拳頭之子—EZ原畫更新，W技能重製，可以標記小兵同敵方英雄，EZ或可重回一線AD？

有玩開《英雄聯盟》既玩家都知道佢地既制作公司Riot Games(簡稱:拳頭)為咗平衡遊戲，一向都會對英雄有Buff或者Nerf，但總有個英雄喺點改都唔會廢得去邊之餘，仲要多skin，呢個英雄就係被人稱為拳頭之子既EZ(伊澤瑞爾)，提外話拳頭之女就係拉克絲同阿狸之爭...今日，親生仔EZ再有原畫更新同模型重製，將原本帥氣既一面更帥氣，而W技能都有改動，不如我地先睇咗今次親生仔EZ有咩原畫先啦~
森林俠盜
足球先生
勘探專家
脈衝火焰
(如果話EZ係拳頭親生仔，咁烏爾加特一定就係拳頭既便宜仔...改完都係咁樣衰QQ)

而除咗原畫更新之外，模組都有更新，拳頭官方表示「這是一次徹底的模型重製。他的遊戲內模型是新的，而所有的技能都為了搭配新造型而做了更新，效果也是新的。由於整個模型的重製，我們可以期待他的所有造型更新，包括脈衝火焰造型都將在近期一起推出。如果你本來就是EZ的粉絲，這確實一大好消息。」
至於佢既W技能重制方面，新既W釋放範圍似乎變得更大，仲可以對小兵或敵人添加印記。而當EZ用大技擊中標記既目標時，印記會引爆，咁意味著新W可以對敵方造成額外傷害？當然，在官方正式發佈之前，我地都唔清楚具體內容到底係咩，因為今天發佈既影片只係遊戲內一段很短既預告。