阿仙奴鎖定韋斯咸鐵衛 新西蘭國腳或一月加盟

英國《每日鏡報》消息指，阿仙奴想係一月份引入球員加強防守，目標瞄準住韋斯咸中堅雲斯頓·列特(Winston Reid)。
列特同韋斯咸嘅合同明年夏天就到期，雙方目前仲未續約，儘管韋斯咸好想佢留低，但26歲嘅新西蘭國腳卻打算換個環境踢波。利物浦亦密切注視著列特嘅動向，《每日鏡報》稱如果列特明年夏天成為自由身，佢有可能索要6萬英鎊週薪同100萬英鎊嘅簽字費。
但雲加已經迫不及待想要係冬季轉會市場引入佢改善球隊后防線，雲加認為韋斯咸係冬季轉會期放走列特嘅可能性好大，因為球會唔會眼白白睇住佢夏天免費加盟其他球隊。據悉雲加過去兩個月時間裡留意住列特嘅比賽，對其非常認可，認為佢可以作爲後防輪換一員。