香港電影金像獎感想
好多人話今年平平無奇，不過向來信奉平淡之中找一些特別日期嘅我，就想簡單咁分享下自己睇完嘅感想。
首先係opening part歌舞，今年大會主題曲係《不死》，係個非常驚死人唔知香港電影乃至有志於香港電影及正致力締造香港電影嘅有心人未死嘅歌名，而主辦早前亦拍左條MV(有興趣自己搵下或上官方fb)，個效果個人睇黎係非常強差人意(我亦直接留左言插佢，哈哈)，不過黎到現場上演呢段歌舞嘅時候，感覺唔同晒，真係唱到熱血嘅感覺(少少啦)，而整場歌舞不得不提係為頒獎禮打好頭陣。
呢度想多謝番阿聰同阿Sa，多謝，好多人話你地今晚做主持做到好似唔見人咁，但我開心見到呢個新鮮嘅組合。
接落黎第一個係頒新人獎，由演黃金花嘅男主角凌文龍得獎，其實此前佢呼聲都好高，但令我留意嘅係佢段感言，由於佢嘅角色設定係有自閉症，劇組特別安排佢地認識兩個自閉症家庭，而佢番感言就開名多謝呢兩個家庭，令我諗起最近奧斯卡句名言，自己都信架，電影從來不止於電影。尤其當今屆開啓左與金像同行呢個活動，就更加印證電影所延伸嘅力量同影響可以好大。
第二個位係彭秀慧拎新晉導演，29+1嘅風行大家有目共睹，佢短短幾句就令人更深入明白點解會有咁好嘅作品，期待彭導下一佳作！
今屆有個亮點係情理之內又意料之外嘅，就係雷神，佢一出場相信大家都笑左，cherry亦簡單介紹左佢嘅威水史，但有時候一個人厲害嘅地方係可以由小節都睇到，由兩位頒獎嘉賓行出場到退場，我都好留意住兩位嘅互動，然後發現雷神嘅男士風度真係不得了，雖然只係同台幾分鐘，但佢眼神動作，成個態度流露嘅係一份對女士不時嘅禮貌同尊重，欽敬欽敬。
咁重頭同壓軸緊係黑仔姜皓文同古仔啦
一個攞獎都仲記得人生日嘅演員，唔好講做戲，只係做人都無得頂啦，加上成番感言入面會發現屋企人係佔好重比例，應該話佢表現到我真心覺得佢真係當台上台下係個大家庭，恭喜你黑仔！
而全晚最touch我touch到推動我寫呢篇感想嘅就係古仔。楚原叔攞獎果時話自己無乜成就，但古仔上台就當面俾佢知，你至少有份成就左我，無楚原叔當時嘅一句，可能就無今晚嘅古天樂，就無佢口中完美咁連結番今屆大會精神嘅香港電影嘅一番說話，今屆就唔會有個完滿句號，咁成個頒獎禮就真係平平無奇喇，古仔，多謝你！
出年會唔會仲有香港電影？
你估真係求其一個奶共嘅人話無就無咩！
首先係opening part歌舞，今年大會主題曲係《不死》，係個非常驚死人唔知香港電影乃至有志於香港電影及正致力締造香港電影嘅有心人未死嘅歌名，而主辦早前亦拍左條MV(有興趣自己搵下或上官方fb)，個效果個人睇黎係非常強差人意(我亦直接留左言插佢，哈哈)，不過黎到現場上演呢段歌舞嘅時候，感覺唔同晒，真係唱到熱血嘅感覺(少少啦)，而整場歌舞不得不提係為頒獎禮打好頭陣。
呢度想多謝番阿聰同阿Sa，多謝，好多人話你地今晚做主持做到好似唔見人咁，但我開心見到呢個新鮮嘅組合。
接落黎第一個係頒新人獎，由演黃金花嘅男主角凌文龍得獎，其實此前佢呼聲都好高，但令我留意嘅係佢段感言，由於佢嘅角色設定係有自閉症，劇組特別安排佢地認識兩個自閉症家庭，而佢番感言就開名多謝呢兩個家庭，令我諗起最近奧斯卡句名言，自己都信架，電影從來不止於電影。尤其當今屆開啓左與金像同行呢個活動，就更加印證電影所延伸嘅力量同影響可以好大。
第二個位係彭秀慧拎新晉導演，29+1嘅風行大家有目共睹，佢短短幾句就令人更深入明白點解會有咁好嘅作品，期待彭導下一佳作！
今屆有個亮點係情理之內又意料之外嘅，就係雷神，佢一出場相信大家都笑左，cherry亦簡單介紹左佢嘅威水史，但有時候一個人厲害嘅地方係可以由小節都睇到，由兩位頒獎嘉賓行出場到退場，我都好留意住兩位嘅互動，然後發現雷神嘅男士風度真係不得了，雖然只係同台幾分鐘，但佢眼神動作，成個態度流露嘅係一份對女士不時嘅禮貌同尊重，欽敬欽敬。
咁重頭同壓軸緊係黑仔姜皓文同古仔啦
一個攞獎都仲記得人生日嘅演員，唔好講做戲，只係做人都無得頂啦，加上成番感言入面會發現屋企人係佔好重比例，應該話佢表現到我真心覺得佢真係當台上台下係個大家庭，恭喜你黑仔！
而全晚最touch我touch到推動我寫呢篇感想嘅就係古仔。楚原叔攞獎果時話自己無乜成就，但古仔上台就當面俾佢知，你至少有份成就左我，無楚原叔當時嘅一句，可能就無今晚嘅古天樂，就無佢口中完美咁連結番今屆大會精神嘅香港電影嘅一番說話，今屆就唔會有個完滿句號，咁成個頒獎禮就真係平平無奇喇，古仔，多謝你！
出年會唔會仲有香港電影？
你估真係求其一個奶共嘅人話無就無咩！