轉載的。「無腳嘅雀仔」唔知自己想要咩，一路飛，飛到死；「無雀嘅腳仔」知自己要咩，一路等，等到死。

「你知不知道有一種雀仔沒有腳？我聽人家說，世界上有一種鳥是沒有腳的，它只可以一直的飛呀飛，飛得累了便在風中睡覺，這種鳥兒一輩子只可以下地一次，那一次就是它死的時候……」


有一種雀仔係無腳。但好似好多人都忽略咗，另外有一種雀仔，係無身嘅，叫做「無雀嘅腳仔」。


係愛情路上，「無腳嘅雀仔」會一路飛，一路飛，沿途可能會遇到佢所愛嘅另一半。

但佢哋唔會，亦唔能夠為對方停落嚟，仿佛佢哋一生嘅使命，都係向前飛，直到死嘅一日。


至於「無雀嘅腳仔」，當大家抬頭望向天時，並唔能夠見到佢哋，因為佢哋一生都企喺地上，企哋佢哋開始嘅位置，等待佢哋嘅愛。佢哋嘅使命同「無腳嘅雀仔」岩岩相反，唔飛，唔行動，只等待。


但其實有一個真相我哋一路都唔知，呢兩種雀仔，叫做「愛上鳥」。。。


佢哋剛出世時，身體其實係完整嘅，只係去到唔知邊一日，佢哋突然遺忘咗自己個身體，或者自己對腳，然後用佢哋剩下嘅部份，去感受自己選擇嘅愛情路。


雖然大家都無權干預大家愛嘅方法，亦都無所謂「愛情正確」呢一回事，做浪子或做等待者本身並無問題，只係千祈唔好遺忘自己身體嘅一部份，成為「無腳嘅雀仔」或「無雀嘅腳仔」，因為佢哋並無選擇，而我哋有。


記住，大家隨時都可以飛，亦可以停，最緊要係無悔