(轉會消息) 愛華頓再簽兩名韋根球員 馬天尼斯勢打造英超新小強

繼干尼由韋根轉會愛華頓後，又有兩名前韋根球員轉會愛華頓。
分別係後衛艾卡拉斯同門將盧保斯。

艾卡拉斯現年30歲，
加盟韋根後為韋根上陣69次，
同時亦是擊敗曼城奪得足總杯的功臣，
可算是馬天尼斯陣中的主將。
現與愛華頓簽約兩年，
相信其比賽經驗可以令愛華頓的後防更為穩固。

而盧保斯則是年僅23歲的年輕門將，上季1月份由馬體會外借加盟韋根，
盧保斯於韋根表現出色，
同樣亦是助韋根奪得足總杯的功臣。
結果其出色表現終於贏得愛華頓給予的五年合同。
馬天尼斯在轉會市場非常積極。
干尼，艾卡拉斯，盧保斯，加埋馬天尼斯自己，
大大話話已經有4位前韋根成員加盟愛華頓。
成個轉會斯仲有個幾月，
可能仲會有更多韋根力量注入愛華頓。
唔知呢啲算唔算飲水思源，馬天尼斯執掌愛華頓後，
並無一朝得志而唔識人，反而頻頻簽番一班係韋根為佢打江山既球員。
其實愛華頓本身已經係一隊穩定性高，韌力強的球隊。
如果馬天尼斯可以留得住愛華頓本身的一班主力，
如費蘭尼，拜恩斯等，
再加上一班前韋根球員，
愛華頓下季既實力真係不容忽視。

球來球往facebook https://www.facebook.com/ballcomeballgo