F先生出品：歐國盃賽前前曕－英格蘭
黎緊係歐國盃決賽週, 縱使以外圍賽之星隊身份(十戰全勝)殺到入去, 但即使係英格蘭死忠如在下, 亦都唔會奢望佢地有乜作為, 以現今人腳, 出到線叫有交代喇, 如果入到八強就係超額完成添啦. 加上係鶴臣帶領下, 英格蘭亦逐漸杈恰如其分, 係大賽由角逐者(些少妄想)變返做參與者, 無人(應該真係無)會再對佢地有期望, 但無期望相對地咪無壓力, 咁樣會唔會反而有驚喜?
正因為今年英超, 李斯特城同熱刺已經俾左個好大個驚喜大家. 但係呢兩隊爭冠既同時, 亦好有可能減弱英格蘭既實力. 今年熱刺成績有賴一班英人小將, 佢地好有可能都會成為國家隊骨幹, 而華迪更加可能係前線一大殺著. 但就怕佢地未試過博到咁盡去爭標踢到殘. 同埋如果爭冠不成心情低落就更大鑊. 現今呢D太公波, 重要程度已經大不如前, 大會球員好食好住, 為國捐軀不如留返黎服侍米飯班主好過. 呢點鶴臣當然都好清楚, 所以見到佢選人都有好多中游球隊球員(係呀,我當正利物浦係中游嘎喇, 哈哈!)
至於今屆成績, 以下呢幾個球員表現好壞好可能就係當中既關鍵:
巴克利
今年愛華頓聯賽成績一般, 但足總杯就剛剛入左四強,作為球隊中場主力，佢當然有貨交到。而係外圍賽佢亦有上陣5場入2球既紀錄. 而預料愛華頓係之後既聯賽激烈程度唔太高, 而又有足總杯踢keep住鬥心. 季後體力上應該唔成問題, 可以好好發揮佢一直令人期待既實力, 另外佢既創造性亦係隊中少有.唯一怕既係佢會俾一個應該未操返起既朗尼霸住個位, 因為估計朗尼唔可能踢到正前要退後一格俾哈尼簡尼. 到時希望可以俾佢移去左邊, 而唔係移返入去後備席.
史達寧
以外圍賽有8場上陣紀錄, 預計佢都會係球隊正選兼著起7號波衫.實力都無需要懷疑, 今年係曼城雖然出得少d, 但係有得日日同大衛施華練波應該獲益唔少.希望佢又可以係體力消耗唔大既情況下有發揮既球員. 不過佢既表現好取決於佢心態, 大家都知佢場外…唉, 後生仔想成大器真係要專心d喇. (雖然, 係另一方面在下又唔係咁想佢踢得太好, 你懂的..)
史摩寧
呢兩年佢既進步, 大家都覺得佢終於百乜成才, 英人中堅黎講佢絕對可以話係宜家最穩陣既一個. 況且宜家佢場場都俾人裝個炸彈係隔離, 幫人執埋手尾都仲得, 預期係國家隊有返個正宗中堅拍住, 佢更加可以集中, 甚至可以成為今屆後防既領袖.而今屆亦好有可能成為佢跳升至一線中堅既跳板.
至於陣容方面, 龍門都毫無疑問, 畢蘭特同科士打都係去陪練波嘎喇, 除非祖赫特有乜冬瓜豆腐啦.
中堅史摩寧既拍擋應該會係卡希爾, 史東斯差d經驗而積基卡質素差dd(其實在下幾鍾意佢). 反而左閘會用佢既隊友拜恩斯, 起碼多範死球. 梭爾都應該操唔起住(雖然我好想), 替補可能會係貝查特同基比斯. 右邊估計係佳尼同獲加之爭, 在下睇高佳尼少少, 當然鍾斯傷愈都係選擇, 仲多個中堅替補添.(其實三,四場波之嘛, 使乜算咁盡呀?)
中場方面防中真係弱左, 軒達臣相信佔一席, 拍住德夫都唔會係一個可靠組合, 或者推占士米拿過黎係一個方法, 卡域克今年跌watt, 相信就算入選都係陪練,光頭佬舒維外圍賽都有出下,都好有可能一齊去.
攻擊方面好似好多選擇, 但到頭來朗尼就算唔fit, 都一定佔左個位, 旁住左右我當然想係巴克利有份, 另一面我心水係史達寧, 但係攻擊線仲有阿仙奴三子禾確突韋碧克張伯倫(傷完未呢?) 利記啦啦啦,史毒.同唔好唔記得阿里達里.
正箭在下就揀哈尼簡尼, 勝在大勇加全面, 華迪可以後備入爆下, 當然上面一堆攻激手都可鋒可翼, 不過再下會好期待可以睇到簡尼同華迪呢個熱辣辣既組合.
用以上人腳, 博個一勝二和可能有d機, 希望對住俄羅斯唔好輸, 細路威爾斯實會同你博命, 臨尾先對斯洛伐克就要睇到時兩隊仲使唔使爭喇…(唉…). 如果順利,睇到多一場對我輩死忠都唔會投訴喇, 反正失左望咁多年(86年起喇), 乜都慣啦!
(我重申我絕對係英格蘭迷!只不過…熱血左咁耐…醒左喇…)
PS. 呢D分析,戰術,揀人排陣D技術都唔係在下強項, 我最後玩WINNING都係PS2玩., 希望可以快D係返曼聯版個邊同大家發UP風啦,
正因為今年英超, 李斯特城同熱刺已經俾左個好大個驚喜大家. 但係呢兩隊爭冠既同時, 亦好有可能減弱英格蘭既實力. 今年熱刺成績有賴一班英人小將, 佢地好有可能都會成為國家隊骨幹, 而華迪更加可能係前線一大殺著. 但就怕佢地未試過博到咁盡去爭標踢到殘. 同埋如果爭冠不成心情低落就更大鑊. 現今呢D太公波, 重要程度已經大不如前, 大會球員好食好住, 為國捐軀不如留返黎服侍米飯班主好過. 呢點鶴臣當然都好清楚, 所以見到佢選人都有好多中游球隊球員(係呀,我當正利物浦係中游嘎喇, 哈哈!)
至於今屆成績, 以下呢幾個球員表現好壞好可能就係當中既關鍵:
巴克利
今年愛華頓聯賽成績一般, 但足總杯就剛剛入左四強,作為球隊中場主力，佢當然有貨交到。而係外圍賽佢亦有上陣5場入2球既紀錄. 而預料愛華頓係之後既聯賽激烈程度唔太高, 而又有足總杯踢keep住鬥心. 季後體力上應該唔成問題, 可以好好發揮佢一直令人期待既實力, 另外佢既創造性亦係隊中少有.唯一怕既係佢會俾一個應該未操返起既朗尼霸住個位, 因為估計朗尼唔可能踢到正前要退後一格俾哈尼簡尼. 到時希望可以俾佢移去左邊, 而唔係移返入去後備席.
史達寧
以外圍賽有8場上陣紀錄, 預計佢都會係球隊正選兼著起7號波衫.實力都無需要懷疑, 今年係曼城雖然出得少d, 但係有得日日同大衛施華練波應該獲益唔少.希望佢又可以係體力消耗唔大既情況下有發揮既球員. 不過佢既表現好取決於佢心態, 大家都知佢場外…唉, 後生仔想成大器真係要專心d喇. (雖然, 係另一方面在下又唔係咁想佢踢得太好, 你懂的..)
史摩寧
呢兩年佢既進步, 大家都覺得佢終於百乜成才, 英人中堅黎講佢絕對可以話係宜家最穩陣既一個. 況且宜家佢場場都俾人裝個炸彈係隔離, 幫人執埋手尾都仲得, 預期係國家隊有返個正宗中堅拍住, 佢更加可以集中, 甚至可以成為今屆後防既領袖.而今屆亦好有可能成為佢跳升至一線中堅既跳板.
至於陣容方面, 龍門都毫無疑問, 畢蘭特同科士打都係去陪練波嘎喇, 除非祖赫特有乜冬瓜豆腐啦.
中堅史摩寧既拍擋應該會係卡希爾, 史東斯差d經驗而積基卡質素差dd(其實在下幾鍾意佢). 反而左閘會用佢既隊友拜恩斯, 起碼多範死球. 梭爾都應該操唔起住(雖然我好想), 替補可能會係貝查特同基比斯. 右邊估計係佳尼同獲加之爭, 在下睇高佳尼少少, 當然鍾斯傷愈都係選擇, 仲多個中堅替補添.(其實三,四場波之嘛, 使乜算咁盡呀?)
中場方面防中真係弱左, 軒達臣相信佔一席, 拍住德夫都唔會係一個可靠組合, 或者推占士米拿過黎係一個方法, 卡域克今年跌watt, 相信就算入選都係陪練,光頭佬舒維外圍賽都有出下,都好有可能一齊去.
攻擊方面好似好多選擇, 但到頭來朗尼就算唔fit, 都一定佔左個位, 旁住左右我當然想係巴克利有份, 另一面我心水係史達寧, 但係攻擊線仲有阿仙奴三子禾確突韋碧克張伯倫(傷完未呢?) 利記啦啦啦,史毒.同唔好唔記得阿里達里.
正箭在下就揀哈尼簡尼, 勝在大勇加全面, 華迪可以後備入爆下, 當然上面一堆攻激手都可鋒可翼, 不過再下會好期待可以睇到簡尼同華迪呢個熱辣辣既組合.
用以上人腳, 博個一勝二和可能有d機, 希望對住俄羅斯唔好輸, 細路威爾斯實會同你博命, 臨尾先對斯洛伐克就要睇到時兩隊仲使唔使爭喇…(唉…). 如果順利,睇到多一場對我輩死忠都唔會投訴喇, 反正失左望咁多年(86年起喇), 乜都慣啦!
(我重申我絕對係英格蘭迷!只不過…熱血左咁耐…醒左喇…)
PS. 呢D分析,戰術,揀人排陣D技術都唔係在下強項, 我最後玩WINNING都係PS2玩., 希望可以快D係返曼聯版個邊同大家發UP風啦,