《生死格鬥6》除咗家用版，仲會推出街機版！

人氣 3D 對戰格鬥動作遊戲《生死格鬥6》 將會預定喺來年 2 月 15 日喺PS4、Xbox One同PC上面推出，呢款用美少女格鬥作為賣點既遊戲當年仲要紅到出電影，雖然近年人氣有所下滑，但依舊係Koei Tecmo Games 既招牌大作，今次官方仲宣佈本作同時推出街機版同玩家們見面，目標勢必喺新生代格鬥遊戲中佔一席位！
今次既六代入面，除咗將會包括以挪威海怪「Kraken」居住巢穴為舞台既腐朽海盜船關卡「Forbidden Fortune」等舞台俾玩家們使用之外，仲將會搭載包括新必殺技量表「Break」量表系統，等玩家可以藉此嚟施展出更多新絕招；加上只要連點按鈕就可以施展出既 Combo 連擊等設定，令成個對戰更加刺激緊湊，帶俾玩家們更勝之前既爽快對戰操作樂趣！