＜冇波睇又悶，有波睇又悶？＞

世界盃剛剛結束，主流聯賽仍未開季，球迷們難免有點納悶，不過話說回來，即使有波睇亦難保不是悶戰一場，趁有這空檔不妨討論下如何提高球賽可觀性這課題。
球迷們都希望看到一場雙方球員技術高超、兩邊領隊戰術運用得宜，扭盡六壬、球證執法公平準確的精彩賽事。但世事豈能盡如人意，談論一下筆者睇波時很不喜歡看到的情況: 球員因應形勢詐傷或用盡其他方法去拖延時間。

2017年6月，國際足協倡議將來可能會試行停錶踢上、下半場各30分鐘，全場60分鐘（像籃球一樣，停頓就停錶，比賽進行中才計時），個人認為值得試行，一來可減少球員詐傷拖或使用其他方式拖時間尤其在比賽未段。二來有數據顯示，不論歐國盃好、世界盃好，還是球會級最高水平的歐聯都好，平均每場的實際比賽時間都衹是5x分鐘，衹有大約一至兩成左右係多過60分鐘，即是球迷看一場90分鐘的比賽有3x分鐘並非看緊實際比賽，看緊的可能是開龍門球拖多幾秒、看球員與球證理論、排人牆偷前一兩步，中埋球證消失的噴霧、唔知真傷定假傷典地等等……
舉個例子，上年舉行被視為世界盃預演的洲際國家盃，揭幕戰俄羅斯2-0勝新西蘭一役，官方統計全場的「實際比賽時間」竟然衹得47分鐘，亦即有43分鐘+（連補時）觀眾睇緊的並非「比賽進行中」。再回想今屆世界盃及剛過去的球季，不難發現很多球員都會為求勝利不擇手段地拖延時間（這裡並非指角球旗戰術），站在中立球迷角度看，自然不會喜歡這些場面。

好多運動例如網球、排球、乒乓球等等，其實都難以估計一場波要幾耐。記得當時好多世界各地的球迷都在國際足協個page留言，反對話咁睇一場波要預幾耐呀？根據數據其實衹會多少少時間，但就可減少d詐傷或其他招數拖時間的畫面，比賽內容較有保證。正如VAR初時都有許多球迷持反對態度，經過試行、微調、到日漸成熟後，到今屆世界盃就筆者所見都是正評較多。足球發展要進步，要比賽的實質內容較有保證的話，個人認為「停錶踢60分鐘」係值得試行。


歡迎瀏覽專頁，Facebook search 球艷客或https://www.facebook.com/amanwouldrather/ ，如能喜獲各位波友一個like, 會是對新手作者的一大鼓勵。如有意見或批評，亦歡迎到此俾嬲及留言指正，多謝！