爆粗空少--我有一個夢想，就係開PA高歌一曲！
(一則好長o既笑話啊，寫完先發現自己其實都幾柒。)
一般黎講呢，機上面你聽到o既英文廣播，黎唔開就係機長同老總make o既。
咁其他語言，即係廣東話、日語，普通話果d呢，就會由識講o既junior crew make o既 。
你係未以為呢d PA其實無人聽呢？
但係唔係架，除左麻煩老總同阿姐阿哥之外，d客都會聽架。
你諗下，去一轉日本。
有英文、廣東話，日文PA。如果班機係中途停台灣，仲有普通話，加埋四種。 勁啊，每一次make PA都會強行咁停左你睇緊o既電視。咁即係四次。
哇！其實講一講，停一停，又講一講，又停一停，落得機啦喎！
套戲都真係唔洗睇架啦。
所以！！係有人聽架，因為迫住聽啊嘛。
所以每次我一諗到呢到，我就回想起我make PA o既笑話啦。
今日就等我分享一下啦。
啊，唔知當時d客聽到o既時候，有咩反應呢？
1. 講錯老總名
係啊！你無聽左啊。一黎就係死罪啊。 我係果Weclome PA到大大聲咁講果老總名啦，點知係錯o既。
因為每日返工都唔同人，咁我就會抄底今程機老總同機長名方便自己o既。咁機長名呢，通常我都9 up架啦！
D Given name，Brett 、Simon, Alex呢我d都讀到o既。
但鬼咩，佢全名有時鬼咁長，又難讀，咩Dempsey，MacDonlevy… Mac…McDonald我就識。
所以一般讀啱前面，後面就好快咁講左佢算啦。
但老總名，讀錯就真係PK啦！
果次因為我睇錯左上一班o既memo紙，一時口快咁讀左上一程老總果名啦。
結果就變成：
“ 我地今日o既機艙客務經理係 Jessica (For example)
………(靜左三秒)
更正…. 我地今日o既經理其實係Tiffany…. ”
無錯啊，我用左三秒時間，去決定要更正，諗住至少死都可以留全屍啊嘛。
然後一講完，所有o既同事都走黎話：”咦，你頭先講錯老總名啊。本身無留意，你一講更正，我就留意到啦。 “
我都知，但都要講架，我知死得啦！
再過多一秒，叮噹，來自最近天國o既老總電話打黎
“頭先.. 你讀錯我名喎”
PK啦…..OMG!!!!!
2. 講錯地方名
其實呢，就好小事o既。 即係有時我會將果地方名講成佢果國家名咁囉。
即係將 前往阿姆斯特丹 變成 前往荷蘭。 黎到蘇黎世 變成 黎到瑞士 (差d講成瑞典) 。
咁都無錯o既，都啱啊我。 係唔準確姐，哈哈。
但係真係有試過成程機講錯果地方名，我到落機先發現。
就係位於南非o既Johannesburg，中文名 約翰尼斯堡。
我將佢講成 紐約尼斯堡！
好似架嘛，約翰同紐約，都有個約字，好易搞錯架！
而且，紐約好順口啊，你唔覺咩？
到頭先啊，我去google search，我都仍然講錯囉。救命！
3. 講粗口
最後呢樣野呢，我真係要聲一聲明啊。我真係無心架。
返工做野，對住d客我就真係好專業，唔會講粗口o既。
至少唔會俾佢地發現啦，正所謂要diu都返galley diu啦！
咁係咩原因，講左粗口呢？仲要係講PAo既時候講喎！
其實就係因為我講野有時一激動，或太急呢，就會睇錯加走音架啦。 咁有d句子，例如：為免 打亂/擾亂? 你地o既行程。
我就試過讀成：為免 diu亂你地o既行程。
係啊， diu亂啊。
救命啊。咁可以點呢？當我讀完果一刻呢，其實我心都黎一黎。
無法啦，唯有繼續好正經咁讀落去啦。因為仲有成大段野要講。
俾個假象自己：我好正經架，無讀錯啊。 d客聽成粗口，係聽錯或心邪啊。
無事發生過啊。唔係點啊？又更正啊？ 唔係diu亂，係打亂咁啊？
哈哈。有時自己聽番，都忍唔住偷笑架。
所以我今日分享呢d笑話呢。
就係希望你地，如果機上面覺得d PA好煩好燥，不妨試下聽下有無蝦碌搞笑野啦，放鬆下啦。
雖然我咁講好對唔住d同事同我自己啊，但學小S話齋，呢d就好似：
去演唱會聽明星走音，真係可遇不可求架！
你估次次都有人diu亂你地行程架？
哈哈，好賤啊我。我唔敢再make PA啦！哈哈！
btw,中秋節快樂啊！ 講左咁多我o既柒野，點都開心啦掛。
Other Links:
instagram: https://instagram.com/a_four_letter_crew
tumblr: afourlettercrew.tumblr.com
facebook: https://www.facebook.com/Rudemen
一般黎講呢，機上面你聽到o既英文廣播，黎唔開就係機長同老總make o既。
咁其他語言，即係廣東話、日語，普通話果d呢，就會由識講o既junior crew make o既 。
你係未以為呢d PA其實無人聽呢？
但係唔係架，除左麻煩老總同阿姐阿哥之外，d客都會聽架。
你諗下，去一轉日本。
有英文、廣東話，日文PA。如果班機係中途停台灣，仲有普通話，加埋四種。 勁啊，每一次make PA都會強行咁停左你睇緊o既電視。咁即係四次。
哇！其實講一講，停一停，又講一講，又停一停，落得機啦喎！
套戲都真係唔洗睇架啦。
所以！！係有人聽架，因為迫住聽啊嘛。
所以每次我一諗到呢到，我就回想起我make PA o既笑話啦。
今日就等我分享一下啦。
啊，唔知當時d客聽到o既時候，有咩反應呢？
1. 講錯老總名
係啊！你無聽左啊。一黎就係死罪啊。 我係果Weclome PA到大大聲咁講果老總名啦，點知係錯o既。
因為每日返工都唔同人，咁我就會抄底今程機老總同機長名方便自己o既。咁機長名呢，通常我都9 up架啦！
D Given name，Brett 、Simon, Alex呢我d都讀到o既。
但鬼咩，佢全名有時鬼咁長，又難讀，咩Dempsey，MacDonlevy… Mac…McDonald我就識。
所以一般讀啱前面，後面就好快咁講左佢算啦。
但老總名，讀錯就真係PK啦！
果次因為我睇錯左上一班o既memo紙，一時口快咁讀左上一程老總果名啦。
結果就變成：
“ 我地今日o既機艙客務經理係 Jessica (For example)
………(靜左三秒)
更正…. 我地今日o既經理其實係Tiffany…. ”
無錯啊，我用左三秒時間，去決定要更正，諗住至少死都可以留全屍啊嘛。
然後一講完，所有o既同事都走黎話：”咦，你頭先講錯老總名啊。本身無留意，你一講更正，我就留意到啦。 “
我都知，但都要講架，我知死得啦！
再過多一秒，叮噹，來自最近天國o既老總電話打黎
“頭先.. 你讀錯我名喎”
PK啦…..OMG!!!!!
2. 講錯地方名
其實呢，就好小事o既。 即係有時我會將果地方名講成佢果國家名咁囉。
即係將 前往阿姆斯特丹 變成 前往荷蘭。 黎到蘇黎世 變成 黎到瑞士 (差d講成瑞典) 。
咁都無錯o既，都啱啊我。 係唔準確姐，哈哈。
但係真係有試過成程機講錯果地方名，我到落機先發現。
就係位於南非o既Johannesburg，中文名 約翰尼斯堡。
我將佢講成 紐約尼斯堡！
好似架嘛，約翰同紐約，都有個約字，好易搞錯架！
而且，紐約好順口啊，你唔覺咩？
到頭先啊，我去google search，我都仍然講錯囉。救命！
3. 講粗口
最後呢樣野呢，我真係要聲一聲明啊。我真係無心架。
返工做野，對住d客我就真係好專業，唔會講粗口o既。
至少唔會俾佢地發現啦，正所謂要diu都返galley diu啦！
咁係咩原因，講左粗口呢？仲要係講PAo既時候講喎！
其實就係因為我講野有時一激動，或太急呢，就會睇錯加走音架啦。 咁有d句子，例如：為免 打亂/擾亂? 你地o既行程。
我就試過讀成：為免 diu亂你地o既行程。
係啊， diu亂啊。
救命啊。咁可以點呢？當我讀完果一刻呢，其實我心都黎一黎。
無法啦，唯有繼續好正經咁讀落去啦。因為仲有成大段野要講。
俾個假象自己：我好正經架，無讀錯啊。 d客聽成粗口，係聽錯或心邪啊。
無事發生過啊。唔係點啊？又更正啊？ 唔係diu亂，係打亂咁啊？
哈哈。有時自己聽番，都忍唔住偷笑架。
所以我今日分享呢d笑話呢。
就係希望你地，如果機上面覺得d PA好煩好燥，不妨試下聽下有無蝦碌搞笑野啦，放鬆下啦。
雖然我咁講好對唔住d同事同我自己啊，但學小S話齋，呢d就好似：
去演唱會聽明星走音，真係可遇不可求架！
你估次次都有人diu亂你地行程架？
哈哈，好賤啊我。我唔敢再make PA啦！哈哈！
btw,中秋節快樂啊！ 講左咁多我o既柒野，點都開心啦掛。
Other Links:
instagram: https://instagram.com/a_four_letter_crew
tumblr: afourlettercrew.tumblr.com
facebook: https://www.facebook.com/Rudemen