學，20蚊其實都算好好，有啲同學讀到中五都無零用錢㗎。但用六個半食個lunch，其實都好巴閉。當其時，上的士起錶都係兩個半。帶我去金鳳嘅同學就係阿亮。
阿亮同我同班，佢都係住喺我嗰頭，所以返學放學好多時都可以一齊，久而久之就friend咗。佢個人唔係好搶fo，好聽啲叫低調，唔好聽就叫做隱形。成日講嘢都係細細聲，但佢勝就勝在無乜堅持，你話乜就算佢依依淫淫都會跟。呢種性格反而同馬仔夾到，馬仔屬於大大聲行醒目型，阿亮就係細細聲走精面型。佢哋嘅轉數接到軌，亦唔會點撞車，咁咪friend 到囉。後來，阿亮仲補咗阿陸嗰份，一齊夾錢買龍虎門，馬仔要第一個睇先，咁阿亮無意見就讓佢睇先，自己睇第二，而我仲係守尾門。阿亮佢唔單只補咗阿陸嗰份買書錢，仲週不時有錢請我哋食嘢，但係當時點估都估唔到，原來咁樣會令你失去一啲好重要嘅嘢，犯上一啲好唔應該犯嘅錯，留低一啲你一世都擺唔低嘅遺憾……