【賽後簡評：利物浦3-1曼聯】驚險大勝死敵 = 中場正式成型 + X-Factor拯救世界 - 龍門派膠
好老實講，而家嘅曼聯同利物浦根本冇得踢。3:1呢個賽果非常之合理，只係過程太驚險...如果唔係AB13派膠，其實曼聯根本連一個正式有威脅嘅攻勢都冇組織過。
今場我哋基本上控制晒中場，MOTM毫無疑問一定係『曼聯殺手』沙基利；但係法賓奴今場都真係好Sharp，明顯同隊波夾熟咗好多。佢係後面放啲波，真係比軒達臣有創造力太多，無傷無痛必然主力；Keita個人認為今場表現都對板，但係肯定未係最好狀態；老母照舊穩定發揮，work horse。
前面沙拿今場俾對面重點招呼，有少少孤掌難鳴，轉唔到身；費明奴雖然冇波入，但係好明顯上翻態；至於文尼，究竟係神仙嘅化身，定係地獄派來嘅使者？！高傲咁一控一射入波之後，再宅心仁厚咁將所有佢隊友交俾佢嘅波，交番畀對手...就算交到俾隊友，都必定係死位...我真係理解唔到佢個腦諗緊啲咩...但係佢第二球過臭（馬迪？）個個球又靚到！唉...我好亂呀！！！
至於傷兵滿營嘅後防，其實今場表現還可以；當然同今場其實冇受咩威脅有關。基尼真係唔係正選人腳質素，老虎雲唔錯，啫喱仔同VVD照舊穩定（佢兩個一冰一火，一動一靜，真係好正！）。至於AB13，派膠個球係好7；但係只要係人都會犯錯，吸取教訓，唔好7兩次就OK；絕對相信AB13唔會係願意俾自己同一個錯犯兩次嘅人。
至於沙基利，真係曼聯殺手；季初就整個靚絕嘅倒掛，而家就後備入替連入兩球。真係可以諗諗雪一雪文尼哥，俾沙基利踢正選...見到佢hold住個波真係放心過文尼好多...
Anywayzzzzzz，今場真係超級刺激；好睇之餘，3分全取，重返榜首！！！對阿仙奴同埋曼城兩場將會係關鍵，加油！！！
球員評分：
AB13：5
VVD：7
老虎雲:：6.5
啫喱仔：7
Clyne：5.5
法賓奴：8
基達：6
韋拿杜姆：6.5
費明奴：6.5
沙拿：5.5
文尼：??????????????????
～～～Sub～～～
沙基利：9
軒達臣：5
鍾意利記嘅朋友，快啲follow我哋個FB Page啦！
另外，下面條Link係小弟踩單車去利物浦嘅Fb Page－SteelPedaling！
今場我哋基本上控制晒中場，MOTM毫無疑問一定係『曼聯殺手』沙基利；但係法賓奴今場都真係好Sharp，明顯同隊波夾熟咗好多。佢係後面放啲波，真係比軒達臣有創造力太多，無傷無痛必然主力；Keita個人認為今場表現都對板，但係肯定未係最好狀態；老母照舊穩定發揮，work horse。
前面沙拿今場俾對面重點招呼，有少少孤掌難鳴，轉唔到身；費明奴雖然冇波入，但係好明顯上翻態；至於文尼，究竟係神仙嘅化身，定係地獄派來嘅使者？！高傲咁一控一射入波之後，再宅心仁厚咁將所有佢隊友交俾佢嘅波，交番畀對手...就算交到俾隊友，都必定係死位...我真係理解唔到佢個腦諗緊啲咩...但係佢第二球過臭（馬迪？）個個球又靚到！唉...我好亂呀！！！
至於傷兵滿營嘅後防，其實今場表現還可以；當然同今場其實冇受咩威脅有關。基尼真係唔係正選人腳質素，老虎雲唔錯，啫喱仔同VVD照舊穩定（佢兩個一冰一火，一動一靜，真係好正！）。至於AB13，派膠個球係好7；但係只要係人都會犯錯，吸取教訓，唔好7兩次就OK；絕對相信AB13唔會係願意俾自己同一個錯犯兩次嘅人。
至於沙基利，真係曼聯殺手；季初就整個靚絕嘅倒掛，而家就後備入替連入兩球。真係可以諗諗雪一雪文尼哥，俾沙基利踢正選...見到佢hold住個波真係放心過文尼好多...
Anywayzzzzzz，今場真係超級刺激；好睇之餘，3分全取，重返榜首！！！對阿仙奴同埋曼城兩場將會係關鍵，加油！！！
球員評分：
AB13：5
VVD：7
老虎雲:：6.5
啫喱仔：7
Clyne：5.5
法賓奴：8
基達：6
韋拿杜姆：6.5
費明奴：6.5
沙拿：5.5
文尼：??????????????????
～～～Sub～～～
沙基利：9
軒達臣：5
鍾意利記嘅朋友，快啲follow我哋個FB Page啦！
另外，下面條Link係小弟踩單車去利物浦嘅Fb Page－SteelPedaling！