史杜歷治同一位置第九次受傷！復出時間將會推至明年一月
自從蘇亞雷斯離隊後，史杜歷治就成為咗利物浦既鋒線主將，即使係後來買入既巴洛迪利都冇辦法取代。不過依位主將一直受到傷患困擾，令利物浦攻力一直得唔到改善。本來預計史杜烈治將會準備復出，但最新消息係史杜歷治又再一次整傷自己既大腿，將會休戰多至少六個星期。
最令人擔心既係，史杜歷治既大腿傷患已經唔係第一次，已經佢第九次同一位置受傷。對於依個傷患，利物浦方面都顯得十分擔心。
利物浦領隊羅渣士表示，”史杜歷治最近覺得大腿又開始痛，所以進行檢查，而檢查結果並唔理想。佢大腿之前有過傷患，而今次亦都係出現咗少許撕裂既情況。佢並唔係射波既時候整傷，而係”的波”既時候整傷咗，嗰陣睇落並唔似咁嚴重。”
“失去史杜歷治咁好既球員係好大既損失，不過利物浦仍然要繼續前進。”
史杜歷治對利物浦真係好重要，因為無論係巴神，波連尼定林拔都唔係可以擔起大旗既球員，令利物浦既進攻真係好疲弱。希望利物浦隊醫能夠搵到問題，根治佢既傷患啦!
來源