【曾經...我們都是足球小將】
有時候我會問自己 點解會鐘意足球？
繼而就會諗，我到底係幾時開始接觸足球。
然後，我便想起《足球小將》。
大家接觸《足球小將》嘅方式同《數碼暴龍》，《寵物小精靈》，《超速搖搖》等等卡通片有啲唔同，《數碼暴龍》等等卡通片係每日4、5點時間播，然後我地班小學雞就每日放學趕番屋企睇太一，然後第2日番學再一齊瘋狂扮太一，瘋狂扮戰鬥暴龍獸，再一齊玩Card Game，好似係有一條Foumla，然後成就一股《數碼暴龍》、《搖搖》、《激鬥戰車》熱潮等等等等。但《足球小將》似乎有啲唔同，大家接觸《足球小將》嘅渠道都唔同，有人係睇漫畫，有人係睇動畫。大家睇嘅故事年代亦唔同，有人係由小學篇開始睇，有人係世青篇開始睇。大家睇嘅版本又唔同，記憶中小學篇都有兩個Version，畫質同情節都有少少唔同。
而我就係因為老豆送嘅一盒VCD而開始接觸《足球小將》。我唔知自己睇嘅係咩Version，唔知同大家睇嘅又一唔一樣。我只知道同大家一樣嘅係，每個人睇完足球小將都會話自己係戴志偉、同自己好夾個個隊友就叫佢麥泰萊，然後總會嘗試踩住條門柱嘗試跳到5米高倒掛金鈎，結果一切其實都係幻想太多。
老套啲講句，現實總是殘酷。當你係球場上以為自己係戴志偉嘅時候，試下學大志偉扭波，飛頂，衝力射球，但最後你會發現，其實你只不過係戴志偉身邊嘅梁仔，傳波又唔準，射波又無力，踢半場又無氣。而比殘酷更殘酷嘅係，梁仔呢件垃圾無論踢得幾垃圾，就算淨係識面部擋球，佢都可以由小學校隊，一直踢到中學校隊，再踢埋國家隊。而我地呢啲垃圾，就算踢波踢得幾好，最終都只係會成為社會眼中嘅一舊垃圾。
喺呢個社會，踢波踢得勁？Who Fucking Care？同其他運動卡通或劇集一樣，足球小將講嘅都係夢想。雖然戴志偉係每場比賽都遇到唔少困難，但次次都總可以逢凶化吉，關關難過關關過，最後理所當然地捧杯不是夢。
但人愈大愈發現，現實並唔會有一個人好似戴志偉咁完美無瑕，現實並不會如足球小將般事事順利「夢想成真」。
在現實中，夢想並唔一定會成真。就如櫻木花道其實都唔係逢指贏冠軍。
有夢想並唔係大哂。
在現實中，有夢，其實已經很好了。
雖然足球小將「離哂地」，
但至少比左我地一個FF嘅機會。
其實諗番起都覺得幾奇妙，如果當時爸爸送比我嘅係《籃兒當入樽》，我鍾意嘅可能會係籃球而唔係足球。
呢段3D足球小將，真係令我有個衝動想將成套《足球小將》重煲一次。
雖然首主題曲我一隻字都聽唔明，但事隔多年，依家聽番起首歌，都會掀起我小時候嘅回憶，想起小時候的夢想，想起那時候的志偉夢。
「香港唔係一個比人發夢嘅地方。」
或者，
係香港，
曾經有夢，就已經很好了。
https://www.youtube.com/watch?v=ix1VoK2bcgE
球來球往: https://www.facebook.com/ballcomeballgo/
繼而就會諗，我到底係幾時開始接觸足球。
然後，我便想起《足球小將》。
大家接觸《足球小將》嘅方式同《數碼暴龍》，《寵物小精靈》，《超速搖搖》等等卡通片有啲唔同，《數碼暴龍》等等卡通片係每日4、5點時間播，然後我地班小學雞就每日放學趕番屋企睇太一，然後第2日番學再一齊瘋狂扮太一，瘋狂扮戰鬥暴龍獸，再一齊玩Card Game，好似係有一條Foumla，然後成就一股《數碼暴龍》、《搖搖》、《激鬥戰車》熱潮等等等等。但《足球小將》似乎有啲唔同，大家接觸《足球小將》嘅渠道都唔同，有人係睇漫畫，有人係睇動畫。大家睇嘅故事年代亦唔同，有人係由小學篇開始睇，有人係世青篇開始睇。大家睇嘅版本又唔同，記憶中小學篇都有兩個Version，畫質同情節都有少少唔同。
而我就係因為老豆送嘅一盒VCD而開始接觸《足球小將》。我唔知自己睇嘅係咩Version，唔知同大家睇嘅又一唔一樣。我只知道同大家一樣嘅係，每個人睇完足球小將都會話自己係戴志偉、同自己好夾個個隊友就叫佢麥泰萊，然後總會嘗試踩住條門柱嘗試跳到5米高倒掛金鈎，結果一切其實都係幻想太多。
老套啲講句，現實總是殘酷。當你係球場上以為自己係戴志偉嘅時候，試下學大志偉扭波，飛頂，衝力射球，但最後你會發現，其實你只不過係戴志偉身邊嘅梁仔，傳波又唔準，射波又無力，踢半場又無氣。而比殘酷更殘酷嘅係，梁仔呢件垃圾無論踢得幾垃圾，就算淨係識面部擋球，佢都可以由小學校隊，一直踢到中學校隊，再踢埋國家隊。而我地呢啲垃圾，就算踢波踢得幾好，最終都只係會成為社會眼中嘅一舊垃圾。
喺呢個社會，踢波踢得勁？Who Fucking Care？同其他運動卡通或劇集一樣，足球小將講嘅都係夢想。雖然戴志偉係每場比賽都遇到唔少困難，但次次都總可以逢凶化吉，關關難過關關過，最後理所當然地捧杯不是夢。
但人愈大愈發現，現實並唔會有一個人好似戴志偉咁完美無瑕，現實並不會如足球小將般事事順利「夢想成真」。
在現實中，夢想並唔一定會成真。就如櫻木花道其實都唔係逢指贏冠軍。
有夢想並唔係大哂。
在現實中，有夢，其實已經很好了。
雖然足球小將「離哂地」，
但至少比左我地一個FF嘅機會。
其實諗番起都覺得幾奇妙，如果當時爸爸送比我嘅係《籃兒當入樽》，我鍾意嘅可能會係籃球而唔係足球。
呢段3D足球小將，真係令我有個衝動想將成套《足球小將》重煲一次。
雖然首主題曲我一隻字都聽唔明，但事隔多年，依家聽番起首歌，都會掀起我小時候嘅回憶，想起小時候的夢想，想起那時候的志偉夢。
「香港唔係一個比人發夢嘅地方。」
或者，
係香港，
曾經有夢，就已經很好了。
https://www.youtube.com/watch?v=ix1VoK2bcgE
球來球往: https://www.facebook.com/ballcomeballgo/