阿仙奴宣佈戴亞比十字韌帶撕裂 將缺陣8-9個月

呢幾年阿記幾乎每個賽季都有一個球員遭遇重傷，本賽季亦未能避免。當地時間28日下午，阿仙奴官網宣佈，法國中場大將戴亞比係訓練中撕裂左膝十字韌帶，將會缺陣8-9個月。
阿仙奴官網表示，戴亞比係响週三訓練中弄傷左膝，隨後經過掃描檢查後，發現佢既左膝十字韌帶已經撕裂，得到專家既意見後，戴亞比將會係近期動手術，阿仙奴官網預計佢將要缺陣8-9個月，換言之，佢要到明年1-2月才能傷癒複出。
自從2006年被新特蘭後衛弄傷踝關節之後，戴亞比就再冇健康過，係過去6年裡，法國人前前後後一共經歷咗18次既大小傷病，同路斯基一齊成為阿記陣中最著名既兩大玻璃人，今次佢今次重傷恐怕會俾佢信心同身體造成新既打擊。