早餐關keep fit咩事

有無人做開gym? 我就岩岩開始我gym既生活
我唔係肥但近2年發覺自己新陳代謝慢左好好好多 1來年紀問題 2來飲食習慣差左 不過小妹係一個好有自覺性既大朋友 見到自己個肚腩仔開始鬆弛 同越黎越大 決定左Keep番之前比較好既身段 (我要攞番之前有過既馬甲線 ooosh!! 💪)

我每1個week做2-3日gym 每次1個-個半鐘左右 但發覺都係要配合食野方式先work我睇過好多報告 都有好多唔同見解 其實真係唔知跟邊個先岩 不過我著重健康性操fit多於為靚而操既concept 同埋我覺得食唔緊要 最緊要係識自我control自己救自己 我而家每日朝早都食份大大早餐+熱檸水走糖 但一定要有蛋白質既食物 (老實講我好憎食蛋 但我而家點都會1個禮拜食1-2次既) 當然有好多野都有蛋白質 所以唔一定要食蛋 好多人都唔食早餐其實大錯特錯 因為無足夠糖份+energy又點應付一日既工作既 所以容易暈同無力就係咁解 仲有食大份早餐都係keep fit既一種 因為你不自覺就會食少左lunch唔可以話食少 而係食正常portion 如果你平時唔食早餐咁更係lunch同dinner會食多 咁你咪容易肥囉 人體要有足夠時間消化先唔會容易肥 所以lunch我會選擇較light同多菜少肉去食 甚至1星期會有1-2日既Green day比身體light D...而Dinner 因為我自己一個人住 所以有時寧願出街食 不過 我都係食少飯多餸 再加埋運動係事半功倍！😎
我雖然唔係咩健身達人or Keep Fit教練 但我想講係健康Keep Fit係重要過為貪靚過度減肥...得閒做15mins運動其實都總好過咩都唔做 節食都要運動身型先會靚！大家一齊努力喇~~~