一拳超人 粵語配音 X 2
其實我係想借呢個情況嚟講下粵語配音，同一拳超人唔太大關係。
因為早幾日同一個網友講開「一拳超人」(KTKKT內)一早就有粵語配音，佢未係ViuTV播出之前已經睇哂！
唔知有幾多人留意過呢個情況，嗰個係一個廣州嘅同人配音組，唔係香港嘅電視或者公司做。
係坊間都有唔小呢類嘅粵語配音係廣州出現，呢個情況令我有好多聯想。
第一，雖然有部份用語聽落都係怪怪地，但整體嚟講佢地其實配得幾好，
本後有無以本傷人，甚至只係義務去玩，我就唔太清楚，
但我即刻聯想到，人地唔收錢去做到呢個水準，咁香港嘅電視粵語配音真係死得？
雖然電視重有好多外購劇可以有工開，但我自己為例，真係想睇嘅係動畫嘅粵語配音，
甚至係想自己都參與動畫嘅配音工作(真係好好玩)，所以其實係幾羨慕佢地可以咁私下做配音，
不過問題就係，如果佢唔比人工唔攞授權，但用呢個方式令自己獲得利益，
咁嘅做法又正唔正常？條線可以點放？
第二，近幾年大家都開始留意多咗業餘嘅配音工作，惡搞就最多人玩，
但勁就勁在惡搞到咁有質素，其實電視台係咪都應該相對地吸納更多嘅專才？
可唔可以待遇好啲，分返開劇集、綜合節目、動畫唔同類型嘅配音員，
電影公司為咗要綽頭，揾唔識配音嘅藝人嚟做配音都算，每次都係獨立嘅預算，
電視台咁大量嘅工作，係唔減少舊人嘅利益情況下，增加多啲新人嘅機會都得掛？
唔夠人咪搵Freelance，坊間大把人材添啦，只要你唔會搵嚟搵去都係個幾個人就得，
攪多啲公開招募當係做宣傳都好呀？
(講開又開，宜家想知幾時有咩動畫出街，電視台嘅節目表係睇唔到，我都係要睇非官方嘅維基先知)
第三，Animax 自從2014年打後，已經無再做粵語配音，亦都無搞配音大賽，
其實好明顯「粵語配音」呢個比賽，只係為咗宣傳而搞，
而睇返Animax嘅配音，其實唔係聽唔慣，係好似讀稿咁，
無咩感情，咁當然佢地有幾多時間同幾多經驗去處理係另一回事，
睇返TVB個邊配音員訪問，係即刻睇即刻講，最多NG一兩次，
咁想像一下新人去處理會係點？
而另一個問題，你睇都未睇過套嘢，要即刻學佢把聲或者用自己嘅理解去配，
最後咪又係一把聲配十萬個角色，劇集都還好，因為都係人去做，
但動畫嘅變化係多好多，點可能用嚟用去都係個幾個人、得幾個tone？
最後... ...真係好講... ...
有無得參與動畫限定嘅配音工作？我又唔想做爛市、又唔想做壞規矩，
雖然今年新番都唔見得有咩好想配嘅作品，巨人都比J2配緊，銀魂同拔魔師都應該會J2要埋~
奏響吧！上低音號... ...我諗TVB都唔買... ...
係佢地配先好睇！
唯一諗嘅ViuTV又可能會買、J2又唔會要嘅... ...
2016年
只有我不存在的城市 (點解會無電視台買？咁好睇！)、ReLIFE 重返17歲(心心眼)、驅魔少年(到宜家都無，唉... ...)、路人超能100(應該都唔會有，不過都心心眼)、啟航吧！編舟計畫(心心眼，但無可能有)
2017年
夏目、亞人醬、愛麗絲與藏六、SAKURA QUEST、末日時在做什麼(以下略)私心幾鍾意呢套！
不過有機會配下「淫僧」都唔錯！哈哈~~(當然電視唔會買入囉)
因為早幾日同一個網友講開「一拳超人」(KTKKT內)一早就有粵語配音，佢未係ViuTV播出之前已經睇哂！
唔知有幾多人留意過呢個情況，嗰個係一個廣州嘅同人配音組，唔係香港嘅電視或者公司做。
係坊間都有唔小呢類嘅粵語配音係廣州出現，呢個情況令我有好多聯想。
第一，雖然有部份用語聽落都係怪怪地，但整體嚟講佢地其實配得幾好，
本後有無以本傷人，甚至只係義務去玩，我就唔太清楚，
但我即刻聯想到，人地唔收錢去做到呢個水準，咁香港嘅電視粵語配音真係死得？
雖然電視重有好多外購劇可以有工開，但我自己為例，真係想睇嘅係動畫嘅粵語配音，
甚至係想自己都參與動畫嘅配音工作(真係好好玩)，所以其實係幾羨慕佢地可以咁私下做配音，
不過問題就係，如果佢唔比人工唔攞授權，但用呢個方式令自己獲得利益，
咁嘅做法又正唔正常？條線可以點放？
第二，近幾年大家都開始留意多咗業餘嘅配音工作，惡搞就最多人玩，
但勁就勁在惡搞到咁有質素，其實電視台係咪都應該相對地吸納更多嘅專才？
可唔可以待遇好啲，分返開劇集、綜合節目、動畫唔同類型嘅配音員，
電影公司為咗要綽頭，揾唔識配音嘅藝人嚟做配音都算，每次都係獨立嘅預算，
電視台咁大量嘅工作，係唔減少舊人嘅利益情況下，增加多啲新人嘅機會都得掛？
唔夠人咪搵Freelance，坊間大把人材添啦，只要你唔會搵嚟搵去都係個幾個人就得，
攪多啲公開招募當係做宣傳都好呀？
(講開又開，宜家想知幾時有咩動畫出街，電視台嘅節目表係睇唔到，我都係要睇非官方嘅維基先知)
第三，Animax 自從2014年打後，已經無再做粵語配音，亦都無搞配音大賽，
其實好明顯「粵語配音」呢個比賽，只係為咗宣傳而搞，
而睇返Animax嘅配音，其實唔係聽唔慣，係好似讀稿咁，
無咩感情，咁當然佢地有幾多時間同幾多經驗去處理係另一回事，
睇返TVB個邊配音員訪問，係即刻睇即刻講，最多NG一兩次，
咁想像一下新人去處理會係點？
而另一個問題，你睇都未睇過套嘢，要即刻學佢把聲或者用自己嘅理解去配，
最後咪又係一把聲配十萬個角色，劇集都還好，因為都係人去做，
但動畫嘅變化係多好多，點可能用嚟用去都係個幾個人、得幾個tone？
最後... ...真係好講... ...
有無得參與動畫限定嘅配音工作？我又唔想做爛市、又唔想做壞規矩，
雖然今年新番都唔見得有咩好想配嘅作品，巨人都比J2配緊，銀魂同拔魔師都應該會J2要埋~
奏響吧！上低音號... ...我諗TVB都唔買... ...
係佢地配先好睇！
唯一諗嘅ViuTV又可能會買、J2又唔會要嘅... ...
2016年
只有我不存在的城市 (點解會無電視台買？咁好睇！)、ReLIFE 重返17歲(心心眼)、驅魔少年(到宜家都無，唉... ...)、路人超能100(應該都唔會有，不過都心心眼)、啟航吧！編舟計畫(心心眼，但無可能有)
2017年
夏目、亞人醬、愛麗絲與藏六、SAKURA QUEST、末日時在做什麼(以下略)私心幾鍾意呢套！
不過有機會配下「淫僧」都唔錯！哈哈~~(當然電視唔會買入囉)