BALL ROOM大揭秘︰五個收過『最驚喜』嘅聖誕禮物

話咁快又到左12月喇，聖誕氣氛一日比一日濃厚，大家又諗聖誕節點樣過未？ 計我話，就一定係黎BALL ROOM包場開派對就最好啦！不過講到交換禮物環節就一定係最苦惱喇，要起指定金額範圍入面，又要夠大體，真係好花心機揀禮物呀！就係咁，世界上就出現左啲收到都喊三聲嘅禮物，以下五份收到『最驚喜』嘅禮物，你又有冇收過？

倒數第5位: 「絕交三寶」
相信好多女仔都會知咩係「絕交三寶」，當你滿心歡喜打開份禮物果陣見到水杯/相架/潤手霜果陣，真係會嬲架！

倒數第4位: 聖誕帽
明明開party已經戴緊頂聖誕帽，都仲要俾多頂帽你戴，過左聖誕就冇用嘅禮物！

倒數第3位: 通勝
都岩嘅，紅色 都叫做應節嘅…

倒數第2位: 六合彩
如果開PARTY買禮物BUDGET係20蚊內，你會買咩? 有朋友試過收到一張$20嘅六合彩。 係代表20蚊買個希望定係買張廢紙？

倒數第1位: 月曆
如果係下年用，咁送禮物果個都算有番啲良心。小編有朋友收過果年用嘅月曆，即係代表佢仲有五日可以用，用得又唔好徙呀嘛！

（圖片來源：google）