爆粗空少--果然攞着數係不限國籍，簡直係世界言論

其實真心，有時聽到有客話要前面客艙嘅野食野飲帎頭同被呢。我都好想問番佢，你真係有面講得出口架？
先不論你係咩身份啦，你係尊貴會員定普通客又好啦。你都應該知自己買咩機票坐咩位啦，頂多啊貴貴貴賓未有支DM水囉。
咁我覺得你買咩機位未享受咩服務囉，我都係用番平常心咁俾番每個艙應有嘅服務姐，好fair 呀。 一買一賣炸嘛。

但幾時開始你認為能夠無啦啦咁免費攞唔包係你張ticket入面嘅資源同飲食呢？
就憑你覺得你搭得多或者西口西面西得多？
依家今日唔係無choice 俾你揀，或者你果位有咩缺憾。有嘅話可能有係你自己啦。
話成日飛我地， 平時都覺得呢個艙嘅餐好難食，想換前面嘅嘢食，下餐都要前面嘅wor。
真心，你搭咁多次，咁多次都 覺得呢度難食咁你仲坐喺度？ 你可以買張飛坐前面喎，先生。

我再不論最後「大人們」決定俾唔俾你，有無得俾同點俾你啦。 我真心淨係想問，點解你 可以有呢個念頭出咗嚟㗎？ 你真係好意思架？我再問多次你真係有面講得出口架？ 好cheap 啊！
咁做其實對於每一個客艙嘅乘客都好唔公平囉。 憑乜佢西口西面靠惡就攞哂著數。而我好人好姐乖乖咁坐就蝕底咁呢。 咁人人嘈嘅話個個都有啦。

但係好在仲有好多嘅客唔會咁攞著數。
因為人地仲有自身嘅品格。佢地仲有面，唔會講出口呢啲說話。
佢哋唔會將「搭幾多次飛機 同 以後會搭幾多次飛機」 攞嚟攞著數。
佢哋亦唔會因為最後攞唔到著數而西你面，因為由一開始佢就無諗過要攞著數黎坐飛機。
係到我好多謝你哋。

最後我想講， 不論你係咩客，我覺得你都有投訴權利。
但係一上機就為左攞著數而去投訴， 我相信你比我更了解你係一個點樣嘅人。
我祝福以你嘅品格同性格， 可以過到一個你認為開心嘅人生啦。
落機喇，先生。