英超第16周 阿仙奴“悶取”維拉，3分已袋，暫登榜首
周中，阿仙奴作客成功以3比0擊敗奧林比亞高斯，成功進入16強，基奧特更包辦3個入球，阿仙奴士氣絕對是強大。唯一擔心的是：經過周中作客，3天後再戰聯賽，可能會有體力問題擔心。
睇番今場波既陣容，不少球迷都會覺得禾確風會回歸右路，或者打前，但原來禾確特係以左翼身份上陣，落場既時間大部分都係左路，而金寶係右路。呢個係始料不及的。
呢場波，真係可以講得上悶。開場，其實來得有點順利，禾確特禁區被推跌，心諗球證咁耐都冇反應，9成都冇啦。誰知，球證可能食左“慢3拍藥”突然一指：“十二碼”，我相信有睇開波既球迷，應該都冇咩見過咁既情況。所以第一球既12碼可以算係有小小幸運的成份。
可能因為一個預料不到的12碼令阿仙奴領先，阿仙奴進攻力度、入肉程度，其實真係好一般，所以我用“悶“字黎形容。到之後反擊成功，由藍斯一掃，輕輕射入，比分為0：2，而最後的結果同樣為0：2。3分全取。
今場見得比較多既，除左係阿仙奴的後防球員外，仲有係藍斯。藍斯反回中間後，變得好生，好多波踢。但筆者質疑，呢場藍斯同奧斯爾係有位置重疊。呢場波奧斯爾絕對唔生，仲有d靜（唔好講又有助攻，第二波自己唔射，橫傳比藍斯，造就藍斯入波，這個助攻來得比較容易，唔可以因為呢個助攻就直接評價佢既表現。），或者係周中歐聯大戰完，身體未回復，或者係今場波雲加戰略，令奧斯爾今場的表現一般。咁當然，今場基奧特、禾確特、金寶係0：2後，大部分的時間都係比維拉禁住攻，所以觸球相對都比較少。但今場對線的表現，其實只係一般。
其實一球都冇輸，真係要多謝維拉，維拉有好幾個黃金機會，全場維拉18次射門（得2次中龍），但冇一個可以入到波，特別係55分鐘既頂波，竟然佢係冇人看管下頂，梅迪薩卡再沖都補唔到位，咁靚都頂唔入，真係好運x2。但後防係領先2球下，有時唔係太集中。
今場值得一讚的有一人：門將的施治及蒙利爾。
下半場的阿仙奴基本上係處於捱打的狀況。見到上半場冇咩攻擊，但又領先到兩球，已經估到雲加守到尾的戰略。施治，一如以往有穩定的表現。（雖然上半場有一下接高球，可能接唔到打左出去，打左落對方球員身上，好彩對方都把握唔到）一如以往，在球賽場次頻密、球員缺陣既時候，穩定的門將係非常非常的重要，唔會令球隊失d醫院波，宏住阿仙奴的大門，守到尾，亦能保持clean sheet，值得一讚。
另外蒙利爾表現繼續穩定，替阿仙奴守住3分。
雖然悶，但3分已袋，重登榜首。
睇番今場波既陣容，不少球迷都會覺得禾確風會回歸右路，或者打前，但原來禾確特係以左翼身份上陣，落場既時間大部分都係左路，而金寶係右路。呢個係始料不及的。
呢場波，真係可以講得上悶。開場，其實來得有點順利，禾確特禁區被推跌，心諗球證咁耐都冇反應，9成都冇啦。誰知，球證可能食左“慢3拍藥”突然一指：“十二碼”，我相信有睇開波既球迷，應該都冇咩見過咁既情況。所以第一球既12碼可以算係有小小幸運的成份。
可能因為一個預料不到的12碼令阿仙奴領先，阿仙奴進攻力度、入肉程度，其實真係好一般，所以我用“悶“字黎形容。到之後反擊成功，由藍斯一掃，輕輕射入，比分為0：2，而最後的結果同樣為0：2。3分全取。
今場見得比較多既，除左係阿仙奴的後防球員外，仲有係藍斯。藍斯反回中間後，變得好生，好多波踢。但筆者質疑，呢場藍斯同奧斯爾係有位置重疊。呢場波奧斯爾絕對唔生，仲有d靜（唔好講又有助攻，第二波自己唔射，橫傳比藍斯，造就藍斯入波，這個助攻來得比較容易，唔可以因為呢個助攻就直接評價佢既表現。），或者係周中歐聯大戰完，身體未回復，或者係今場波雲加戰略，令奧斯爾今場的表現一般。咁當然，今場基奧特、禾確特、金寶係0：2後，大部分的時間都係比維拉禁住攻，所以觸球相對都比較少。但今場對線的表現，其實只係一般。
其實一球都冇輸，真係要多謝維拉，維拉有好幾個黃金機會，全場維拉18次射門（得2次中龍），但冇一個可以入到波，特別係55分鐘既頂波，竟然佢係冇人看管下頂，梅迪薩卡再沖都補唔到位，咁靚都頂唔入，真係好運x2。但後防係領先2球下，有時唔係太集中。
今場值得一讚的有一人：門將的施治及蒙利爾。
下半場的阿仙奴基本上係處於捱打的狀況。見到上半場冇咩攻擊，但又領先到兩球，已經估到雲加守到尾的戰略。施治，一如以往有穩定的表現。（雖然上半場有一下接高球，可能接唔到打左出去，打左落對方球員身上，好彩對方都把握唔到）一如以往，在球賽場次頻密、球員缺陣既時候，穩定的門將係非常非常的重要，唔會令球隊失d醫院波，宏住阿仙奴的大門，守到尾，亦能保持clean sheet，值得一讚。
另外蒙利爾表現繼續穩定，替阿仙奴守住3分。
雖然悶，但3分已袋，重登榜首。