2018休賽季補強策略 - 克里夫蘭騎士
大家好，我係籃球宅籃，90後NBA狂迷，醉心研究各NBA球隊補強或重建策略。個人終極FF目標係可以加入NBA球隊Front Office參與組隊決策。
唔講太多廢話，直接入戲肉。第十六集接住講下東區球隊--克里夫蘭騎士。
今季騎士陣容大執位，少主Kyrie Irving遠走波士頓，一眾老將亦被交易。現時陣中只有四位成員有份參與2016年騎士奪冠之旅。今年騎士未能如上季一樣於東區勢如破竹，主要因為缺少左Kyrie Irving 呢把尖刀後，騎士未有足夠能力同敵隊對攻，得分少左而防守又冇加強既情況下要贏都幾難。作為LBJ球迷既筆者，以往都覺得東冠先係真正開季，但今年我都覺得危危乎。希望教練Tyronn Lue可以醒定少少，唔好成日亂排陣容。有次見到Jeff Green打正選中鋒真係血到嘔埋。
今夏騎士雖然只有三名球員完約，但球隊勢必要進行陣容調整，否則下季亦只會同今季一樣，於常規賽跌跌撞撞。
相信讀者都非常關注LeBron James既動向，個人認為即使今季騎士未能奪冠，LBJ亦都唔會離隊。雖則留係騎士唔太可能攞多三個冠軍，令自己同Michael Jordan既差距縮小，但係一旦再次離隊求冠，外界對佢抱團既爭議只會更大。再者，其他熱門奪冠球隊如火箭勇士速龍都欠缺薪資空間去簽LBJ。個人唔相信該三支球隊會拆散球隊現有陣容去容納LBJ。76人係唯一支有條件簽入LBJ既球隊，但係個人認為76人唔太可能會放棄新秀發展計劃，強行加入LBJ。對於騎士而言，挽留LBJ當然非常重要，佢既動向會直接影響騎士於休賽季既操作。若然佢真係再次跳槽，騎士應該就會步入重建，用籃網既選秀權加上Jordan Clarkson同Larry Nance Jr.等一眾小將作為組隊基石。
由於個人相信LeBron James留隊機會較大，所以以下既補強策略都係假設佢留隊而考慮。
由於薪資空間爆滿既關係，今季騎士一直都只有十三名球員。只係季尾為左季後賽作最後衝刺先簽入Kendrick Perkins同Okaro White。其實主要名單裡面既球員只有Rodney Hood，Jose Calderon 同Jeff Green會於今季完約。但係球隊必須係續簽前先解決薪資空間問題，否則難以給出具吸引力既新合約。
唔洗多講，大家都知道騎士陣中要清洗既球員主要係Tristan Thompson同 J.R. Smith。前者今季明顯被棄用，場均上陣時間大減至生涯最低既20.2分鐘。球員欠缺保護籃板能力之餘，更重要係喪失左鬥心。場下既私生活比場上比賽精華更精采，以目前既心態要回復2015年奪冠既身手睇怕都遙遙無期。J.R. Smith今季表現亦強差人意，進攻端啞火之餘，最重要係欠缺防守意欲。今夏騎士要同時清出二人確實有難度，尤其係兩者都重有兩年約。個人認為應首先清出Tristan Thompson，一方面因爲合約額較大，總值剩餘兩年3600萬，另一方面因為J.R. Smith仍然可以擔任第六人，但係Tristan Thompson已經對騎士冇作用，騎士亦已經對佢冇晒信心。現時騎士最有價值既交易籌碼係籃網既樂透區選秀權，若要清走二人之一，必定會動用到呢個First Round Pick。至於交易對象將會係一眾重建球隊，除左前文提及到既籃網同公牛之外，獨行俠鷹隊魔術太陽亦有足夠薪資空間接收佢。
個人而言公牛會係較理想既交易對象，主要係因為騎士好大機會可以換取中鋒Robin Lopez。剛剛30歲既Robin Lopez明顯唔符合球隊年輕化既目標，加上下季將會係合約年，對於公牛而言冇咩損失。今季Robin Lopez場均上陣時間下降至五年新低，只有26.4分鐘，顯示出公牛開始逐漸重用年輕中鋒Cristiano Felicio。但對於騎士黎講，Robin Lopez就係一個合適既中鋒人選。預計交易案大約係Tristan Thompson 加 2018籃網選秀權換取Robin Lopez。呢個交易方案會令騎士搵到合適正選中鋒之餘，兩年內亦可以節省大概2200萬開支。
至於其他交易對象則簡單得多。由於呢d球隊陣中年青球員居多，球團唔會輕易將有潛質既球員換走，所以此交易案主要以清洗薪資空間為主。預計交易案大約係Tristan Thompson 加 2018籃網選秀權換取次輪選秀權。呢個交易方案會令騎士可以於兩年內節省大約3600萬，下季既球員開支亦會即時下降至1.2億既水平，容許球隊開出較豐厚既中產合約(800萬 vs 500萬)。但球隊就要再於自由球員市場另覓中鋒人選，或者再次要求Kevin Love頂替中鋒席位。
今夏回復自由身既中鋒並唔多，Brook Lopez，Greg Monroe同 Aron Baynes會係比較合適既選擇，當中以後者機會最大。正如前文《2018休賽季補強策略 - 波士頓塞爾特人》所講，塞爾特人只會於Greg Monroe同 Aron Baynes之中續留一人。個人認為塞軍選擇續約Greg Monroe較大，所以Aron Baynes非常有機會要另覓東家。再者，佢既人工亦比較符合騎士既預算，不過上陣時間就需要同Larry Nance Jr.競爭。順帶一提，若然最終未能吸引以上三位球員加盟，騎士大可以直接委派Larry Nancy Jr. 擔任正選中鋒一位。今季Larry Nance Jr.雖然只為騎士上陣21場，平均上陣時間亦只有20.8分鐘，但係場均8.9得分7籃板已經非常亮眼。現時既Larry Nance Jr. 就好似初出道既Tristan Thompson，同樣係undersize但係籃板數量十分可觀。
清出薪資空間後就要專注於續留自家既自由球員，首要當然係季中加盟既Rodney Hood。雖然同樣只為騎士上陣21場，但係已經足以證明可以擔任正選既實力。上半季係爵士打出場均16.8分既表現，黎到騎士後少左起手機會，但係仍然可以保持四成四既命中率。雖然另一得分後衛Kyle Korver可以提供較穩定既外圍投射，但由於年紀較大，難以長時間進行體力化防守。預計新約年薪大約1300萬至1500萬左右，唔排除有其他重建中球隊開出更高報價去爭奪。個人認為若然高過1500萬就只好忍痛唔跟進了，否則奢華稅真係爆晒標。到時Tyronn Lue可以安排Jordan Clarkson 打翻得分後衛，只係後場人手就會有d緊拙 (Jordan Clarkson今季較多時間打控球後衛)。
另外兩位球員Jeff Green 同José Calderón對於騎士都非常重要。Jeff Green 今季場均上陣23.4分鐘有10.8得分3.2籃板，性價比相當高。不過佢會唔會願意留低都係一個疑問，一方面因為騎士唔會俾到高人工，另一方面騎士已經唔再似前幾年咁強，球員有機會選擇去其他上游球隊求冠。老將José Calderón 雖然難以係數據上貢獻好多，但對於騎士黎講係一個非常好既保險。George Hill未加盟前，José Calderón大多數時間都擔任正選控衛。佢既表現都相當穩定，生涯場均只有1.5個失誤。對於已經36歲既佢，比賽時間已經太重要，只係一心求冠。下季繼續着上騎士波衫既機會非常大。
騎士未來兩季既薪資空間都已經過億，換句話即係洗濕左個頭，好難劈掉重練。希望騎士可以好好把握今個夏天，強化中鋒位置令Kevin Love回到熟悉既大前鋒位置，否則克里夫蘭市可能要再等多半世紀先能夠再次有冠軍。
唔講太多廢話，直接入戲肉。第十六集接住講下東區球隊--克里夫蘭騎士。
今季騎士陣容大執位，少主Kyrie Irving遠走波士頓，一眾老將亦被交易。現時陣中只有四位成員有份參與2016年騎士奪冠之旅。今年騎士未能如上季一樣於東區勢如破竹，主要因為缺少左Kyrie Irving 呢把尖刀後，騎士未有足夠能力同敵隊對攻，得分少左而防守又冇加強既情況下要贏都幾難。作為LBJ球迷既筆者，以往都覺得東冠先係真正開季，但今年我都覺得危危乎。希望教練Tyronn Lue可以醒定少少，唔好成日亂排陣容。有次見到Jeff Green打正選中鋒真係血到嘔埋。
今夏騎士雖然只有三名球員完約，但球隊勢必要進行陣容調整，否則下季亦只會同今季一樣，於常規賽跌跌撞撞。
相信讀者都非常關注LeBron James既動向，個人認為即使今季騎士未能奪冠，LBJ亦都唔會離隊。雖則留係騎士唔太可能攞多三個冠軍，令自己同Michael Jordan既差距縮小，但係一旦再次離隊求冠，外界對佢抱團既爭議只會更大。再者，其他熱門奪冠球隊如火箭勇士速龍都欠缺薪資空間去簽LBJ。個人唔相信該三支球隊會拆散球隊現有陣容去容納LBJ。76人係唯一支有條件簽入LBJ既球隊，但係個人認為76人唔太可能會放棄新秀發展計劃，強行加入LBJ。對於騎士而言，挽留LBJ當然非常重要，佢既動向會直接影響騎士於休賽季既操作。若然佢真係再次跳槽，騎士應該就會步入重建，用籃網既選秀權加上Jordan Clarkson同Larry Nance Jr.等一眾小將作為組隊基石。
由於個人相信LeBron James留隊機會較大，所以以下既補強策略都係假設佢留隊而考慮。
由於薪資空間爆滿既關係，今季騎士一直都只有十三名球員。只係季尾為左季後賽作最後衝刺先簽入Kendrick Perkins同Okaro White。其實主要名單裡面既球員只有Rodney Hood，Jose Calderon 同Jeff Green會於今季完約。但係球隊必須係續簽前先解決薪資空間問題，否則難以給出具吸引力既新合約。
唔洗多講，大家都知道騎士陣中要清洗既球員主要係Tristan Thompson同 J.R. Smith。前者今季明顯被棄用，場均上陣時間大減至生涯最低既20.2分鐘。球員欠缺保護籃板能力之餘，更重要係喪失左鬥心。場下既私生活比場上比賽精華更精采，以目前既心態要回復2015年奪冠既身手睇怕都遙遙無期。J.R. Smith今季表現亦強差人意，進攻端啞火之餘，最重要係欠缺防守意欲。今夏騎士要同時清出二人確實有難度，尤其係兩者都重有兩年約。個人認為應首先清出Tristan Thompson，一方面因爲合約額較大，總值剩餘兩年3600萬，另一方面因為J.R. Smith仍然可以擔任第六人，但係Tristan Thompson已經對騎士冇作用，騎士亦已經對佢冇晒信心。現時騎士最有價值既交易籌碼係籃網既樂透區選秀權，若要清走二人之一，必定會動用到呢個First Round Pick。至於交易對象將會係一眾重建球隊，除左前文提及到既籃網同公牛之外，獨行俠鷹隊魔術太陽亦有足夠薪資空間接收佢。
個人而言公牛會係較理想既交易對象，主要係因為騎士好大機會可以換取中鋒Robin Lopez。剛剛30歲既Robin Lopez明顯唔符合球隊年輕化既目標，加上下季將會係合約年，對於公牛而言冇咩損失。今季Robin Lopez場均上陣時間下降至五年新低，只有26.4分鐘，顯示出公牛開始逐漸重用年輕中鋒Cristiano Felicio。但對於騎士黎講，Robin Lopez就係一個合適既中鋒人選。預計交易案大約係Tristan Thompson 加 2018籃網選秀權換取Robin Lopez。呢個交易方案會令騎士搵到合適正選中鋒之餘，兩年內亦可以節省大概2200萬開支。
至於其他交易對象則簡單得多。由於呢d球隊陣中年青球員居多，球團唔會輕易將有潛質既球員換走，所以此交易案主要以清洗薪資空間為主。預計交易案大約係Tristan Thompson 加 2018籃網選秀權換取次輪選秀權。呢個交易方案會令騎士可以於兩年內節省大約3600萬，下季既球員開支亦會即時下降至1.2億既水平，容許球隊開出較豐厚既中產合約(800萬 vs 500萬)。但球隊就要再於自由球員市場另覓中鋒人選，或者再次要求Kevin Love頂替中鋒席位。
今夏回復自由身既中鋒並唔多，Brook Lopez，Greg Monroe同 Aron Baynes會係比較合適既選擇，當中以後者機會最大。正如前文《2018休賽季補強策略 - 波士頓塞爾特人》所講，塞爾特人只會於Greg Monroe同 Aron Baynes之中續留一人。個人認為塞軍選擇續約Greg Monroe較大，所以Aron Baynes非常有機會要另覓東家。再者，佢既人工亦比較符合騎士既預算，不過上陣時間就需要同Larry Nance Jr.競爭。順帶一提，若然最終未能吸引以上三位球員加盟，騎士大可以直接委派Larry Nancy Jr. 擔任正選中鋒一位。今季Larry Nance Jr.雖然只為騎士上陣21場，平均上陣時間亦只有20.8分鐘，但係場均8.9得分7籃板已經非常亮眼。現時既Larry Nance Jr. 就好似初出道既Tristan Thompson，同樣係undersize但係籃板數量十分可觀。
清出薪資空間後就要專注於續留自家既自由球員，首要當然係季中加盟既Rodney Hood。雖然同樣只為騎士上陣21場，但係已經足以證明可以擔任正選既實力。上半季係爵士打出場均16.8分既表現，黎到騎士後少左起手機會，但係仍然可以保持四成四既命中率。雖然另一得分後衛Kyle Korver可以提供較穩定既外圍投射，但由於年紀較大，難以長時間進行體力化防守。預計新約年薪大約1300萬至1500萬左右，唔排除有其他重建中球隊開出更高報價去爭奪。個人認為若然高過1500萬就只好忍痛唔跟進了，否則奢華稅真係爆晒標。到時Tyronn Lue可以安排Jordan Clarkson 打翻得分後衛，只係後場人手就會有d緊拙 (Jordan Clarkson今季較多時間打控球後衛)。
另外兩位球員Jeff Green 同José Calderón對於騎士都非常重要。Jeff Green 今季場均上陣23.4分鐘有10.8得分3.2籃板，性價比相當高。不過佢會唔會願意留低都係一個疑問，一方面因為騎士唔會俾到高人工，另一方面騎士已經唔再似前幾年咁強，球員有機會選擇去其他上游球隊求冠。老將José Calderón 雖然難以係數據上貢獻好多，但對於騎士黎講係一個非常好既保險。George Hill未加盟前，José Calderón大多數時間都擔任正選控衛。佢既表現都相當穩定，生涯場均只有1.5個失誤。對於已經36歲既佢，比賽時間已經太重要，只係一心求冠。下季繼續着上騎士波衫既機會非常大。
騎士未來兩季既薪資空間都已經過億，換句話即係洗濕左個頭，好難劈掉重練。希望騎士可以好好把握今個夏天，強化中鋒位置令Kevin Love回到熟悉既大前鋒位置，否則克里夫蘭市可能要再等多半世紀先能夠再次有冠軍。
如果喜歡我們的文章，請即分享到︰
延伸閲讀：
2018休賽季補強策略 - 明尼蘇達木狼
2018休賽季補強策略 - 布魯克林籃網
2018休賽季補強策略 - 奧克拉荷馬雷霆
2018休賽季補強策略 - 洛杉磯快艇
2018休賽季補強策略 - 新奧爾良鵜鶘
2018休賽季補強策略 - 明尼蘇達木狼
2018休賽季補強策略 - 布魯克林籃網
2018休賽季補強策略 - 奧克拉荷馬雷霆
2018休賽季補強策略 - 洛杉磯快艇
2018休賽季補強策略 - 新奧爾良鵜鶘