80後媽媽日記(二): 生BB Q&A (順產VS開刀? 公立醫院VS私家醫院? 無痛分娩好嗎?)
上回80後媽媽日記分享過我的順產經驗,今日想講講生BB 常問的Q&A(純粹個人分享自己想法, 實際都要大家自己衡量)Q1. 順產OR開刀? A1. 順產因為對孕婦及BB都好, 對孕婦:不用接受麻醉(老人家話老左會頭痛, 腰痛)、肚皮唔會有開刀的疤痕、子宮不用受損、唔會造成腸OR胃的黏連、可準快進補。(順產第2日已可飲薑醋內的醋, 而開刀要兩星期後先飲得) 對BB:經過媽媽產道時, 肺部受壓時擠出羊水, 減少肺部及呼吸道問題。Q2. 公立醫院VS私家醫院?A2. 生BB前我都有諗過去私家生,但詳細比較過公立醫院VS私家醫院結果公立醫院WIN,我的論點如下:1) 由於我家住灣仔,私家醫生說我可以選擇瑪麗醫院或東區醫院, 醫生說瑪麗是全港最有規模的產科醫院, 他說私家醫院搞不掂的case, 也要轉去瑪麗, 即係瑪麗的技術及設備比私家好!2) 加上我覺得我納了多年稅, 應該去享用一下政府唯一給我的福利 (笑)3) 個人一心想順產(有自虐狂?), 私家都一樣要靠自己生, 不如去公立4) 好多人都想幫BB擇日擇吉時出世, 但我認為生死有命, 富貴由天, BB的人生會掌握在自己手中, 佢自己揀時辰出來, 便是自己決定自己人生的第一步哦~5) 省錢!!! 問過最平的私家醫院+手術費也要4,5萬, 仲要去到新界, 附近養和就要6,7萬(無醫生揀), 呢D錢夠我坐月補身+BB一年的日用品了! 好老婆就為老公及自己慳錢 (政府3日2夜只需$350咋)所以便決定去政府醫院生!Q3. 無痛分娩好嗎? (無痛分娩是在脊椎骨插入麻醉針及止痛藥,以減低陣痛。)A3. 問過麻醉科醫生,無痛分娩只可在子宮口開到5度前用, 過了便要拆除、等孕婦有痛的意識下先可以用力成功生出BB。而且, 可能有延長產程及麻醉後的風險(頭痛、發燒、腰骨痛等)。我心想, 反正都係痛, 不如快快痛完, 好過拖長黎痛, 加上無痛分娩只係'減輕'痛楚, 唔知絕對'唔痛', 同埋政府醫院有quota及限定時間做, 如果深夜時無麻醉科醫生當值, 就無得做哦!大家仲有其他疑問嗎? 歡迎各位blogger媽媽/懷孕blogger加入我的fan page: LIKE ME ON Instagram [/b]
LIKE ME ON FACEBOOK:
OR email比我呀!
[email protected]
祝大家生產順利!
LIKE ME ON FACEBOOK:
OR email比我呀!
[email protected]
祝大家生產順利!