丹麥商家推賓特拿醉駕套裝

丹麥前鋒賓特拿再次因酒後駕駛被捕後，哥本哈根一間商店立即推出「賓特拿禮品包」，當中包括1個賓特拿公仔、1支迷你酒辦和1架玩具車。店主本來只推出兩套玩吓，但立即賣出後決定加推應市。據悉祖記專門店一件賓特拿波衫也賣不出，不如學這名店主促銷更為實際。

-------------------------

賓特拿衰開有條路，喺丹麥變過街老鼠，商店乘機推出中堅賓「醉駕套裝公仔」，即時賣個滿堂紅！呢個套裝包括一個賓特拿Q版公仔，一架玩具車同一支大啤，好快就被搶購一空。呢個衰佬早前喺家鄉醉駕被重罰，既罰國家隊禁賽又要罰錢，好多丹麥同鄉都憎到佢入骨，難怪呢set公仔咁賣得，真係要讚吓商人嘅生意頭腦。聽聞今個禮拜，祖記球會專門店連一件中堅賓嘅波衫都賣唔出，佢哋唔好賣球衣喇，轉賣公仔仲好啦！