米蘭進攻火力欠佳---責任誰屬？
近期米蘭嘅比賽，可以用一個字，「悶」嚟形容，防守穩健但進攻套路少得可憐，自2月26日起至今無一場比賽入多過1球。今日和咗拖連奴，更令聯賽冠軍嘅主導權落咗喺國際米蘭身上，令球迷無言以對。到底係邊到出咗問題，令米蘭進攻失去效率？
== 4-2-3-1 ==
米蘭近2季基本上從未使用過4231以外嘅陣式，
以近幾個月嘅出場次數，進攻位置上嘅正選分別係右翼鋒 Messias Jr，10號位 Brahim Diaz，左翼鋒 Rafeal Leao，中鋒 Giroud。
== 右翼鋒 ==
Messias Jr 可以打右翼鋒或者進攻中場，雖然係巴西人，但腳法唔算好好，進攻方法簡單，就係不斷cut大位射門。米蘭球迷一定記得Suso，呢位西班牙右翼鋒最擅長就係Cut大位，而且左腳射術同傳球都非常良好，撐起咗以前大部分嘅進攻。Messias Jr可以話係Suso嘅弱化版，鍾意cut大位但欠缺後者嘅盤球同傳球技術，一味死衝，起腳機會少之又少，雖然偶有佳作，但若非佢勤力防守，相信難以確立正選位置，佢嘅個人能力係咪足夠襯起米蘭，我抱有疑問。
Saelemaekers理論上唔係右翼鋒而係右翼衛，但佢喺Messias Jr被租借到米蘭之前一直佔據右翼正選位置。佢腳下功夫比Messias Jr強好多，防守意識都好強，但缺乏後者嘅進步能力，側翼盤球過人並非佢嘅強項，佢傾向扭入中路進行小組織，及不斷嘅跑動拉開對手防線，直接進攻參考度非常低。Saelemaekers 嘅入球同助攻數目以翼鋒嚟講可以話係唔合格，令Pioli寧願起用表現同樣差嘅Messias Jr做正選，起碼可以cut吓大位先。
Samu Castillejo 目前已經完全被棄用，冇乜好講，但喺右翼鋒人手狀態低迷下，係咪可以考慮吓呢位細細個就係米蘭球迷嘅人兄？
== 10號位 ==
Brahim Diaz本賽季開局狀態大勇，參與了非常多進攻，盤扭亦有板有眼。但自從季中感染肺炎後，狀態幾何級下滑，面對高大強壯防守球員顯得無計可施，關鍵傳球決策差勁，幾乎場場隱形。若果佢打唔返季初嘅表現，睇嚟米蘭只可以另覓代替品。
Daniel Maldini作為米蘭陣中唯二(偏好位置)嘅進攻中場，表現認真麻麻。佢無Brahim Diaz嘅盤球能力，傳球視野亦唔係好好，適合做短傳組織，但影響力唔大，隱形表現居多。反而佢接近每次上陣都會表演滑剷攔截，幾乎冇失敗過，令人懷疑佢打後一格可能仲好。
Krunic，Kessie亦不時擔任10號位，但主要任務係盯防，增強中場硬度，欠缺進攻參與度。
== 左翼鋒 ==
Rafeal Leao 前排聲名大噪，高超盤球技術令佢可以輕鬆 1 vs 1 過人，直接完爆成條左路亦屢見不鮮，令佢入球能力有所提升。但唔知係教練要求，定太有自信，佢開始盲目扭波，扭到盡頭卻缺乏決策能力，做出莫名其妙嘅傳球，或者夾硬射波，浪費機會。目前Rafeal Leao 已經連續好幾場無參與直接進攻，即使扭波攻力仍在，但佢必須改善決策能力，先可以保持水準。
Ante Rebic 今季傷多過踢，表現可以話令人想講粗口，佢嘅走位好好，經常可以持球進行反擊，突破，但final third 就。。。佢就係唔肯射波，明明射術隊中數一數二，即使入到禁區附近就係唔射，係都要交波俾對手mark住嘅隊友，浪費絕好機會。我唔明點解佢要咁做，你哋又明唔明。
== 中鋒 ==
Giroud已經取代Ibrahimovic成為正選人馬，射手觸角依然係世界級。佢主要做支點中鋒，但隨此之外幾乎唔會額外幫手組織攻勢，喺米蘭嘅進攻供應不足下，好容易隱形。雖然係咁，但當終於有波到，佢就一定人到，表現良好，近幾場入唔到波大程度係因為龍門太勁，屢救險球。
Ibrahimovic又係傷多過踢，季初表現良好，受傷復出後上陣時間大減，每每踢得嗰10分鐘(都無)，比Giroud更善於組織攻勢，但無乜出色表現，期望佢用幾分鐘就入波係不切實際。
Marko Lazetic 從未為一隊上陣，無嘢好寫。
== 默契非常差 ==
米蘭球員近期成日俾人一種感覺，就係冇練過final third decision。進步套路非常簡單，唔係左路扭入底線就係右路cut大位，後防球員自由發揮，前插後插完全依靠個人判斷，前鋒喺禁區邊緣作出奇怪傳球或者靈異走位，白白浪費黃金機會。
== 總結 ==
米蘭嘅右翼，10號位表現差勁，部分人嘅能力未必可以做到豪門正選，或者未揾得返狀態，組織進步責任落咗喺左翼鋒甚至後場球員上，中鋒喺欠缺支援下亦難以揾食。如果要改善進攻，必須先整頓核心位置，簽入水平更高嘅球員，方可從基本增強進攻套路，建立默契，重回昔日光輝。
== 4-2-3-1 ==
米蘭近2季基本上從未使用過4231以外嘅陣式，
以近幾個月嘅出場次數，進攻位置上嘅正選分別係右翼鋒 Messias Jr，10號位 Brahim Diaz，左翼鋒 Rafeal Leao，中鋒 Giroud。
== 右翼鋒 ==
Messias Jr 可以打右翼鋒或者進攻中場，雖然係巴西人，但腳法唔算好好，進攻方法簡單，就係不斷cut大位射門。米蘭球迷一定記得Suso，呢位西班牙右翼鋒最擅長就係Cut大位，而且左腳射術同傳球都非常良好，撐起咗以前大部分嘅進攻。Messias Jr可以話係Suso嘅弱化版，鍾意cut大位但欠缺後者嘅盤球同傳球技術，一味死衝，起腳機會少之又少，雖然偶有佳作，但若非佢勤力防守，相信難以確立正選位置，佢嘅個人能力係咪足夠襯起米蘭，我抱有疑問。
Saelemaekers理論上唔係右翼鋒而係右翼衛，但佢喺Messias Jr被租借到米蘭之前一直佔據右翼正選位置。佢腳下功夫比Messias Jr強好多，防守意識都好強，但缺乏後者嘅進步能力，側翼盤球過人並非佢嘅強項，佢傾向扭入中路進行小組織，及不斷嘅跑動拉開對手防線，直接進攻參考度非常低。Saelemaekers 嘅入球同助攻數目以翼鋒嚟講可以話係唔合格，令Pioli寧願起用表現同樣差嘅Messias Jr做正選，起碼可以cut吓大位先。
Samu Castillejo 目前已經完全被棄用，冇乜好講，但喺右翼鋒人手狀態低迷下，係咪可以考慮吓呢位細細個就係米蘭球迷嘅人兄？
== 10號位 ==
Brahim Diaz本賽季開局狀態大勇，參與了非常多進攻，盤扭亦有板有眼。但自從季中感染肺炎後，狀態幾何級下滑，面對高大強壯防守球員顯得無計可施，關鍵傳球決策差勁，幾乎場場隱形。若果佢打唔返季初嘅表現，睇嚟米蘭只可以另覓代替品。
Daniel Maldini作為米蘭陣中唯二(偏好位置)嘅進攻中場，表現認真麻麻。佢無Brahim Diaz嘅盤球能力，傳球視野亦唔係好好，適合做短傳組織，但影響力唔大，隱形表現居多。反而佢接近每次上陣都會表演滑剷攔截，幾乎冇失敗過，令人懷疑佢打後一格可能仲好。
Krunic，Kessie亦不時擔任10號位，但主要任務係盯防，增強中場硬度，欠缺進攻參與度。
== 左翼鋒 ==
Rafeal Leao 前排聲名大噪，高超盤球技術令佢可以輕鬆 1 vs 1 過人，直接完爆成條左路亦屢見不鮮，令佢入球能力有所提升。但唔知係教練要求，定太有自信，佢開始盲目扭波，扭到盡頭卻缺乏決策能力，做出莫名其妙嘅傳球，或者夾硬射波，浪費機會。目前Rafeal Leao 已經連續好幾場無參與直接進攻，即使扭波攻力仍在，但佢必須改善決策能力，先可以保持水準。
Ante Rebic 今季傷多過踢，表現可以話令人想講粗口，佢嘅走位好好，經常可以持球進行反擊，突破，但final third 就。。。佢就係唔肯射波，明明射術隊中數一數二，即使入到禁區附近就係唔射，係都要交波俾對手mark住嘅隊友，浪費絕好機會。我唔明點解佢要咁做，你哋又明唔明。
== 中鋒 ==
Giroud已經取代Ibrahimovic成為正選人馬，射手觸角依然係世界級。佢主要做支點中鋒，但隨此之外幾乎唔會額外幫手組織攻勢，喺米蘭嘅進攻供應不足下，好容易隱形。雖然係咁，但當終於有波到，佢就一定人到，表現良好，近幾場入唔到波大程度係因為龍門太勁，屢救險球。
Ibrahimovic又係傷多過踢，季初表現良好，受傷復出後上陣時間大減，每每踢得嗰10分鐘(都無)，比Giroud更善於組織攻勢，但無乜出色表現，期望佢用幾分鐘就入波係不切實際。
Marko Lazetic 從未為一隊上陣，無嘢好寫。
== 默契非常差 ==
米蘭球員近期成日俾人一種感覺，就係冇練過final third decision。進步套路非常簡單，唔係左路扭入底線就係右路cut大位，後防球員自由發揮，前插後插完全依靠個人判斷，前鋒喺禁區邊緣作出奇怪傳球或者靈異走位，白白浪費黃金機會。
== 總結 ==
米蘭嘅右翼，10號位表現差勁，部分人嘅能力未必可以做到豪門正選，或者未揾得返狀態，組織進步責任落咗喺左翼鋒甚至後場球員上，中鋒喺欠缺支援下亦難以揾食。如果要改善進攻，必須先整頓核心位置，簽入水平更高嘅球員，方可從基本增強進攻套路，建立默契，重回昔日光輝。