爆粗空少--Fine dining ？食得架？

又黎到 無獎問答比賽， 今日問下大家，究竟咩係fine dining 呢？

A. OPEN飯 入面嘅一個餐廳選擇項
B. 通常係食得好鬼貴嘅餐廳
C. 跟足餐桌禮儀嘅餐廳
D. 唔係通常，而係真係食得好貴嘅餐廳
E. 以上皆是

請各位根據以上選項作答，你有十秒嘅時間。 。。。
哈哈哈，無錯。答案就係全部都係。 全部都係呀！！！
所謂嘅fine dining 就係為客人提供一個環境安靜 氣氛舒適嘅地方，可以慢慢咁享受美食由前菜到甜品一碟碟咁上。
每道菜都有獨特嘅餐具，而侍應嘅服務態度方式都係經過專業嘅訓練，務求令客人有premium嘅感覺。

好啦！咁我點解無啦啦要扮小班長認叻咁講fine dining 呢？
(話時話，可能有好多神人仲識得多過我，有咩錯漏失敬失敬呀！！！)
原因就係，係飛機上我地係要提供fine dining 環境俾商務同頭等嘅客人。
例如，係上菜前，我地係要佈餐桌布係客人嘅檯面上; 而我地放嘅刀叉都要跟菜式順序排好;不同嘅飲品都會有佢惠用嘅杯 等等。
你無聽錯呀，我地係會佈餐桌布架，飛機上都可以搞咁多野，你就知金錢嘅魅力有幾大啦！
講真，我講咁耐，如果唔係做呢份工。Fine dining 呢d野, 我真係識條鐵咩！
啊！對唔住，原諒我嘅低質素。

咁你地又或者會話：哇！咁未好囉！！你學識左餐桌禮儀喎，下次去懶高級嘅餐廳未唔會出羞囉！！
唔。。都係嘅。 雖然本人係唔好所謂嘅高級餐廳，反而我覺得係高級餐廳一邊大咧咧咁食野，一邊吐嘈，幾做自己幾與眾不同呀！！全場焦點係我身上喎！！！ 哈哈哈哈!

不過，我真係有學到野嘅。當我見到檯面上咁多刀叉，我會知道係要由最外面嘅刀叉開始，一道道咁用到入面。。囉
唔。就係咁啦。 我覺得最難係呢個啦。
其他食野嘅儀態，食咩用咩餐具果d, 隨機應變啦，香港人。
話就話提供premium服務，其實就只不過滿足其他人自我意識良好，自我premium 感覺炸嘛XDD
哈哈，食野炸嘛，做咩咁複雜呢。