狀態成疑 槍手後防雙星或繼續缺陣

據英國《每日郵報》報導，上場對陣利物浦意外缺陣嘅阿仙奴中堅哥斯尼以及梅迪薩卡可能將繼續缺陣，極大可能無緣本週末對陣紐卡素嘅比賽。
消息指，上場因受背傷影響嘅哥斯尼並未能夠復出，意味著法國國腳將鐵定無緣紐卡素一戰。而相比背傷嘅哥斯尼，只係因為受到細菌感染而受傷嘅梅迪薩卡復出機會則較大，目前梅迪薩卡依然被禁止參與訓練，據《每日郵報》指，雲加將視乎到時梅迪薩卡狀態而做出選擇。
哥斯尼鐵定缺陣，代表隊中巴西國腳加比爾將繼續正選上陣，而一但梅迪薩卡狀態欠佳，預料上場表現失準嘅張伯斯亦將繼續獲得上陣機會。