爆粗空少--慎入！今日講鬼故
爆粗空少==> 我的臉書
https://www.facebook.com/Rudemen
做航空業呢一行，因為流動性大，除左一般既八卦醜聞外，我聽得做多既就係鬼故事。 無論係飛機上既鬼故，定係公司入面既鬼故，我都聽過。 但係聽得最多既，就係發生係外地酒店既鬼故事。 因為 一般黎講，公司都會安排酒店俾我地抵達外地時入住。係回程返港之前，我地都會住係間酒店房 入面。
無論係東南亞、歐洲、澳洲，定美加地區既酒店，獨自一人深夜回首時，都總帶着幾分不安。 始終人在異地， 百無聊賴，難免會胡思亂想。 再加上幾分暗陰，就會成為不少鬼故事既題材。
不過以下落黎 既故事，就係發生係我身上既真人真事。究竟係我自己諗多左，定係真係有”野” 發生呢？ 連我自己都答唔到……
話說，我好辛苦咁做完一班長途機，終於捱完通宵同汗臭，抵達酒店。諗住終於可以上房沖涼啦。 點知，當我打開房門，就有陣冷風迎面吹黎。望真d， 原來正對面有個窗開左囉。 (我心諗：唔係啊！ 拍戲啊？ ！點會開窗架？) 不過因為當時係深夜，所以我唔理咁多去沖涼。雖然期間，我都係覺得成身唔自在，好唔安樂。因為好似蝕左道氣咁啊！ 所以，果晚我就開住燈，開埋電視先上床訓覺。 咁過多一陣，我開始有點疲態出現。慢慢睡意漸濃，我就熄左電視機。訓左係床上，轉身去熄床側既總電源制。
當一熄燈，成間房變得漆黑一片。諗住終於可以訓番餐好架啦！ 點知…當我轉番身返番床上既時候，突然間我見到床邊多左一樣”物體” 。點解會有野擋住前面個櫃既？我好好奇，咁高又披住白紗既野 之前係到架咩？ 我再望多一眼，係咩… !!! 下一秒，我即刻緊閉我眼皮，因為我已經意識呢樣唔存在既野係咩野。 再下一秒，我雙腳開始打冷顫，一直延申到個頭，直到頭皮發麻。 因為我隱約記得頭先 “佢” 既白紗係飄緊架…. 救命啊！
之後我唔知邊到黎既勇氣，我決定再次轉身去開床側既總電制。 當房間回復一片光明後，我再次望向床邊同一個位置。但今次已經唔見左果個 “多出黎既物體” 。 雖然着哂d燈，但我已經無辦法再訓番，唯有拎手機出黎。諗住搵人傾下計，無咁緊張。 好在時差既關係，同朋友傾左d無聊對話，分散左唔少注意力。傾左一陣，我決定唔諗咁多，好攰要訓返。之後，我將電視都開埋哂，加埋房燈，燈火光猛。
慢慢，我終於訓番，好彩開哂d燈。 訓到一半既時候，突然間呯一聲！成間房變得黑媽媽，咩都睇唔到。究竟咩事呀？過一陣，我意識到原來我間房停電，所有電源都斷左。哇！搞咩啊！ 下意識既第一下，我真係講左句粗口。 因為當時我已經有d燥，俾我訓好無啊？
我真係唔想離開張床，但都係要解決當下既困局。唯有死死地氣咁，走去個電話果到，打去樓下搵酒店幫手啦！
酒店通知我要等十分鐘。但我唔想黑媽媽等咁耐。所以我覺得我最勇既一次就係要經過，頭先’ 佢’ 所企係既位置，行去開房門。至少門口出面有d光啊嘛！雖然只係短短既房走廊，但係一片漆黑咁行出去，而且要行過”佢”所出現既地方。我真係深呼吸左好幾下先鼓起到勇氣架！
當我打開房門，就見有一個空姐好急速咁拉住個gip行去lift果邊。我都心諗，咁夜要返工？過多陣，終於有人開返電制，間房有番電。不過，已經就快朝早六點啦！仲訓都咩！把鬼啊！
第二朝問返同事，你地尋晚訓成點。傾左傾，睇黎好似得我間房停電。咁算啦，橫掂訓多晚。好在第二晚我就好早訓，一訓訓天光。一起身，出左街，都同自己講係自己多心炸！無野既！
到下午，我準備訓多多訓先，因為會深夜返港怕無精神。當我訓到迷迷糊糊既時候，我開始覺得唔對路。點解我好似醒左，但身體無法行動自如。我隱約仲聽到門口有聲，當一望向房門我就見有一隻腳行緊過黎。咁就嚇一嚇，即刻望向另一邊既書檯，我雙眼就望向檯上方既一面鏡。而係鏡入面，我見到一個中年男人。當我望住佢嘅時候，佢係到望住我，大家四目交流。。。 但係最特別嘅係，鏡入面淨係得一個樣，我根本就見唔到佢既下半身。當佢再望住我嘅時候，我真係好驚，亦好痛苦。我頂唔順啦！！！ 我！再次好辛苦咁講左句粗口，第一次唔得，第二次，都講唔到！到第三次，終於講到啦！之後，中年男人就慢慢係鏡中淡走….. 而我慢慢可以行動到，我就係床上不斷環顧成間房。
究竟頭先係發夢，定係咩事呀？之後，我聽到衣櫃內有好幾下拍打聲，而同時浴室亦傳黎打碎玻璃既聲音，甚至我已經分唔清係邊到傳黎敲打聲。 當下我真係頂唔順啦，對住間房講左句: I am sorry. I will leave this room very soon. Sorry !
講完之後，我再無係間房見到或者聽到任何野，直到當晚退房。當我走之前，我突登走去檢查浴室。但我並無發現地下有任何野碎裂左。咁我所聽到嘅玻璃聲又係邊到黎呢？我所見到嘅白色物體又係咩呢？停電真係撞彩？ 最後，我就帶着疑問咁離開左間房。
故事就講到呢到。唔好意思，好少打鬼故，可能形造唔到恐怖氣氛。不過真係真人真事。其實呢件事之後，我都不斷同自己講係自己壓力大睇錯。而醒左但行動唔到，其實係有人解釋係你既腦部醒左，但肌肉未醒，所以無法行動。
但我好好奇，究竟我打開房門後果位空姐，係想去邊呢？果個鐘數無理由會有機喎？咁唔通佢拾埋行李，諗住去換房？咁究竟佢經歷左d咩，會夜媽媽去換房呢？可能係我諗太多，定係佢同我都有同樣既經歷？
不過有一樣係肯定既，就係發生左呢件事後。我每次係外地酒店，都唔再敢去熄燈訓覺。因為我怕，一熄燈、一轉身，就會多左”某d野” 係床邊。到時，我想走到走唔到
喜歡的話，可以黎我臉書讚好
https://www.facebook.com/Rudemen
https://www.facebook.com/Rudemen
做航空業呢一行，因為流動性大，除左一般既八卦醜聞外，我聽得做多既就係鬼故事。 無論係飛機上既鬼故，定係公司入面既鬼故，我都聽過。 但係聽得最多既，就係發生係外地酒店既鬼故事。 因為 一般黎講，公司都會安排酒店俾我地抵達外地時入住。係回程返港之前，我地都會住係間酒店房 入面。
無論係東南亞、歐洲、澳洲，定美加地區既酒店，獨自一人深夜回首時，都總帶着幾分不安。 始終人在異地， 百無聊賴，難免會胡思亂想。 再加上幾分暗陰，就會成為不少鬼故事既題材。
不過以下落黎 既故事，就係發生係我身上既真人真事。究竟係我自己諗多左，定係真係有”野” 發生呢？ 連我自己都答唔到……
話說，我好辛苦咁做完一班長途機，終於捱完通宵同汗臭，抵達酒店。諗住終於可以上房沖涼啦。 點知，當我打開房門，就有陣冷風迎面吹黎。望真d， 原來正對面有個窗開左囉。 (我心諗：唔係啊！ 拍戲啊？ ！點會開窗架？) 不過因為當時係深夜，所以我唔理咁多去沖涼。雖然期間，我都係覺得成身唔自在，好唔安樂。因為好似蝕左道氣咁啊！ 所以，果晚我就開住燈，開埋電視先上床訓覺。 咁過多一陣，我開始有點疲態出現。慢慢睡意漸濃，我就熄左電視機。訓左係床上，轉身去熄床側既總電源制。
當一熄燈，成間房變得漆黑一片。諗住終於可以訓番餐好架啦！ 點知…當我轉番身返番床上既時候，突然間我見到床邊多左一樣”物體” 。點解會有野擋住前面個櫃既？我好好奇，咁高又披住白紗既野 之前係到架咩？ 我再望多一眼，係咩… !!! 下一秒，我即刻緊閉我眼皮，因為我已經意識呢樣唔存在既野係咩野。 再下一秒，我雙腳開始打冷顫，一直延申到個頭，直到頭皮發麻。 因為我隱約記得頭先 “佢” 既白紗係飄緊架…. 救命啊！
之後我唔知邊到黎既勇氣，我決定再次轉身去開床側既總電制。 當房間回復一片光明後，我再次望向床邊同一個位置。但今次已經唔見左果個 “多出黎既物體” 。 雖然着哂d燈，但我已經無辦法再訓番，唯有拎手機出黎。諗住搵人傾下計，無咁緊張。 好在時差既關係，同朋友傾左d無聊對話，分散左唔少注意力。傾左一陣，我決定唔諗咁多，好攰要訓返。之後，我將電視都開埋哂，加埋房燈，燈火光猛。
慢慢，我終於訓番，好彩開哂d燈。 訓到一半既時候，突然間呯一聲！成間房變得黑媽媽，咩都睇唔到。究竟咩事呀？過一陣，我意識到原來我間房停電，所有電源都斷左。哇！搞咩啊！ 下意識既第一下，我真係講左句粗口。 因為當時我已經有d燥，俾我訓好無啊？
我真係唔想離開張床，但都係要解決當下既困局。唯有死死地氣咁，走去個電話果到，打去樓下搵酒店幫手啦！
酒店通知我要等十分鐘。但我唔想黑媽媽等咁耐。所以我覺得我最勇既一次就係要經過，頭先’ 佢’ 所企係既位置，行去開房門。至少門口出面有d光啊嘛！雖然只係短短既房走廊，但係一片漆黑咁行出去，而且要行過”佢”所出現既地方。我真係深呼吸左好幾下先鼓起到勇氣架！
當我打開房門，就見有一個空姐好急速咁拉住個gip行去lift果邊。我都心諗，咁夜要返工？過多陣，終於有人開返電制，間房有番電。不過，已經就快朝早六點啦！仲訓都咩！把鬼啊！
第二朝問返同事，你地尋晚訓成點。傾左傾，睇黎好似得我間房停電。咁算啦，橫掂訓多晚。好在第二晚我就好早訓，一訓訓天光。一起身，出左街，都同自己講係自己多心炸！無野既！
到下午，我準備訓多多訓先，因為會深夜返港怕無精神。當我訓到迷迷糊糊既時候，我開始覺得唔對路。點解我好似醒左，但身體無法行動自如。我隱約仲聽到門口有聲，當一望向房門我就見有一隻腳行緊過黎。咁就嚇一嚇，即刻望向另一邊既書檯，我雙眼就望向檯上方既一面鏡。而係鏡入面，我見到一個中年男人。當我望住佢嘅時候，佢係到望住我，大家四目交流。。。 但係最特別嘅係，鏡入面淨係得一個樣，我根本就見唔到佢既下半身。當佢再望住我嘅時候，我真係好驚，亦好痛苦。我頂唔順啦！！！ 我！再次好辛苦咁講左句粗口，第一次唔得，第二次，都講唔到！到第三次，終於講到啦！之後，中年男人就慢慢係鏡中淡走….. 而我慢慢可以行動到，我就係床上不斷環顧成間房。
究竟頭先係發夢，定係咩事呀？之後，我聽到衣櫃內有好幾下拍打聲，而同時浴室亦傳黎打碎玻璃既聲音，甚至我已經分唔清係邊到傳黎敲打聲。 當下我真係頂唔順啦，對住間房講左句: I am sorry. I will leave this room very soon. Sorry !
講完之後，我再無係間房見到或者聽到任何野，直到當晚退房。當我走之前，我突登走去檢查浴室。但我並無發現地下有任何野碎裂左。咁我所聽到嘅玻璃聲又係邊到黎呢？我所見到嘅白色物體又係咩呢？停電真係撞彩？ 最後，我就帶着疑問咁離開左間房。
故事就講到呢到。唔好意思，好少打鬼故，可能形造唔到恐怖氣氛。不過真係真人真事。其實呢件事之後，我都不斷同自己講係自己壓力大睇錯。而醒左但行動唔到，其實係有人解釋係你既腦部醒左，但肌肉未醒，所以無法行動。
但我好好奇，究竟我打開房門後果位空姐，係想去邊呢？果個鐘數無理由會有機喎？咁唔通佢拾埋行李，諗住去換房？咁究竟佢經歷左d咩，會夜媽媽去換房呢？可能係我諗太多，定係佢同我都有同樣既經歷？
不過有一樣係肯定既，就係發生左呢件事後。我每次係外地酒店，都唔再敢去熄燈訓覺。因為我怕，一熄燈、一轉身，就會多左”某d野” 係床邊。到時，我想走到走唔到
喜歡的話，可以黎我臉書讚好
https://www.facebook.com/Rudemen