前漢堡主帥: 當時熱刺想用500萬鎊賣巴利俾我地
前漢堡主帥馬田祖爾最近對傳媒表示，喺大約6年前左右，熱刺主席列維曾經向漢堡推銷加里夫巴利，售價只係500萬鎊。有趣既係，其實祖爾喺2007年擔任熱刺領隊期間，就係佢用700百萬鎊買巴利番黎。
祖爾話，”熱刺當時覺得巴利好唔穩定，因為佢地覺得佢踢左後衛踢得唔係太好。其實巴利既進攻能力比防守能力出色好多，最後哈利列納亦成功將佢改造。其實我嗰陣喺漢堡好想買佢過黎，但係漢堡唔肯為咗巴利而付出500萬鎊，最後所以唔成事。”
其實世事真係好講命數，如果當然漢堡咬緊牙關用500萬鎊買咗巴利番黎，會唔會最後大賺既係漢堡，而唔係熱刺呢？定係去到德國既巴利會完全適應唔到，最後泯然眾人呢？不過點都好，依家咁應該都係最啱巴利既一條路，成為世上頭10名既球星，歐冠決賽攻入一球，夫復何求呢？
來源
請Like足球大小事!