2018休賽季補強策略 - 新奧爾良鵜鶘
大家好，我係籃球宅籃，90後NBA狂迷，醉心研究各NBA球隊補強或重建策略。個人終極FF目標係可以加入NBA球隊Front Office參與組隊決策。
唔講太多廢話，直接入戲肉。第十一集接住講下西區球隊--新奧爾良鵜鶘。
今季鵜鶘成功組成肯德基大學舊生隊，Rajon Rondo 既加入減輕左Jrue Holiday 分波既工作，等佢可以專注得分。可惜DeMarcus Cousins受傷被迫休季，無辦法睇到季後賽既肯德基雙塔威力。
對於鵜鶘球迷黎講，今季唯一既好消息係球隊非常有機會重返季後賽。鵜鶘對上一次季後賽要去番2015年，當時係首輪被金州勇士橫掃出局。目前球隊排係西岸第七位，好可能會再次同勇士對碰。
今個休賽季鵜鶘既制服組都幾忙下，事關有兩名主力都會回復自由身。除左DeMarcus Cousins 同 Rajon Rondo之外，Ian Clark亦會完約。來季鵜鶘只剩低大概2700萬既薪酬空間，要繳付奢華稅既機會頗大。
相信大家都比較關注DeMarcus Cousins既阿基里斯腱撕裂會唔會對續約有影響。個人認為鵜鶘未必會降低價碼，反正都一早預左頂薪合約俾佢。但係我覺得呢份新約會同Joel Embiid份合約一樣會加好多保險條款，每季要符合條件先可以攞足人工。DeMarcus Cousins 之前表明過留隊既意願，鵜鶘為左俾面Anthony Davis亦唔會唔同DeMarcus Cousins續約。
Rajon Rondo近年變左浪人，獨行俠帝王公牛全部都打唔超過一季，相信佢都想可以穩定D，畢竟球員都有家庭生活，長年搬家都會影響家人。今季鵜鶘提供唔少上陣時間予Rajon Rondo，以前經常出現既頂撞教練新聞今季都無咩點聽過，加上可以做老大哥帶領一班師弟隊友，相信Rajon Rondo來季續留應該無問題。由於球隊續約DeMarcus Cousins後會超出luxury tax level，所以球隊只可以俾底薪合同或者係中產合同予Rajon Rondo。
去季效力勇士既Ian Clark 受惠於上陣時間多左既關係，得分籃板助攻都係生涯新高。已經成為主要輪換球員既佢夏天可能都會吸引到其他球隊報價，但係留係鵜鶘保證到有足夠既上陣時間，相信只要叫價唔好咁離譜，雙方繼續合作機會頗大。
當然啦，每一支球隊都總有冗員，鵜鶘亦唔例外。2016年個陣鵜鶘同Solomon Hill簽左一份年薪1200萬既合約，成功將佢從溜馬挖角過黎。今季佢只上陣過5場，場均3.2分2.2助攻，相信佢來季既上陣時間只會越來越少。對於鵜鶘黎講，呢張合約其實幾致命。Anthony Davis 兩季後就可以跳出合約，代表球隊必須要係呢兩季內成為一支真正既爭冠球隊，否則難以再留住呢位主將。要由爭前八既球隊變做爭冠既球隊，最大分別就係輪換陣容嘅深度，火箭同速龍就係一個明顯既例子。鵜鶘必須要清走呢份溢價合約，否則係薪酬空間擠擁既情況下好難去吸引有實力既後備球員。
鵜鶘係上次同公牛既交易中已經換走左2018年既首輪選秀權，所以可用既交易籌碼並不多。若然有重建中球隊願意接收溢價合約以換取選秀權既話，鵜鶘不妨送出2019年首次輪選秀權以及Frank Jackson同Cheick Diallo兩位後生仔。個人覺得只要有球隊肯要Solomon Hill，四巨頭除外既球員都可交易，最重要係交易後要有足夠既薪酬空間去簽有實力既後備球員。現時球隊有七成三既得分都係由四巨頭貢獻，場均得分最高既後備球員都只有7.7分，可想而知鵜鶘既輪換陣容係有幾弱。
鵜鶘今季場均只得10球三分波，照計有咁強大既內線進攻組合，外圍射手應該有好多起手空間。Seth Curry，Nick Young，Omri Casspi，近期最紅既Quinn Cook都係一D價錢唔貴又有穩定三分又肯做後備既球員。
鵜鶘未來個兩季既成績將會決定Anthony Davis既去留，管理層要有破釜沉舟既心態，否則兩季後可能又要再次重建。
唔講太多廢話，直接入戲肉。第十一集接住講下西區球隊--新奧爾良鵜鶘。
今季鵜鶘成功組成肯德基大學舊生隊，Rajon Rondo 既加入減輕左Jrue Holiday 分波既工作，等佢可以專注得分。可惜DeMarcus Cousins受傷被迫休季，無辦法睇到季後賽既肯德基雙塔威力。
對於鵜鶘球迷黎講，今季唯一既好消息係球隊非常有機會重返季後賽。鵜鶘對上一次季後賽要去番2015年，當時係首輪被金州勇士橫掃出局。目前球隊排係西岸第七位，好可能會再次同勇士對碰。
今個休賽季鵜鶘既制服組都幾忙下，事關有兩名主力都會回復自由身。除左DeMarcus Cousins 同 Rajon Rondo之外，Ian Clark亦會完約。來季鵜鶘只剩低大概2700萬既薪酬空間，要繳付奢華稅既機會頗大。
相信大家都比較關注DeMarcus Cousins既阿基里斯腱撕裂會唔會對續約有影響。個人認為鵜鶘未必會降低價碼，反正都一早預左頂薪合約俾佢。但係我覺得呢份新約會同Joel Embiid份合約一樣會加好多保險條款，每季要符合條件先可以攞足人工。DeMarcus Cousins 之前表明過留隊既意願，鵜鶘為左俾面Anthony Davis亦唔會唔同DeMarcus Cousins續約。
Rajon Rondo近年變左浪人，獨行俠帝王公牛全部都打唔超過一季，相信佢都想可以穩定D，畢竟球員都有家庭生活，長年搬家都會影響家人。今季鵜鶘提供唔少上陣時間予Rajon Rondo，以前經常出現既頂撞教練新聞今季都無咩點聽過，加上可以做老大哥帶領一班師弟隊友，相信Rajon Rondo來季續留應該無問題。由於球隊續約DeMarcus Cousins後會超出luxury tax level，所以球隊只可以俾底薪合同或者係中產合同予Rajon Rondo。
去季效力勇士既Ian Clark 受惠於上陣時間多左既關係，得分籃板助攻都係生涯新高。已經成為主要輪換球員既佢夏天可能都會吸引到其他球隊報價，但係留係鵜鶘保證到有足夠既上陣時間，相信只要叫價唔好咁離譜，雙方繼續合作機會頗大。
當然啦，每一支球隊都總有冗員，鵜鶘亦唔例外。2016年個陣鵜鶘同Solomon Hill簽左一份年薪1200萬既合約，成功將佢從溜馬挖角過黎。今季佢只上陣過5場，場均3.2分2.2助攻，相信佢來季既上陣時間只會越來越少。對於鵜鶘黎講，呢張合約其實幾致命。Anthony Davis 兩季後就可以跳出合約，代表球隊必須要係呢兩季內成為一支真正既爭冠球隊，否則難以再留住呢位主將。要由爭前八既球隊變做爭冠既球隊，最大分別就係輪換陣容嘅深度，火箭同速龍就係一個明顯既例子。鵜鶘必須要清走呢份溢價合約，否則係薪酬空間擠擁既情況下好難去吸引有實力既後備球員。
鵜鶘係上次同公牛既交易中已經換走左2018年既首輪選秀權，所以可用既交易籌碼並不多。若然有重建中球隊願意接收溢價合約以換取選秀權既話，鵜鶘不妨送出2019年首次輪選秀權以及Frank Jackson同Cheick Diallo兩位後生仔。個人覺得只要有球隊肯要Solomon Hill，四巨頭除外既球員都可交易，最重要係交易後要有足夠既薪酬空間去簽有實力既後備球員。現時球隊有七成三既得分都係由四巨頭貢獻，場均得分最高既後備球員都只有7.7分，可想而知鵜鶘既輪換陣容係有幾弱。
鵜鶘今季場均只得10球三分波，照計有咁強大既內線進攻組合，外圍射手應該有好多起手空間。Seth Curry，Nick Young，Omri Casspi，近期最紅既Quinn Cook都係一D價錢唔貴又有穩定三分又肯做後備既球員。
鵜鶘未來個兩季既成績將會決定Anthony Davis既去留，管理層要有破釜沉舟既心態，否則兩季後可能又要再次重建。