爆粗空少--基本上我依家日日返工等車，都係濕身架！

其實天氣咁L熱，每次係烈日當空下等車，我都會幻想自己係着住件背心短褲去返工架，幾清涼！

雖然嚴格黎講呢，我一踏出屋企，拎住d 公司袋、gip啊，就要全副武裝制服上身架啦。
但講真啊，有邊個真係會大熱天時仲同你着住件vest ，甚至jacket去返工啊？我打條呔都覺得熱啦。

真心其實我着咩返工都無咩所謂架喎，只要我返到去換未得囉！你估拖住果gip d人就以為我係空少架咩！
挑！咁你去轉上水啊，大把空姐空少俾你睇啊！
咁又或者背心係有d過份o既，不過反正都係俾我FF架啦！
因為以我咁懶o既性格，要我突登去換多次衫，好L麻煩啊。
我寧願繼續我，就黎解到第三粒扭o既捲袖恤衫造型，去等車算啦！至少上車都換得o既 (umm....其實我成日都咁做)。

或者，有一日，天氣真係熱到突破天際o既時候。
最多我就將件恤衫捲到變背心囉，相信，應該無幾耐o既事架啦....不竟暑假先啱啱開始炸......