阿仙奴官方公佈傷兵恢復進度

阿仙奴官方一次性公佈7位傷兵既恢復進度，韋舒亞只係恢復順利，但教授唔可以俾到明確日期，路斯基仲需要恢復6-8星期。
琴日阿仙奴公佈亞洲行24人名單，阿仙奴一啲球員未能跟隊，雲加表示，“呢啲人都因為體能問題要留係倫敦。而普多斯基同梅迪薩卡星期六先開始訓練，所以佢地會遲啲去。”
對於球隊中傷兵既恢復情況，教授話：“沙格拿恢復得非常好。佢已經冇咩問題，但佢會係8月底復出。戴亞比已經恢復好，佢已經開始同我地一齊操練。而路斯基要6-8星期先恢復訓練。費林邦恢復情況理想，佢會係9月尾或者10月先復出。法比安斯基已經冇問題，可以出戰亞洲行。”
上季尾，阿迪達錯過咗球季尾段既比賽，官方確認，阿迪達已經恢復。而另一位值得期待既中場韋舒亞卻仲未恢復，雲加話：“現階段未能確認韋舒亞既復出日期。但佢既恢復正常。佢既腳關節同膝蓋都冇問題。具體佢應該會係九月或十月恢復訓練。”