周末好去處：億利工業中心 (美食篇)

近年香港嘅工業中心興起，好多唔同類型嘅鋪頭都開喺工廈。今次就等小編帶大家睇下BALL ROOM荔枝角分店嘅地方：億利工業中心，等大家下次上嚟玩完桌上足球可以食番餐好嘅！
呢到唔止離地鐵站好近，仲有好多出名又特別嘅美食同玩意添！

1. 程班長台灣美食
相信大家對呢間餐廳應該唔陌生啦，老闆係移居香港嘅台灣人，熱情好客！而且對食物材料同埋質素非常堅持，所以佢地嘅地道台灣傳統美食都好有品質保證，包你食過番尋味！
地址：荔枝角長沙灣道883號億利工業中心1樓102室 (BALL ROOM落3層就係喇！)

2. Bondi Café
呢間café裝修簡約，地方都幾寬敞，岩哂想食下唔同西餐嘅朋友。西式意粉飯、甜品同埋咖啡固然出色，亦都有特別嘅Bondi Salad，感受下澳洲嘅風味。地址：荔枝角長沙灣道883號億利工業中心203室 (喺BALL ROOM落2層咋好近！)

3. 匯城
就喺正億利工業中心隔離，唔好睇小呢間茶餐廳，佢嘅下午茶係由兩點去到八點架！打工一族放工都仲可以嘆個西多士添！另外，佢嘅沙嗲牛肉麵都係世界級架！想食好西又想要好玩嘅野仲唔快啲嚟荔枝角？！

(圖片來源：OpenRice)