【居家抗疫?】疫情第3年 做好儲糧準備

嚟到疫情嘅第3年，香港人最怕已經唔係「中招」，而係日曬雨淋去排隊檢測！最近又有新招大玩「全家檢疫*」，無預警下全家被隔離至少4日。所以，係時候適當儲糧，以存放2星期為目標，除咗儲糧「三寶」(即食麵、米、罐頭)之外，蔬果、魚、肉仲有咩選擇？

【蔬果】
大部分水果都唔耐存放，擺得嘅都只係蘋果、橙、西柚等，可以存放喺雪櫃1個月
[/url]
瓜類大多數水份多存放唔到太耐，最適宜存放嘅蔬菜有菜心、兆菜/娃娃菜、西蘭花、甘筍、蘿蔔、南瓜、洋蔥、薑蔥蒜

而連根部嘅包裝菇類都可以存放喺雪櫃1、2星期，要留意如果菇變得非常軟身，就代表已放置一段時間要盡快食用

【魚、肉】
香港人已經習慣食急凍魚、肉，容易購買亦方便較長時間存放
[/url]
【主糧及罐頭醬料】
存放時限遠超新鮮食物，可以多購入為後備食物，只需要擔心唔健康同食到悶
[/url]

另外值得留意嘅係屋企嘅常備食糧－雞蛋，其實都有食用期，通常有雷射印喺雞蛋面，或者包裝盒

主糧除咗米，仲可以買啲意粉、蕎麥麵、米粉、通粉之類，唔需要食咁多公仔麵。另外即食料理包同急凍料理包都好幫得手！
[/url]
【其他乾貨零食】
零食：早餐穀物、餅乾、薯片薯條等
飲品：紙包牛奶、紙包/罐裝飲品、茶葉、咖啡、即沖飲品
乾貨食品：菇類、日式乾海帶、飯素、即食紫菜等
醃製食物：臘腸、火腿、香腸、泡菜等

早排「有幸」收到嘅防疫包
的確呢個防疫餐就係好好嘅儲糧啟發
[/url]

不過要留意儲糧嘅重點要先衡量屋企雪櫃大細，尤其冰格，掃乾貨亦要注意選購易於擺放嘅食物，務求做到足不出戶都夠日常生活！
[/url]
之前成日會諗疫情之後想去邊，計我話疫情放緩就好要及時行樂！
大家加油！

＊＊＊＊＊＊＊＊＊＊
註*：香港政府即將啟動名為「居家抗疫 STAY HOME SAVE」 的家居檢疫安排，極低風險無徵狀患者或居家隔離。

居家檢疫期間，被隔離者需要要佩戴電子手帶、遵照家居檢疫指引。他們要在指定日子接受病毒測試，且定期報告快速病毒抗體檢測結果，直至驗出陰性結果才能結束檢疫。

對於次密切接觸者，即密切接觸者的家人，當局將會安排他們將同一家居檢疫。

居家檢疫期間，被隔離者需要自行經送遞、或親友處理生活起居問題。
[/url]