爆粗空少--俾你估，我地係機上係幾時食野o既？

話說有次長途機啱啱做完service，cabin 熄哂燈。
照理夜機，一部份客都應該訓啦，啱啱食左野。

但佢地call light 無停過。
不斷叮叮噹噹，我就出出入入。
好啦，大家忙完一輪，終於入番galley啦。

我發現，galley top有個打開左少少既entree。
唔好講笑，我諗左一陣。
回想係我俾左杯綠茶、俾左個杯麵、應左個禁錯制call light、rest 左個PTV、再俾左個杯麵，再再俾左個杯麵，離開果個galley既之前。原來，我係拎左個entree 出黎，打算食架。

我完全忘記左，頭先好肚餓好想食野。

當我有時間去意識時，個entree已經凍左啦。

呢種情況唔常見，甚至好少發生。
多數都有得坐底，食飯休息o既。
結果我都有食其他野，其他crew都好好咁幫忙。

但當真係出現左，我先明白咩叫：無一啖安樂茶飯。
原來，我係無放飯時間架。