乒乓嫲嫲

奧運歷史上最高齡、來自盧森堡的華裔乒乓球手倪夏蓮寶刀未老！在乒乓球女單64強以4比2擊敗31歲的土耳其球手艾天嘉耶，晉身下一圈，對手將會係乒壇一姐、年僅23歲來自中國的孫穎莎。

呢位乒壇長青樹，曾經在1983年代表中國隊成為世界混雙冠軍，佢現今的對手大部分都未出世！當年23歲選擇告別乒壇，原因係「我想讀書同埋做下其他唔同既野」

呢個決定只係維持左3年，1989年倪夏蓮移居盧森堡後重拾乒拍，本身只計劃打兩年，點知打打下在2000年以37歲之齡參加悉尼奧運，今屆巴黎奧運已經係佢第6次參加奧運。
被問及養生之道，倪夏蓮表示「我訓練量比其他年輕隊友少，但我很注意體格健康，在盧森堡我有一流健身室，還有優秀的物理治療師。」飲食均衡亦係佢的長青秘訣，「我吃很多水果和水，從來不喝可樂。」

「我歲數一般大對手一倍，所以經驗也比她們多一倍。」在下一圈將會面對較她年輕38載的孫穎莎，倪夏蓮深知自己非其對手，「我欠了一些抽籤運，面對孫要獲勝幾乎是不可能，但我從不放棄。」

的確，也許獲勝是運動員生涯最高光一刻，但在花甲之年仍有此力拼心態站在奧運舞台上，卻是奧運精神的最大彰顯。

世事無絕對，誰說3年前在東京奧運曾經表示不大可能參加今屆奧運的倪夏蓮，面對孫穎莎一定會落敗？始終波是圓的。

場上的波兒 (ig: ballonfields): 自細對波類運動情有獨鍾的紅魔躉；同時亦係一名球壇黑氣石，球迷生涯但凡親身入場未曾見證所捧的球隊贏波，不勝率為100%。