爆粗空少--我應該係 有問必答+機關槍+嘔吐+我要抱抱型

溫馨提示：飲酒不易過量！酒後不易開車啊！

話說呢，本人係一個唔太識飲酒o既人。

唯一一次好深刻，就係我同cabin crew training o既好朋友係我地畢業果日一齊去慶祝，諗住買醉自己，終於完左training啦。
結果呢，根據佢地事後o既口供同當晚o既照片呢。
原來我已經嘔到，佢地要將個膠袋掛係我兩隻耳隻，任由我隨便嘔，但唔好整污糟架的士咁話喎。
而我係一點兒印象都無架下，飲完即暈果d黎o既。真係無印象。
而我亦記得有一次，返大陸應酬親戚啦。你知佢地飲得幾勁架啦。
結果，我第二日打開whatsapp，叮叮叮叮駡聲四起。
原來我飲醉果晚，除左text 幾個朋友同group，講左一大堆廢話炸佢地之外。
我仲向其中一個朋友，send左三十幾個語音檔，而全部都係 雜訊，廢話同無人明o既外星語。即係話，佢部手機就俾我震左成個深夜啦。
當然，我亦係完全唔記得自己講過d咩架。

所以話，飲酒真係唔好飲到斷片，好L可怕。
重點係，我呢d騷擾別人型呢，更加可怕。
真心，聖誕倒數佳節就到，大家出外飲酒慶祝記得唔好太過量，要注意安全啊。
最好搵一堆好朋友係身邊睇住同陪住自己啦。我都好興幸當時有朋友送我上的士，仲幫我掛個膠袋，睇左我成晚。真係多謝啦。

哈哈，好啦，係到預祝大家聖誕節快樂 Merry X’mas。