爆粗空少--到外地遊玩時
爆粗空少 ==> 我的臉書 https://www.facebook.com/Rudemen
其實做呢份工之前，我都好懷疑tbb套電視劇中對航空業既描述。 包括機長同空姐們到外地遊玩既情節，例如佢地好似有N咁多既時間逗留外地。唔係，係已經滯留到空姐機師們發展出感情線、偷情線，三叉關係線等等等。不過電視劇係咁架啦，唔誇張又點叫電視劇，仲要係tbb wor.
但做左呢份工後，會更加發現電視劇係同現實完全唔同。
首先，我地基本上同機長們都唔會玩得咁埋，甚至聽到要一齊係餐廳食飯同玩都好別扭。 因為除左係做商務艙會serve 到佢地外，其他既人同機師們係零交流，係零啊! Ummm.....除非你當 "HI" "Bye" "Thank you" 係交流啦 =-=
再者，係機上唔係個個都咁啱傾，唔夾既人都唔會想約埋出去。 就算果同事係機上傾得好開心，做野好夾，都唔一定夾到時間出去外地玩。佢地可能會想係外地探人、想留係酒店、黎左好多次唔想出去，好多好多原因。而且，本人公司有好多不同語言、不同國籍，不同資歷既員工。差異太大，出去玩都好似會變調。 就好似，你收工會唔會想約大老細一齊去玩呢？
咁係種種原因下，我好多時間都只會自己出去。一個人的旅行，食飯休息去邊都由自己決定，其實真係唔錯。 你唔需要因為睇錯地圖行錯路俾人話、又洗因為介紹既地方唔好玩俾人"嘖"，又唔洗好禮讓咁傾好耐都未決定晚餐食咩。
可能就係愈黎愈多人有一樣既想法，所以就變得少左成班crew出去玩既景象啦...
當然啦，我都有遇過好好既上司同事，都有過一齊係外地玩玩得好開心好夾既經歷。我亦都有同唔同國籍同事出去玩，係會見識多左。 我都試過一大班人一齊係酒店食早餐。 呢d經歷係開心架，但我成日同自己講呢d唔係必然架。
我覺得做呢份工好睇彩數，因為每次都同唔一樣既同事做野，所以你唔知對方係咩為人咩個性。真係要上到機你先會知道今程機同事係點。因為咁，我每次飛之前，都會預左自己一個出去外地，自己計劃行程。如果有人join 未bonus 囉 XD 好多唔係必然架嘛！
我記得，有個上司係我新入職時同我講過
"You should go out by yourself bcz you are an ADULT now ."
我都覺得係啱架， 係職場上我可能仲係BB，但人生上我已經係大人啦
喜歡的話，可以黎我FB讚個好啊
↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓
https://www.facebook.com/Rudemen
其實做呢份工之前，我都好懷疑tbb套電視劇中對航空業既描述。 包括機長同空姐們到外地遊玩既情節，例如佢地好似有N咁多既時間逗留外地。唔係，係已經滯留到空姐機師們發展出感情線、偷情線，三叉關係線等等等。不過電視劇係咁架啦，唔誇張又點叫電視劇，仲要係tbb wor.
但做左呢份工後，會更加發現電視劇係同現實完全唔同。
首先，我地基本上同機長們都唔會玩得咁埋，甚至聽到要一齊係餐廳食飯同玩都好別扭。 因為除左係做商務艙會serve 到佢地外，其他既人同機師們係零交流，係零啊! Ummm.....除非你當 "HI" "Bye" "Thank you" 係交流啦 =-=
再者，係機上唔係個個都咁啱傾，唔夾既人都唔會想約埋出去。 就算果同事係機上傾得好開心，做野好夾，都唔一定夾到時間出去外地玩。佢地可能會想係外地探人、想留係酒店、黎左好多次唔想出去，好多好多原因。而且，本人公司有好多不同語言、不同國籍，不同資歷既員工。差異太大，出去玩都好似會變調。 就好似，你收工會唔會想約大老細一齊去玩呢？
咁係種種原因下，我好多時間都只會自己出去。一個人的旅行，食飯休息去邊都由自己決定，其實真係唔錯。 你唔需要因為睇錯地圖行錯路俾人話、又洗因為介紹既地方唔好玩俾人"嘖"，又唔洗好禮讓咁傾好耐都未決定晚餐食咩。
可能就係愈黎愈多人有一樣既想法，所以就變得少左成班crew出去玩既景象啦...
當然啦，我都有遇過好好既上司同事，都有過一齊係外地玩玩得好開心好夾既經歷。我亦都有同唔同國籍同事出去玩，係會見識多左。 我都試過一大班人一齊係酒店食早餐。 呢d經歷係開心架，但我成日同自己講呢d唔係必然架。
我覺得做呢份工好睇彩數，因為每次都同唔一樣既同事做野，所以你唔知對方係咩為人咩個性。真係要上到機你先會知道今程機同事係點。因為咁，我每次飛之前，都會預左自己一個出去外地，自己計劃行程。如果有人join 未bonus 囉 XD 好多唔係必然架嘛！
我記得，有個上司係我新入職時同我講過
"You should go out by yourself bcz you are an ADULT now ."
我都覺得係啱架， 係職場上我可能仲係BB，但人生上我已經係大人啦
喜歡的話，可以黎我FB讚個好啊
↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓
https://www.facebook.com/Rudemen