BALL ROOM大揭秘： PARTY 常見5種人

過時過節，最好就緊係約埋一大班朋友開下Party，狂歡一下架啦！ BALL ROOM小編縱橫PARTY界咁耐，開P多過你食飯呀，但次次都會有啲朋友仔中意搞串個party架喎！等我今日同大家分享下開Party常見5種人，總有一種起你朋友堆中！

1. 例牌遲大到

約7點開始派對，但總會有啲人九點先到！由兩個鐘前已經講緊：「就落車喇，5分鐘後到！」 有時懷疑我地到底喺唔喺同一個平行時空呀！

2. 打包食物專員

每次party完左都可能會有食物食唔哂，雖然大家都唔想做大徙鬼啫，但係呀朋友你都唔洗一開始就拎定個食物盒出黎呀嘛…當呢度茶餐廳買外賣呀？
3. 飲醉酒發癲

相信呢種人大家一定遇過，唔係唔比你飲呀朋友，都要量力而為先得架！ 飲醉左仲要麻煩朋友照顧你，令大家掃興唔開心就唔係咁好啦。（溫馨提示：未夠18歲朋友記得唔好飲酒呀）

4. 總係唔記得㩒錢

去到Party尾聲既時候最重要係咩？冇錯，就係夾錢喇！ 但係呢個時候總會有啲朋友會話唔記得㩒錢，問你借住先下次還比你。最後係點？就係緊係冇左回事啦！依家騙徒手法真係層出不窮呀！

5. 全程R水吹

冇錯，其實開party都係想一大班朋友聚下舊，傾下近況。但係如果你係咁派卡片，不斷拉住某個朋友傾計，就可能令人反感架喇！

（圖片來源︰WhatsCap, 網上）