爆粗空少--當同事講八卦野的時候

爆粗空少 ==> 我的臉書 https://www.facebook.com/Rudemen

我相信每一行，只要係有人既地方，就係八卦既存在。特別係我呢個充斥住女性為主既行業。講八卦野，絕對係只會多唔會少。

而且，我地份工每班機都會都同唔同同事飛，人多就會有口角架啦!
例如邊個唔鍾意邊個、前面個空姐對機長放電啊、個老總出名變態會打人啊、返工既時候見到男友有小三啊，有情侶係座位上廁所內做"親密行為"啊....
總之咩奇怪剌激精彩既都會發生。(以上內容都只係聽番黎，未能證實啊。雖然當中有部分屬本人目擊啊 XDDD)
但作為一位男性，為左避免睇落太八卦。我就遵從training 時的教導，對身邊的事和說話都十分attentive，好注意同事間互動。
一邊做到好忙一邊仔細聆聽八卦，都係一種絕技黎架。我相信總有一日，我所見到聽到的空中八卦醜閒秘密，係可以出書架 XDDDD